ಮಂಗಳೂರಿನ ಒಂದು ದೈವಸ್ಥಾನದಲ್ಲಿ ನಡೆದ ದೈವ ನರ್ತನ ಸೇವೆ ಈಗ ತುಳುನಾಡಿನಾದ್ಯಂತ ದೊಡ್ಡ ಚರ್ಚೆಯ ವಿಷಯವಾಗಿದೆ. ವಿಷಯ ಸಿಂಪಲ್ ಆಗಿ ಹೇಳ್ಬೇಕಂದ್ರೆ –
“ದೈವ ನರ್ತನ ಸೇವೆ ಕ್ರೈಸ್ತ ವ್ಯಕ್ತಿಯಿಂದ ಮಾಡಿಸಲಾಗಿದೆ” ಅನ್ನೋ ಆರೋಪ ದೊಡ್ಡ ಮಟ್ಟಕ್ಕೆ ಹಬ್ಬಿದೆ. ಇದ್ರಿಂದ ಈಗಿನ ಪರಿಸ್ಥಿತಿ ,ದೈವಾರಾಧನಾ ವಲಯದಲ್ಲಿ ಗೊಂದಲ,ಭಕ್ತರಲ್ಲಿ ಸಂಶಯ ಹಾಗೇ ಸಾಮಾಜಿಕ ಚರ್ಚೆ ತೀವ್ರವಾಗಿದೆ.ವಿಷಯ ಈಗ ಅಧಿಕಾರಿಗಳ ಗಮನಕ್ಕೂ ಹೋಗಿದೆ.

ವಿವಾದ ಹೇಗೆ ಶುರುವಾಯ್ತು?

ಪಂಬದ ಸಮುದಾಯದ ಸಂಶೋಧಕಿ ಡಾ. ರತಿ ಅವರು ಪ್ರೆಸ್ ಮೀಟ್‌ನಲ್ಲಿ ಗಂಭೀರ ಆರೋಪ ಮಾಡಿದ್ದಾರೆ.

ಫೆಬ್ರವರಿ1ರಂದು,ಮಂಗಳೂರಿನ ಜಾರಂದಾಯ ದೈವಸ್ಥಾನದಲ್ಲಿ ನಡೆದ ನೇಮೋತ್ಸವದಲ್ಲಿ,ಕ್ರೈಸ್ತ ಯುವಕನಿಂದ ದೈವ ನರ್ತನ ಮಾಡಿಸಲಾಗಿದೆ ಅಂತ ಹೇಳಿದ್ದಾರೆ.ಹಾಗೂ ಇದು ದೈವಾರಾಧನಾ ಸಂಪ್ರದಾಯಕ್ಕೆ ವಿರುದ್ಧ ಅಂತ ಅವರು ಅಭಿಪ್ರಾಯಪಟ್ಟಿದ್ದಾರೆ.

🔥 ಆರೋಪದ ಮುಖ್ಯ ಅಂಶಗಳು

ದೈವ ನರ್ತನ ಸಾಮಾನ್ಯವಾಗಿ ಪಂಬದ ಸಮುದಾಯದವರು ಮಾಡಬೇಕು.ಆದರೆ ಇಲ್ಲಿ “ಅನ್ಯ ಧರ್ಮದ ವ್ಯಕ್ತಿಗೆ ಅವಕಾಶ ಕೊಟ್ಟಿದ್ದಾರೆ”.ಹಣದ ಕಾರಣಕ್ಕೆ ನಿಯಮ ಉಲ್ಲಂಘನೆ ಆಗಿದೆ ಅಂತ ಆರೋಪ.ಪ್ರಶ್ನಿಸಿದಾಗ ಅವಮಾನಕಾರಿ ಉತ್ತರ ಸಿಕ್ಕಿದೆ ಎಂಬ ಮತ್ತೊಂದು ಆರೋಪ.

🧾 ಆರೋಪಕ್ಕೆ ಉತ್ತರ – ನರ್ತಕರ ಸ್ಪಷ್ಟನೆ

ಈ ಆರೋಪಗಳನ್ನೆಲ್ಲಾ ಸಂಪೂರ್ಣವಾಗಿ ತಳ್ಳಿ ಹಾಕಿದ್ದಾರೆ.ಗಣೇಶ್ ಪಂಬದ ಹೇಳೋದು ಏನು ಅಂದ್ರೆ:

ನರ್ತನ ಮಾಡಿದ ಸುಶಾಂತ್ ಪಂಬದ ಕ್ರೈಸ್ತನಲ್ಲ,ಅವನು ಪಂಬದ ಸಮುದಾಯದವನೇ..ಅವನ ತಾಯಿ ಮದುವೆಯ ನಂತರ ಹಿಂದೂ ಧರ್ಮ ಪಾಲಿಸುತ್ತಿದ್ದಾರೆ.ಇವನು ಹೊಸಬನು ಅಲ್ಲ, ಹಿಂದೆ ಹಲವಾರು ಕಡೆ ಸೇವೆ ಮಾಡಿದ್ದಾನೆ. “ಯಾವುದೇ ಅಪಚಾರ ಆಗಿಲ್ಲ” ಅಂತ ಹೇಳಿದ್ದಾರೆ.
ಇಷ್ಟಾಗುವಾಗ ಆರೋಪ ಮಾಡಿದವರ ಮೇಲೆಯೇ ಪ್ರಶ್ನೆ ಎತ್ತಿರುವ ಗಣೇಶ್ ಪಂಬದ ರತಿಯವರ ಕುಟುಂಬವೇ ಇವನ ಸಹೋದರನಿಂದ ಬೇರೆಡೆ ನರ್ತನ ಮಾಡಿಸಿಕೊಂಡಿದೆ ಆಗ ಸಮಸ್ಯೆ ಇರಲಿಲ್ಲ ಯಾಕೆ ಎಂದು ಪ್ರಶ್ನಿಸಿದ್ದಾರೆ. ಕ್ಷೇತ್ರಕ್ಕೆ ಯಾವುದೇ ಅಪಚಾರವಾಗಿಲ್ಲ ಎಂದು ಅವರು ಖಡಕ್ ಆಗಿ ಹೇಳಿದ್ದಾರೆ.

ಈ ಮದ್ಯೆ ಸುಶಾಂತ್ ತುಂಬಾ ಭಾವನಾತ್ಮಕವಾಗಿ ಮಾತನಾಡಿದ್ದಾರೆ:

“ಈ ಆರೋಪದಿಂದ ಜೀವನವೇ ಬದಲಾಗಿದೆ,ಜನರಿಗೆ ಮುಖ ತೋರಿಸಲು ಕಷ್ಟ ಆಗುತ್ತಿದೆ.ತಮ್ಮ ಬಳಿ ಜಾತಿ ಪ್ರಮಾಣಪತ್ರ ಇದೆ ಎಂದು ತಿಳಿಸಿದ್ದಾರೆ.ನ್ಯಾಯ ಬೇಕು ಅಂತ ಮನವಿ ಮಾಡಿದ್ದಾರೆ.”

ಸುಶಾಂತ್ ತಾಯಿಯ ಸ್ಪಷ್ಟನೆ

“ನಾನು ಮೊದಲು ಕ್ರಿಶ್ಚಿಯನ್ ಆಗಿದ್ದೆ, ಮದುವೆಯ ನಂತರ ಹಿಂದೂ ಧರ್ಮಕ್ಕೆ ಬಂದೆ ,ನಾವು ಈಗ ಚರ್ಚ್‌ಗೆ ಹೋಗೋದಿಲ್ಲ”.
“ನನ್ನ ಮಗ ಕ್ರಿಶ್ಚಿಯನ್ ಅಂತ ಸಾಬೀತು ಮಾಡಿದ್ರೆ ನರ್ತನ ಮಾಡಿಸಲ್ಲ”