ಇರಾನ್‌ನ ಕ್ಷಿಪಣಿ ಸಂಗ್ರಹಣೆ ಮತ್ತು ಸಂಬಂಧಿತ ವಿಷಯಗಳು ಬಹಳ ಮಟ್ಟಿಗೆ ರಹಸ್ಯವಾಗಿರುತ್ತವೆ. ಅಧಿಕೃತ ಮಾಹಿತಿಯ ಪ್ರಕಾರ, Iran ತನ್ನ ಭದ್ರತಾ ಅವಶ್ಯಕತೆಗಾಗಿ ವಿವಿಧ ರೀತಿಯ ಬ್ಯಾಲಿಸ್ಟಿಕ್ ಮತ್ತು ಕ್ರೂಸ್ ಕ್ಷಿಪಣಿಗಳನ್ನು ಅಭಿವೃದ್ಧಿಪಡಿಸಿದೆ ಮತ್ತು ಸಂಗ್ರಹಿಸಿದೆ. ಇವುಗಳನ್ನು ಭೂಗರ್ಭದ ಸುರಂಗಗಳಲ್ಲಿ (underground facilities), ಅಂದ್ರೆ ನೆಲದಿಂದ 1600 ಅಡಿ ಕೆಳಗೆ ಗುಪ್ತ ತಾಣಗಳಲ್ಲಿ ಹಾಗೂ ರಕ್ಷಿತ ಸೈನಿಕ ನೆಲೆಗಳಲ್ಲಿ ಇರಿಸಲಾಗುತ್ತದೆ , ಇಂತಹ ಸುಮಾರು 5 ಕ್ಷಿಪಣಿ ನಗರಗಳನ್ನೇ ಇರಾನ್ ಹೊಂದಿದೆ ಎಂದು ಅಂತರಾಷ್ಟ್ರೀಯ ವರದಿಗಳು ಸೂಚಿಸುತ್ತವೆ.ಇರಾನ್‌ನ ಕ್ಷಿಪಣಿ ತಯಾರಿಕಾ ವಿಷ್ಯ ಮುಖ್ಯವಾಗಿ Islamic Revolutionary Guard Corps (IRGC) ನೋಡಿಕೊಳ್ಳುತ್ತದೆ.

ಗುಪ್ತಚರ ಸಂಸ್ಥೆಗಳ ಪ್ರಕಾರ, ಇರಾನ್ ಬಳಿ ಸದ್ಯ ಯುದ್ಧೋಪಯೋಗಿ ಪರಮಾಣು ಶಸ್ತ್ರಾಸ್ತ್ರಗಳಿಲ್ಲ. ಆದರೆ ಪರಮಾಣು ಯೋಜನೆಗಳನ್ನು ಕೈಬಿಟ್ಟಿಲ್ಲ. ಇರಾನ್ ಸದಾ ರಹಸ್ಯವಾಗಿ ಸಾಗುತ್ತಿದೆ.ಹಾಗೆ ನೋಡಿದರೆ, ಇರಾನ್‌ಗೆ ಯುರೇನಿಯಂ ಶೇ.90 ಶುದ್ಧತೆ ಮಟ್ಟಕ್ಕೆ ಇನ್ನು ಸಾಧ್ಯವಾಗಿಲ್ಲ. ಆದರೆ ಸುಮಾರು 440–972 ಕಿಲೋಗ್ರಾಂಗಳಷ್ಟು ಶೇ.60ರಷ್ಟು ಶುದ್ಧೀಕರಿಸಿದ ಯುರೇನಿಯಂ ಹೊಂದಿದೆ ಎಂದು ಕೆಲವು ವರದಿಗಳು ಹೇಳುತ್ತವೆ. ಒಂದು ವೇಳೆ ಇದು ಪೂರ್ಣ ಪ್ರಮಾಣದಲ್ಲಿ ಶುದ್ಧೀಕರಿಸಿದರೆ, ಕೆಲವು ಅಣುಬಾಂಬ್‌ಗಳನ್ನು ತಯಾರಿಸಲು ಸಾಧ್ಯವೆಂದು ಅಮೇರಿಕ ಹೇಳುತ್ತದೆ.

ಇರಾನ್ ಪರಮಾಣು ಕಾರ್ಯಕ್ರಮವು 1980ರ ದಶಕದಿಂದಲೇ ನಡೆಯುತ್ತಿದೆ. ಇದರಲ್ಲಿ ಸೋವಿಯತ್ ಯೂನಿಯನ್, ಚೀನಾ ಹಾಗೂ ಕೆಲವು ಯುರೋಪಿನ ದೇಶಗಳು ಸಹಕಾರ ನೀಡಿವೆ. ಪಶ್ಚಿಮ ರಾಷ್ಟ್ರಗಳು ಇರಾನ್ ಪರಮಾಣು ಯೋಜನೆಗಳನ್ನು ಸಂಶಯದಿಂದ ನೋಡುತ್ತಿವೆ. ಇರಾನ್ ಪರಮಾಣು ವಿಜ್ಞಾನಿಗಳನ್ನು ಮೋಸಾದ್ ರಹಸ್ಯವಾಗಿ ಹತ್ಯೆ ಮಾಡಿದ ಘಟನೆಗಳೂ ನಡೆದಿವೆ. ಭೂಗರ್ಭದಲ್ಲಿ ನಿರ್ಮಿಸಲಾದ ಪರಮಾಣು ಯೋಜನೆ ಕೇಂದ್ರಗಳನ್ನು ಮೋಸಾದ್ ಪತ್ತೆಹಚ್ಚಿದೆ ಎನ್ನಲಾಗಿದೆ.

ಇರಾನ್ ಮೇಲಿನ ಅಂತರಾಷ್ಟ್ರೀಯ ನಿರ್ಬಂಧಗಳ ಕಾರಣದಿಂದಾಗಿ, ಕ್ಷಿಪಣಿ ತಯಾರಿಕೆಗೆ ಅಗತ್ಯವಿರುವ ಕೆಲವು ತಂತ್ರಜ್ಞಾನ ಮತ್ತು ಕಚ್ಚಾ ವಸ್ತುಗಳನ್ನು ದೇಶವು ಸ್ವದೇಶೀಯವಾಗಿ ಅಭಿವೃದ್ಧಿಪಡಿಸಲು ಪ್ರಯತ್ನಿಸಿದೆ.

ಇರಾನ್ ತನ್ನ ಪರಮಾಣು ಕಾರ್ಯಕ್ರಮವನ್ನು ಮುಂದುವರಿಸುತ್ತಿದೆ. ಪಶ್ಚಿಮ ರಾಷ್ಟ್ರಗಳು ಇದನ್ನು ಸಂಶಯದಿಂದ ನೋಡುತ್ತಿವೆ. ಇರಾನ್ ಬಳಿ ಶಸ್ತ್ರಾಸ್ತ್ರ ಮಟ್ಟದ (90%) ಯುರೇನಿಯಂ ಇಲ್ಲದಿದ್ದರೂ, 60% ಶುದ್ಧೀಕರಿಸಿದ ಯುರೇನಿಯಂ ದೊಡ್ಡ ಪ್ರಮಾಣದಲ್ಲಿ ಇದೆ. ಅದು ಪೂರ್ಣ ಶುದ್ಧೀಕರಣಗೊಂಡರೆ ಅಣುಬಾಂಬ್ ತಯಾರಿಸಲು ಸಾಧ್ಯವೆಂದು ಅಮೇರಿಕ ಅಭಿಪ್ರಾಯ ವ್ಯಕ್ತಪಡಿಸಿದೆ.