ಎಂಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್‌ನ ‘ಕಾರುಣ್ಯ’ ಯೋಜನೆಯು ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಹಾಗೂ ಒಟ್ಟಿಗಿರುವವರಿಗೆ ರಾತ್ರಿ ಊಟ ನೀಡುವಲ್ಲಿ ಅನುಪಮ ಸೇವೆ ಸಲ್ಲಿಸುತ್ತಿದ್ದು, ಯುದ್ಧಕಾಲದ ಸಂಕಷ್ಟದಲ್ಲೂ ಕಟ್ಟಿಗೆ ಒಲೆಯ ಮೂಲಕ ಆಹಾರ ಸರಬರಾಜು ಮಾಡುವ ಭಾವನೆಯು ಸಹೃದಯತೆಯ ಸಂಕೇತ.

ಈ ಸಂದರ್ಭದಲ್ಲಿ ಸದ್ದಿಲ್ಲದೇ ಮಾಡೋ ಕಾರುಣ್ಯ ಸೇವೆಗೆ ಸುದ್ದಿ ಮಾಡೋಣ ಅಂತ ಹೊರಟಾಗ…. ಹತ್ತು ಹಲವು ಸೇವಾ ಯೋಜನೆಗಳು ಗಮನ ಸೆಳೆಯಿತು.

ಸದ್ಯ ಮಧ್ಯಪ್ರಾಚ್ಯ ಯುದ್ಧದಿಂದ ಗ್ಯಾಸ್ ಪೂರೈಕೆ ಸ್ಥಗಿತಗೊಂಡಿದೆ. ಆದರೂ ಕಟ್ಟಿಗೆ ಒಲೆಯಲ್ಲಿ ವೆಜ್ ಬಿರಿಯಾನಿ ಅಥವಾ ಅನ್ನ-ಸಾಂಬಾರ ತಯಾರಿಸಿ ಸೇವೆಯನ್ನು ಮುಂದುವರೆಸಿದ್ದಾರೆ. 4-5 ಗ್ಯಾಸ್ ಸಿಲಿಂಡರ್‌ಗಳು ದೊರೆತರೆ ಸಂಪೂರ್ಣ ಮೆನು ಮರಳಿ ಆರಂಭಿಸಬಹುದು ಎನ್ನುತ್ತಿದ್ದಾರೆ ಆಯೋಜಕರು.

ಟ್ರಸ್ಟ್‌ನ ಆರಂಭ ಮತ್ತು ಕಾರುಣ್ಯ ಯೋಜನೆಯ ಇತಿಹಾಸ ಕೆದಕಿದರೆ ಸಿಕ್ಕ ಮಾಹಿತಿ ಸರಿ ಎಂದು ಭಾವಿಸುತ್ತಾ…

ಎಂಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್ 2012ರಲ್ಲಿ ಸ್ಥಾಪನೆಯಾಯಿತು. ಮಂಗಳೂರಿನ ಈ ಸಂಸ್ಥೆಯು ಬಡ ರೋಗಿಗಳು ಮತ್ತು ಅವರ ಎಲ್ಲಾ ತರಹದ ಕಷ್ಟಕ್ಕೆ ಸ್ಪಂದಿಸುವ ಉದ್ದೇಶದಿಂದ ರೂಪುಗೊಂಡಿತು.ಕೋವಿಡ್ ಸಮಯದಲ್ಲೂ ಶಕ್ತಿ ಮೀರಿ ಸಹಾಯ ಹಸ್ತ ಚಾಚಿದ ಸಂಸ್ಥೆ ,ನಂತರದ ದಿನಗಳಲ್ಲಿ 2017ರಿಂದ ವೆನ್ಲಾಕ್ ಆಸ್ಪತ್ರೆಯಲ್ಲಿ ಆರಂಭವಾದ “ಕಾರುಣ್ಯ “ಯೋಜನೆಯು ರಾತ್ರಿ ಸುಮಾರು 400-500 ರೋಗಿಗಳು ಮತ್ತು ಜೊತೆಗಾರರಿಗೆ ಊಟ ಪೂರೈಸುತ್ತದೆ. ಕಳೆದ 6 ತಿಂಗಳುಗಳಿಂದ ಲೇಡಿ ಗೋಷನ್ ಆಸ್ಪತ್ರೆಯಲ್ಲೂ ವಿಸ್ತರಣೆಯಾಗಿದೆ. ಹೀಗೆ ನಿರಂತರತೆಯನ್ನು ತೋರಿದೆ.

ಕಾರ್ಯಾಚರಣೆ ಹೇಗೆ ನಡೆಯುತ್ತೇ…..ಸ್ವಂತ ಕಿಚನ್‌ನಲ್ಲಿ ವಾರಕ್ಕೆ 5 ದಿನ ಚಪಾತಿ-ಪಲ್ಯ, 2 ದಿನ ಇಡ್ಳಿ-ಸಾರು ಸಿದ್ಧಪಡಿಸಲಾಗುತ್ತದೆ. ದಾನಿಗಳ ಸಹಕಾರದಿಂದ ನಡೆಯುವ ಈ ಯೋಜನೆಯು ಒಂದು ದಿನವೂ ನಿಲ್ಲದೆ ಸುಸೂತ್ರವಾಗಿ ಕಾರ್ಯನಿರ್ವಹಿಸುತ್ತದೆ. ಇದರಿಂದ ಬಡವರ ಹೊಟ್ಟೆ ತಣಿಯುತ್ತದೆ ಎಂಬುದು ಟ್ರಸ್ಟ್‌ನ ಮಹತ್ವದ ಸಾಧನೆ.

ಪ್ರತಿದಿನ ತಮ್ಮ ಸೇವಾ -ವೆಚ್ಚ ಎಲ್ಲಾ ವಿವರವನ್ನ ಅಚ್ಚುಕಟ್ಟಾಗಿ donors ಗಳಿರುವ ತಮ್ಮದೇwassup group ನಲ್ಲಿ ತಿಳಿಸಿ ಪಾರದರ್ಶಕತೆಯನ್ನ mainatain ಮಾಡ್ತಾರೆ .

ಇಷ್ಟಕ್ಕೆ ನಿಲ್ಲಲಿಲ್ಲಾ ಎಂ ಫ್ರೆಂಡ್ಸ್ ಸೇವೆಗಳು

‘ಕರುಣೆಯ ತೊಟ್ಟಿಲು’ ಬಟ್ಟೆ ಬ್ಯಾಂಕ್: ೨೦೨೫ರಲ್ಲಿ ಆರಂಭವಾಗಿ, ಉಚಿತ ಬಟ್ಟೆಗಳನ್ನ ವಿತರಿಸುತ್ತದೆ.
ಕ್ಲಾಸ್ ಆನ್ ವೀಲ್ಸ್ – ಸರ್ಕಾರಿ ಶಾಲೆಗಳಲ್ಲಿ ಕಲಿಯುತ್ತಿರುವ ಮಕ್ಕಳಿಗೆ ಉಚಿತವಾಗಿ ಕಂಪ್ಯೂಟರ್ ಶಿಕ್ಷಣ ಕೊಡ್ತಾ ಬಂದಿದೆ.ಇದುವರೆಗೆ 2 ವರ್ಷದಲ್ಲಿ ಸುಮಾರು 5000 ಮಕ್ಕಳು ಇದರ ಪ್ರಯೋಜನ ಪಡಕೊಂಡಿದ್ದಾರೆ.ಇನ್ನೂ ಮೂಲಸೌಕರ್ಯಗಳಿಂದ ವಂಚಿತ ಕುಗ್ರಾಮಗಳನ್ನು ಗುರುತಿಸಿ , ಅವರಿಗೆ ಬೇಕಿರುವ ಅಗತ್ಯ ಸೇವೆಗಳ ಅವಲೋಕನ ಮಾಡಿ ಮುಖ್ಯವಾಗಿ ರಸ್ತೆ. ಶಾಲೆ, ಆಸ್ಪತ್ರೆ ಯಂತಹ ವಿಚಾರಗಳಿಗೆ ಒತ್ತುಕೊಟ್ಟು ಕಾರ್ಯೋನ್ಮುಖವಾಗಿ ಡೆವಲಪ್ ಆದ 11 ಗ್ರಾಮಗಳು ಈಗಾಗಲೇ ಅವರ ಯೋಜನೆಯ ಭಾಗವಾಗಿವೆ.
ಧ್ವನಿ ಏರಿಸದೇ , ನಿರಂತರವಾಗಿ ಸಹೃದಯತೆಯಿಂದ ಹತ್ತು ಹಲವು ಸೇವೆ ಸಲ್ಲಿಸುವ ಎಂಫ್ರೆಂಡ್ಸ್ ಟ್ರಸ್ಟ್ ನ ಸೇವಾ ಶಕ್ತಿ ಸಮಾಜಕ್ಕೆ ಪ್ರೇರಣೆ. ಯಾವುದೇ ಜಾತಿ-ಧರ್ಮ ಭೇದವಿಲ್ಲದೆ ಕಷ್ಟದಲ್ಲಿದ್ದವರ ಕಣ್ಣಾಲಿಗಳು ಹೊಟ್ಟೆ ತುಂಬಾ ಊಟ ಮಾಡಿ ನಿದ್ರಿಸುವಂತೆ ಮಾಡುವ ಈ ಸೇವಾ ಮಾದರಿ ಎಲ್ಲರಿಗೂ ಮಾದರಿ.