ಪುತ್ತೂರು ಗ್ರಾಮಾಂತರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಎರಡು ಪ್ರತ್ಯೇಕ ಹಲ್ಲೆ ಪ್ರಕರಣಗಳು ವರದಿ

ಪುತ್ತೂರು: ಪುತ್ತೂರು ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪರಸ್ಪರ ಸಂಬಂಧಿತ ಭೂ ವಿವಾದದಿಂದ ಉದ್ಭವಿಸಿದ ಎರಡು ಪ್ರತ್ಯೇಕ ಹಲ್ಲೆ ಪ್ರಕರಣಗಳು ದಾಖಲಾಗಿವೆ.

ಮೊದಲ ಪ್ರಕರಣದಲ್ಲಿ, ಪಿರ್ಯಾದಿದಾರರಾದ ಅಬ್ದುಲ್ ರಹಿಮಾನ್ (29) ಅವರು 2023ರಲ್ಲಿ ಖರೀದಿಸಿದ 0.36 ಸೆಂಟ್ಸ್ ಜಾಗದ ವಿಚಾರದಲ್ಲಿ ಪಿ. ಮಹಮ್ಮದ್ ಅವರೊಂದಿಗೆ ನಡೆಯುತ್ತಿದ್ದ ತಕರಾರಿನ ಹಿನ್ನೆಲೆ, 26.04.2026 ರಂದು ಜಾಗಕ್ಕೆ ತೆರಳಿದಾಗ ಮಹಮ್ಮದ್ ಮತ್ತು ಅವರ ಕೆಲಸದಾಳುಗಳು ಅಕ್ರಮವಾಗಿ ತಡೆಗೋಡೆ ನಿರ್ಮಿಸುತ್ತಿದ್ದರೆಂದು ಆರೋಪಿಸಲಾಗಿದೆ. ಪ್ರಶ್ನಿಸಿದಾಗ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಕಲ್ಲು ಎಸೆದಿದ್ದು, ಪಿರ್ಯಾದಿದಾರರ ತಾಯಿಗೆ ಗಾಯವಾಗಿದೆ ಎಂದು ತಿಳಿಸಲಾಗಿದೆ. ನಂತರ ಕತ್ತಿಯಿಂದ ದಾಳಿ ಮಾಡುವ ಯತ್ನವೂ ನಡೆದಿದ್ದು, ಸ್ಥಳೀಯರು ಮಧ್ಯಪ್ರವೇಶಿಸುವಷ್ಟರಲ್ಲಿ ಆರೋಪಿತರು ಜೀವ ಬೆದರಿಕೆ ನೀಡಿ ಪರಾರಿಯಾಗಿದ್ದಾರೆ. ಈ ಸಂಬಂಧ ಅ.ಕ್ರ: 66/2026 ಕಲಂ 352, 351(2), 126(2) ಅಡಿ ಪ್ರಕರಣ ದಾಖಲಾಗಿದೆ.

ಇನ್ನೊಂದು ಪ್ರಕರಣದಲ್ಲಿ, ಪಿರ್ಯಾದಿದಾರ ಮಹಮ್ಮದ್ (56) ಅವರ ಮೇಲೆ ಅದೇ ದಿನ ಮಧ್ಯಾಹ್ನ 2.30ಕ್ಕೆ ಆರೋಪಿತರಾದ ಅಬ್ದುಲ್ ರಹೆಮಾನ್, ಸಾವುಲ್ ಹಮೀದ್, ಮಿಖ್ದಾದ್, ರಶೀದ್ ಮತ್ತು ಮೊಯಿದು ಎಂಬವರು ಮನೆ ಬಳಿ ದಾಳಿ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಜಾಗದ ವಿವಾದ ಹಾಗೂ ಹಣಕಾಸು ವಿಚಾರ ಉಲ್ಲೇಖಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಕಲ್ಲು ಹಾಗೂ ಕತ್ತಿಯಿಂದ ಹಲ್ಲೆ ನಡೆಸಲಾಗಿದೆ ಎಂದು ದೂರಿನಲ್ಲಿ ಹೇಳಲಾಗಿದೆ. ಹಲ್ಲೆಯಿಂದ ಪಿರ್ಯಾದಿದಾರರಿಗೆ ಗಾಯವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಕುರಿತು ಅ.ಕ್ರ: 67-2026 ಕಲಂ 115(2), 118(1), 351(2), 325 ಬಿಎನ್ ಎಸ್ ಅಡಿ ಪ್ರಕರಣ ದಾಖಲಾಗಿದೆ.

Also Read ಪಾಕಿಸ್ತಾನದಲ್ಲಿ ಹಿಂದೂ ಯುವತಿಯ ಸಾಧನೆ

ಪೊಲೀಸರು ಎರಡೂ ಪ್ರಕರಣಗಳಲ್ಲಿ ಮುಂದಿನ ತನಿಖೆ ಕೈಗೊಂಡಿದ್ದಾರೆ.

##Puttur #LandDispute #AssaultCase #PoliceCase #DakshinaKannada #CrimeNews