ಸುಬ್ರಹ್ಮಣ್ಯ :ಪಿರ್ಯಾಧಿದಾರರಾದ ಪ್ರಮೀಳಾ ಕುಮಾರಿ ಬಿ ವಿ ಎನ್ನುವವರು ಸುಬ್ರಹ್ಮಣ್ಯ ನಿವಾಸಿಯಾಗಿದ್ದು, ಸುಳ್ಯ ಕೆ.ವಿ.ಜಿ ಆಯುರ್ವೇದಿಕ್ ಆಸ್ಪತ್ರೆಯಲ್ಲಿ ಉದ್ಯೋಗಿಯಾಗಿದ್ದಾರೆ. ಅವರ ಸ್ಕೂಟಿಯನ್ನೇ ಕಳ್ಳರು ಮಂಗ ಮಾಯ ಮಾಡಿದ್ದಾರೆ.

ಪ್ರತಿದಿನ KA 21 U 3638 ನೇ ಮ್ಯಾಸ್ಟ್ರೋ ಸ್ಕೂಟಿ ವಾಹನದಲ್ಲಿ ಸುಬ್ರಹ್ಮಣ್ಯ KSRTC ಬಸ್ಸು ನಿಲ್ದಾಣ ಹತ್ತಿರ ಬಂದು ಸ್ಕೂಟಿ ಯನ್ನು ಬಸ್ಸು ನಿಲ್ದಾಣದ ಎದುರು ನಿಲ್ಲಿಸಿ ನಂತರ ಬಸ್ಸಿನಲ್ಲಿ ಸುಳ್ಯ ಕ್ಕೆ ಕೆಲಸಕ್ಕೆ ಹೋಗಿ ಬರುವುದು ವಾಡಿಕೆ. ಅದರಂತೆ ಪಿರ್ಯಾದುದಾರರು ದಿನಾಂಕ:07.03.2026 ರಂದು ಸ್ಕೂಟಿ ವಾಹನದಲ್ಲಿ ಬೆಳಗ್ಗೆ 06.45 ಗಂಟೆಗೆ ಮನೆಯಿಂದ ಹೊರಟು ಸುಬ್ರಹ್ಮಣ್ಯ KSRTC ಬಸ್ಸು ನಿಲ್ದಾಣದ ಬಳಿ ಸಮಯ ಬೆಳಗ್ಗೆ 07ಕ್ಕೆ ಸ್ಕೂಟಿ ಯನ್ನು ಬಸ್ಸು ನಿಲ್ದಾಣದ ಎದುರು ರಸ್ತೆ ಬದಿಯಲ್ಲಿ ಪಾರ್ಕಿಂಗ್ ಮಾಡಿ ಸುಳ್ಯಕ್ಕೆ ಬಸ್ಸಿನಲ್ಲಿ ಹೋಗಿರುತ್ತಾರೆ. ನಂತರ ಸಂಜೆ ಸಮಯ 07.00 ಗಂಟೆಗೆ ಸುಳ್ಯದಿಂದ ಬಂದು ನೋಡಿದಾಗ ಸ್ಕೂಟಿ ವಾಹನ ಇರುವುದಿಲ್ಲ. ನಂತರ ಸದ್ರಿ ವಾಹನವನ್ನು ಎಷ್ಟೇ ಹುಡುಕಾಟ ಮಾಡಿದಾಗಲೂ ಪತ್ತೆಯಾಗಿರುವುದಿಲ್ಲ. ಕಳುವಾದ ಸ್ಕೂಟಿಯ ಅಂದಾಜು ಮೌಲ್ಯ 25,000/- ರೂ. ಆಗಬಹುದು. ಈ ಬಗ್ಗೆ ಸುಬ್ರಹ್ಮಣ್ಯ ಪೊಲೀಸ್ ಠಾಣೆ ಅ,ಕ್ರ 11/2026 ಕಲಂ:303(2) BNS-2023 ಯಂತೆ ಪ್ರಕರಣ ದಾಖಲಾಗಿರುತ್ತದೆ.

Also Read ಚಾರ್ಮಾಡಿ ಘಾಟಿಯಲ್ಲಿ ಬಂಡೆ ಕುಸಿತ; ಅದೃಷ್ಟವಶಾತ್ ಅಪಾಯ ತಪ್ಪಿತು

ಕೇವಲ ಎರಡು ದಿನದ ಮೊದಲು ಮಂಗಳೂರು ಸಿಟಿಯಲ್ಲೂ ಪಲ್ಸರ್ ಬೈಕ್ ಒಂದನ್ನು ಕಳ್ಳರು ಎಗರಿಸಿದ್ದಾರೆ. ಒಂದು ತಂಡವು ವಾಹನ ಕಳ್ಳತನವನ್ನು ಕಾಯಕವನ್ನಾಗಿಸಿಕೊಂಡಂತಿದೆ. ಇದು ಕೇವಲ ಯಾವುದೋ ಒಂದು ಊರಿಗೆ ಜಿಲ್ಲೆಗೆ ಸಂಬಂಧಿಸಿದ ಅಪರಾಧವಲ್ಲ ಇಂತಹದೊಂದು ತಂಡ ರಾಜ್ಯಾದ್ಯಂತ ಸಕ್ರಿಯವಾದಂತಿದೆ ಪೊಲೀಸರು ಈ ಪ್ರಕರಣಗಳನ್ನು ಗಂಭೀರವಾಗಿ ತೆಗೆದುಕೊಂಡು ಅಪರಾಧಿಗಳನ್ನು ಮಟ್ಟ ಹಾಕುತ್ತಾರೆ ಎನ್ನುವ ವಿಶ್ವಾಸ ವ್ಯಕ್ತಪಡಿಸುತ್ತಿದ್ದಾರೆ ಜನರು.