ನಾಡಿನೆಲ್ಲೆಡೆ ಯುಗಾದಿ ಅಂದರೆ ಸಂಭ್ರಮ, ಹೊಸ ವರ್ಷಕ್ಕೆ ಹೊಸ ಆಶೆಗಳು, ಬೇವು-ಬೆಲ್ಲದ ಸವಿರುಚಿ, ಮನೆಮಂದಿಯ ಜೊತೆ ನಗು-ನಲಿವು. ಆದರೆ ಬಳ್ಳಾರಿ ಜಿಲ್ಲೆಯ ಕೆಲವು ಗ್ರಾಮಗಳಲ್ಲಿ ಈ ದಿನವೇ ಭಿನ್ನ. ಇಲ್ಲಿ ಯುಗಾದಿ ಬಂದರೂ ಹಬ್ಬದ ಚಿಲುಮೆ ಹರಿಯೋದಿಲ್ಲ… ಬದಲಾಗಿ ಮೌನ, ಭಯ, ಮತ್ತು ಒಂದು ವಿಚಿತ್ರ ನಂಬಿಕೆ.

📍 ಕೂಡ್ಲಿಗಿ ಮತ್ತು ಹಗರಿಬೊಮ್ಮನಹಳ್ಳಿ ತಾಲೂಕಿನ ಗಜಾಪುರ, ತಿಮ್ಮಲಾಪುರ, ಯಾಲ್ದಳ್ಳಿ, ಅಗ್ರಹಾರ ಸೇರಿದಂತೆ ಹತ್ತಾರು ಗ್ರಾಮಗಳಲ್ಲಿ ಯುಗಾದಿ ಹಬ್ಬವನ್ನೇ ಆಚರಿಸುವುದಿಲ್ಲ. ಏಕೆ ಗೊತ್ತಾ?

ಹಳೆಯವರ ಕಥೆಗಳು ಹೇಳುತ್ತವೆ —
ಒಮ್ಮೆ ಯುಗಾದಿ ಹಬ್ಬಕ್ಕೆ ಬೇವು ತರಲು ಹೋದವರು ಮನೆಗೆ ಮರಳಿ ಬಂದಿರಲಿಲ್ಲವಂತೆ! ಇನ್ನೂ ಕೆಲವರು ಹೇಳೋದು — ಹಬ್ಬ ಆಚರಣೆ ಮಾಡಿದ ವರ್ಷಗಳಲ್ಲಿ ಗ್ರಾಮದಲ್ಲಿ ಅವಘಡಗಳು ಸಂಭವಿಸಿದ್ದವಂತೆ. ಈ ಘಟನೆಗಳು ಕಾಲ ಕಳೆದರೂ ಕಥೆಗಳಾಗಿ ಉಳಿದು, ಇವತ್ತು ಮೂಢನಂಬಿಕೆಯಾಗಿವೆ.

Also Read ಸುಳ್ಯದಲ್ಲಿ ಚಿನ್ನಾಭರಣ ಕಳವು, ಮಹಿಳೆಯ ಮೇಲೆ ಶಂಕೆ

😟 “ಯುಗಾದಿ ಆಚರಿಸಿದ್ರೆ ಕೇಡು ಆಗುತ್ತೆ… ಮನೆಗೆ ಅಪಶಕುನ ಬರುತ್ತೆ… ಕೆಲವೊಮ್ಮೆ ಜೀವ ಹಾನಿಯೂ ಆಗಬಹುದು” ಎಂಬ ಭಯ ಗ್ರಾಮಸ್ಥರ ಮನಸ್ಸಿನಲ್ಲಿ ಆಳವಾಗಿ ಬೇರು ಬಿಟ್ಟಿದೆ.

ಇದಕ್ಕೇನು ಫಲ?
👉 ಯುಗಾದಿ ದಿನ ಮಾತ್ರವಲ್ಲ, ಕೆಲವೆಡೆ ಎರಡು ದಿನಗಳ ಕಾಲ ಸ್ನಾನವೂ ಇಲ್ಲ, ಪೂಜೆಯೂ ಇಲ್ಲ
👉 ಹೊಸ ಬಟ್ಟೆ ಧರಿಸುವುದಿಲ್ಲ
👉 ಸಿಹಿ ತಿಂಡಿಗಳನ್ನೂ ತಿನ್ನುವುದಿಲ್ಲ
👉 ಹಬ್ಬದ ಹರ್ಷವೇ ಇಲ್ಲ

ನಾಯಕ, ಗಂಗಾಮಸ್ತ, ಉಪ್ಪಾರ ಸಮುದಾಯದ ಜನರಲ್ಲಿ ಈ ನಂಬಿಕೆ ಹೆಚ್ಚು ಕಂಡು ಬರುತ್ತದೆ. ಪೀಳಿಗೆಯಿಂದ ಪೀಳಿಗೆಗೆ ಬಂದ ಈ ಸಂಪ್ರದಾಯವನ್ನು ಇಂದಿಗೂ ಕಟ್ಟುನಿಟ್ಟಾಗಿ ಪಾಲಿಸಲಾಗುತ್ತಿದೆ.

ಆದರೆ… ಎಲ್ಲರೂ ಹೀಗೆ ಯೋಚಿಸುತ್ತಿಲ್ಲ.

🙏 ಸ್ಥಳೀಯ ದೇವಾಲಯದ ಅರ್ಚಕರು ಮತ್ತು ಪ್ರಜ್ಞಾವಂತರ ಅಭಿಪ್ರಾಯವೇ ಬೇರೆ —
“ಯುಗಾದಿ ಎಲ್ಲರಿಗೂ ಒಳಿತು ತರುವ ಹಬ್ಬ. ಭಯವನ್ನು ಬಿಟ್ಟು, ಹಬ್ಬವನ್ನು ಆಚರಿಸಬೇಕು” ಅಂತಾರೆ.
ಇಂದಿನ ಯುವಕರು, ಶಿಕ್ಷಕರು, ಸಾಮಾಜಿಕ ಸಂಘಟನೆಗಳು ಈ ಮೂಢನಂಬಿಕೆಗೆ ತೆರೆ ಎಳೆಯಲು ಪ್ರಯತ್ನಿಸುತ್ತಿದ್ದಾರೆ.ಒಂದು ಹಬ್ಬ ಭಯದ ಕಾರಣಕ್ಕೆ ಮೌನವಾಗಬೇಕಾ?
ಅಥವಾ ಹೊಸ ಯುಗಾದಿ… ಹೊಸ ಯೋಚನೆಗಳೊಂದಿಗೆ ಈ ಗ್ರಾಮಗಳಲ್ಲಿ ಬೆಳಕು ಚೆಲ್ಲಬೇಕಾ?

Also Read ಬಂಟ್ವಾಳ ಬಿಸಿ ರೋಡ್ ಬಸ್ ನಿಲ್ದಾಣದಲ್ಲಿ ಭೀಕರ ಹತ್ಯೆ!ಸಂಜೆ ಜನಸಂದಣಿಯಲ್ಲೇ ರಕ್ತದೋಕುಳಿ..ಬಸ್‌ಗಾಗಿ ಕಾಯುತ್ತಿದ್ದ ಯುವತಿ ಮೇಲೆ ಮಾರಕ ದಾಳಿ ಕೊಚ್ಚಿ ಕೊಲೆ..!

#belief#bellary villeges#fesival#karnataka#ಮೂಡನಂಬಿಕೆಗಳು#ಯುಗಾದಿ