ಮಾಜಿ ಮುಖ್ಯಮಂತ್ರಿ ಒಬ್ಬರು ಪುಟ್ ಪಾತ್ ವ್ಯಾಪಾರದಲ್ಲಿ ತಲ್ಲೀನರಾಗುತ್ತಾರೆ ಅಂದ್ರೆ ನಂಬ್ತೀರಾ? ಅಷ್ಟಕ್ಕೂ ಅವರು ಬೀದಿಬದಿ ವ್ಯಾಪಾರ ಮಾಡಿದ್ದು ಯಾಕೆ ಗೊತ್ತಾ? ಆ ಮಾಜಿ ಮುಖ್ಯಮಂತ್ರಿಯಾದರೂ ಯಾರು? ಕಡುಬಡತನದ ಬೇಗೆಗೆ ಸಿಲುಕಿಕೊಂಡ್ರಾ?

ಭೂಪಾಲ್ : ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ, ಕಟ್ಟರ್ ಹಿಂದೂವಾದಿಯಾಗಿ ಗುರುತಿಸಿಕೊಂಡಿದ್ದ ಸಾಧ್ವಿ ಉಮಾ ಭಾರತಿ, ಪ್ರದೇಶದ ನಗರದ ರಸ್ತೆ ಬದಿಯೊಂದರಲ್ಲಿ ಜಿಲೇಬಿಯನ್ನು ತಯಾರಿಸಿ ಮಾರುವುದರ ಮೂಲಕ ಅಲ್ಲಿನ ಸರ್ಕಾರದ ಧೋರಣೆಯ ವಿರುದ್ಧ ಶಾಂತಿಯುತವಾಗಿ ವಿನೂತನ ಮಾದರಿಯಲ್ಲಿ ಪ್ರತಿಭಟನೆ ಮಾಡಿದರು.

ಇಲ್ಲಿನ ಸ್ಥಳೀಯ ಮುನ್ಸಿಪಲ್ ಕಾರ್ಪೊರೇಷನ್, ಬಡ ಬೀದಿಬದಿ ವ್ಯಾಪಾರಸ್ಥರ ವಿರುದ್ಧ ಗದಾ ಪ್ರಹಾರ ಮಾಡಲು ಹೊರಟಿದ್ದನ್ನು ವಿರೋಧಿಸಿ ಮಾಜಿ ಮುಖ್ಯಮಂತ್ರಿ, ಸ್ವತಹ ಆ ಬೀದಿಬದಿ ವ್ಯಾಪಾರಸ್ಥರ ಪರವಾಗಿ ಬೀದಿ ಬದಿಯಲ್ಲಿ ಜಿಲೇಬಿ ತಯಾರಿಸಿ ಮಾರಾಟ ಮಾಡುವುದರ ಮೂಲಕ ಸರ್ಕಾರಕ್ಕೆ ಬಿಸಿ ಮುಟ್ಟಿಸಿದ್ದಾರೆ.

Also Read ಹೈಕೋರ್ಟ್ ತೀರ್ಪಿನಿಂದ ದಕ್ಷಿಣ ಕನ್ನಡ ಇ-ರಿಕ್ಷಾ ಚಾಲಕರಿಗೆ favour

ಬೀದಿ ಬದಿಯ ವ್ಯಾಪಾರದಿಂದಾಗಿ ದೇಶದ ಬಡಜನರು ದೊಡ್ಡ ಪ್ರಮಾಣದಲ್ಲಿ ತಮ್ಮ ಬದುಕನ್ನು ಕಟ್ಟಿಕೊಳ್ಳುತ್ತಿದ್ದಾರೆ. ಅವರ ದೈನಂದಿನ ಬದುಕು ಸಾಗುವುದೇ ಬೀದಿಬದಿಯ ವ್ಯಾಪಾರದ ಮೂಲಕ. ಹಾಗೆಯೇ ಬೀದಿಬದಿ ವ್ಯಾಪಾರವನ್ನೇ ಮಧ್ಯಮ ವರ್ಗದ ಸಾಕಷ್ಟು ಜನರು ನೆಚ್ಚಿಕೊಂಡಿದ್ದಾರೆ. ಕೈಗೆಟಕುವ ಬೆಲೆಯಲ್ಲಿ ಖರೀದಿ ಮಾಡಬಹುದಾದಂತಹ ವಸ್ತುಗಳು ಸಿಗುವ ಕಾರಣ, ಮಾಧ್ಯಮ ವರ್ಗದ ದೊಡ್ಡ ಸಮುದಾಯವು ಈ ವ್ಯಾಪಾರಿಗಳ ಗ್ರಾಹಕರಾಗಿದ್ದಾರೆ. ಸರ್ಕಾರವು ಬೀದಿಬದಿ ವ್ಯಾಪಾರಸ್ಥರನ್ನು ಟಾರ್ಗೆಟ್ ಮಾಡುವುದನ್ನು ಮೊದಲು ನಿಲ್ಲಿಸಬೇಕು. ಅದರ ಬದಲು ಸರ್ಕಾರಿ ಜಾಗಗಳನ್ನು, ಕೆರೆಗಳನ್ನು, ಮೈದಾನಗಳನ್ನು ಅತಿಕ್ರಮಿಸಿಕೊಂಡಿರುವಂತಹ ದೊಡ್ಡವರ ಮೇಲೆ- ಸ್ಥಿತಿವಂತರ ಮೇಲೆ ಕ್ರಮ ಕೈಗೊಳ್ಳಬೇಕು. ಸೌಂದರ್ಯ ಹಾಗೂ ಇನ್ನಿತರ ಹೆಸರುಗಳಲ್ಲಿ ಬೀದಿಬದಿ ವ್ಯಾಪಾರಸ್ಥರ ಮೇಲೆ ಪ್ರಹಾರವನ್ನು ಮಾಡುವುದರ ಹಿಂದೆ ಬಂಡವಾಳ ಶಾಹಿಗಳ ಕುಮ್ಮಕ್ಕಿದೆ ಎಂದು ಮಾಜಿ ಮುಖ್ಯಮಂತ್ರಿ ಆರೋಪಿಸುವ ಮೂಲಕ, ರಾಜ್ಯ ಸರ್ಕಾರದ ನಿರ್ಧಾರಕ್ಕೆ ಈ ರೀತಿಯಲ್ಲಿ ಪ್ರತಿಭಟನೆ ವ್ಯಕ್ತಪಡಿಸಿದ್ದಾರೆ. ತಾವು ಬೀದಿ ಬದಿ ವ್ಯಾಪಾರಸ್ಥರ ಪರವಾಗಿ ನಿಲ್ಲುವುದಾಗಿಯೂ ಘೋಷಿಸಿದ್ದಾರೆ. ಇದರಿಂದ ಮಧ್ಯಪ್ರದೇಶದ ಬೀದಿಬದಿ ವ್ಯಾಪಾರಸ್ಥರಿಗೆ ಆನೆ ಬಲ ಬಂದಂತಾಗಿದೆ.

Also Read ಬೆಳ್ಮಣ್ಣಿನಲ್ಲಿ ಗುಂಡಿನ ಸದ್ದು... ಮಾಜಿ ಸಚಿವರ ಶಿಷ್ಯನ ಭೀಕರ ಹತ್ಯೆ