ಉಡುಪಿ ಜಿಲ್ಲಾ ಸಬ್ ರಿಜಿಸ್ಟರ್ ಕಚೇರಿಯಲ್ಲಿ ಇಬ್ಬರು ಹೊರಗುತ್ತಿಗೆ ನೌಕರರು ತಮ್ಮ ಇತಿಮಿತಿಯನ್ನು ಮೀರಿ ನಡೆದುಕೊಳ್ಳುತ್ತಿರುವುದಲ್ಲದೆ ಅಪರಾಧಿಕ ಹಾಗೂ ದುರ್ನಡತೆಯ ನಡೆಯನ್ನು ಪ್ರದರ್ಶಿಸುತ್ತಿದ್ದು ದರ ಬಗ್ಗೆ ಲೋಕಾಯುಕ್ತ ಪೊಲೀಸ್ ಉಪಾಧೀಕ್ಷರ ದೂರಿನ ಮೇಲೆ ಪ್ರಕರಣ ದಾಖಲಾಗಿದೆ.

ಲೋಕಾಯುಕ್ತ ಪೊಲೀಸ್ ಉಪಾಧೀಕ್ಷರಾದ ಹಾಲಮೂರ್ತಿ ರಾವ್ ವಿ ಎಸ್ ರವರ ದೂರಿನ ಮೇಲೆ ಬಿಎನ್ಎಸ್ ಸೆಕ್ಷನ್ ನಿನಂತೆ ಪ್ರಕರಣ ದಾಖಲಾಗಿದೆ.

27.02.2026ರಂದು ಅನಿರೀಕ್ಷಿತವಾಗಿ ಲೋಕಾಯುಕ್ತ ಪೊಲೀಸರು ಮೂಡನಿಣಂಬೂರು ಬನ್ನಂಜೆ ಯಲ್ಲಿರುವ ತಾಲೂಕ ಆಫೀಸಿನ ಸಂಕೀರ್ಣದಲ್ಲಿರುವ ಸಬ್ ರಿಜಿಸ್ಟರ್ ಕಚೇರಿಗೆ ಭೇಟಿ ನೀಡಿದ್ದಾರೆ. ಈ ಸಂದರ್ಭದಲ್ಲಿ ಹೊರಗುತ್ತಿಗೆಯ ಅಡಿಯಲ್ಲಿ ಕೆಲಸ ಮಾಡುತ್ತಿರುವ ಸುಕೇಶ್ ಹಾಗೂ ಸುನಿಲ್ ಎಂಬವರು ದರ್ಪ ಹಾಗೂ ಅನಾಗರಿಕತೆಯಲ್ಲಿ ನಡೆದುಕೊಳ್ಳುತ್ತಿರುವುದನ್ನು ಲೋಕಾಯುಕ್ತ ಪೊಲೀಸ್ಸರು ಗಮನಿಸಿದ್ದಾರೆ. ಹಾಗೆಯೇ ಅವರ ಪರ್ಸನಲ್ ಬ್ಯಾಗಿನಲ್ಲಿ ಆಸ್ತಿಪಾಸ್ತಿ ನೋಂದಾವಣೆ, ಹಾಗೂ ಮ್ಯಾರೇಜ್ ನೋಂದಾವಣಿಗೆ ಸಂಬಂಧಿಸಿದ ಒಟ್ಟು 43 ಕಡತಗಳು ಅವರಿಬ್ಬರ ಬ್ಯಾಗಿನಲ್ಲಿ ಪತ್ತೆಯಾಗಿದೆ. ಸುಕೇಶ್ ಅವರ ಬ್ಯಾಗಿನಲ್ಲಿ ಎಂಟು ಫೈಲ್ ಹಾಗೂ ಸುನಿಲ್ ಅವರ ಬ್ಯಾಗಿನಲ್ಲಿ 35 ಫೈಲ್ ರೆಡ್ ಹ್ಯಾಂಡಾಗೆ ಸಿಕ್ಕಿದೆ.

Also Read Cyber ವಂಚನೆಯ ಹೊಸ ತಂತ್ರ “ಸಿಮ್ ನವೀಕರಣ,5ಜಿ ಅಪ್‌ಗ್ರೇಡ್,ಸಿಮ್ ಸ್ವಾಪ್”ಹೆಸರಲ್ಲಿ ಮಂಗಳೂರಿನ ವ್ಯಕ್ತಿಗೆ 23.98 ಲಕ್ಷ ರೂ. ನಾಮ!

ಆ ಕಡತಗಳಿಗೆ ಸಂಬಂಧಿಸಿದಂತೆ ಕಚೇರಿಯ ರಿಜಿಸ್ಟರ್ ಪುಸ್ತಕದಲ್ಲಿ ನಮೂದೆ ಆಗಿರಲಿಲ್ಲ, ಅನ್ನುವುದು ಗೊತ್ತಾಗಿದೆ. ಇದರರ್ಥ ಇಲ್ಲಿ ಸಾಕಷ್ಟು ಗೋಲ್ಮಾಲ್ ಗಳು ಎಪ್ರಾತಪ್ರಾ ನಡೆಯುತ್ತಿದೆ ಅನ್ನುವುದು ಲೋಕಾಯುಕ್ತ ಪೊಲೀಸರ ಗಮನಕ್ಕೆ ಬಂದಿದೆ.

ಅಷ್ಟೇ ಅಲ್ಲ,ಈ ಹೊರಗುತ್ತಿಗೆ ನೌಕರರು ಸರ್ಕಾರಿ ನೌಕರರಿಗಿಂತಲೂ ಹೆಚ್ಚು ದರ್ಪದಿಂದ ಅಧಿಕಾರಸ್ತರಾಗಿ ನಡೆದುಕೊಳ್ಳುತ್ತಿರುವುದನ್ನು ಗಮನಿಸಬಹುದಾಗಿತ್ತು. ಇದೆಲ್ಲವೂ ನೇರವಾಗಿ ಕಾಣುತ್ತಿದ್ದರೂ ಸಹ ಜಿಲ್ಲಾ ಸಬರಿಜಿಸ್ಟರ್ ಗಿರೀಶ್ ರವರು ತಮಗೇನೂ ಗೊತ್ತಿಲ್ಲ ಎಂಬಂತೆ ಇರುವುದು ಲೋಕಾಯುಕ್ತ ಪೊಲೀಸ್ರಿಗೂ ಆಶ್ಚರ್ಯ ಉಂಟು ಮಾಡಿದೆ. ಈ ಎಲ್ಲಾ ಚಟುವಟಿಕೆಗಳನ್ನು ಸ್ವತಹ ನೋಡಿದ ಲೋಕಾಯುಕ್ತ ಪೊಲೀಸರ ಉಪಾಧೀಕ್ಷರಾದ ಹಾಲಮೂರ್ತಿ ರಾವ್ ರವರೆ ಸ್ವಯಂ ದೂರು ದಾಖಲಿಸಿ ಮುಂದಿನ ಕಾನೂನು ಕ್ರಮ ಕೈಗೊಂಡಿದ್ದಾರೆ.