ಡ್ರೋನ್ ತಂತ್ರಜ್ಞಾನವನ್ನು ಬಳಸಿ ಭಾರತೀಯ ಸೇನೆ ದುರ್ಗಮ ಪ್ರದೇಶಗಳಲ್ಲಿ ಕಾರ್ಯನಿರ್ವಹಿಸುವ ಸಂಚಾರಿ ನರ್ಸಿಂಗ್ ಹೋಮ್ ವ್ಯವಸ್ಥೆ ಕಲ್ಪಿಸುವುದಕ್ಕೆ ಮುಂದಾಗಿದೆ. ಸೈನಿಕರಿಗೆ ತುರ್ತು ವೈದ್ಯಕೀಯ ನೆರವನ್ನು ಹೆಚ್ಚು ವೇಗವಾಗಿ ಮತ್ತು ಸುರಕ್ಷಿತವಾಗಿ ಒದಗಿಸುವತ್ತ ಮಹತ್ವದ ಹೆಜ್ಜೆ ಇದು ಅಂತ ಹೇಳಬಹುದು. ಇದು ಭವಿಷ್ಯದಲ್ಲಿ ಸೇನಾ ವೈದ್ಯಕೀಯ ಸೇವೆಯ ಕಾರ್ಯಕ್ಷಮತೆಯನ್ನು ಇನ್ನಷ್ಟು ಹೆಚ್ಚಿಸುವ ಸಾಧ್ಯತೆಯನ್ನು ಸೂಚಿಸುತ್ತದೆ.

ಲಡಾಖ್‌ ಸೇರಿದಂತೆ ಕಠಿಣ ಪರಿಸ್ಥಿತಿಯ ಪ್ರದೇಶಗಳಲ್ಲಿ ರಕ್ತ, ಔಷಧಿಗಳು ಮತ್ತು ವೈದ್ಯಕೀಯ ಉಪಕರಣಗಳನ್ನು ವೇಗವಾಗಿ ತಲುಪಿಸುವಲ್ಲಿ ಡ್ರೋನ್‌ಗಳು ಮಹತ್ವದ ಪಾತ್ರವಹಿಸುತ್ತಿವೆ.

ವೈದ್ಯಕೀಯ ವಿತರಣೆ ವ್ಯವಸ್ಥೆ
ಹಿಮಾಲಯದ ಎತ್ತರ ಪ್ರದೇಶಗಳಲ್ಲಿ ರಸ್ತೆ ಸಂಪರ್ಕ ಮತ್ತು ಹವಾಮಾನ ಸಮಸ್ಯೆಗಳ ಕಾರಣ ವೈದ್ಯಕೀಯ ಸಾಮಗ್ರಿಗಳನ್ನು ತಲುಪಿಸುವುದು ಬಹಳ ಕಷ್ಟಕರ. ಈ ಸಮಸ್ಯೆಗೆ ಪರಿಹಾರವಾಗಿ ಭಾರತೀಯ ಸೇನೆ ಡ್ರೋನ್‌ಗಳ ಮೂಲಕ ರಕ್ತದ ಪ್ಯಾಕ್‌ಗಳು, ಔಷಧಿಗಳು ಹಾಗೂ ತುರ್ತು ವೈದ್ಯಕೀಯ ಉಪಕರಣಗಳನ್ನು ಕೆಲವೇ ನಿಮಿಷಗಳಲ್ಲಿ ಮುಂಚೂಣಿ ಶಿಬಿರಗಳಿಗೆ ತಲುಪಿಸುತ್ತಿದೆ. ಇದರಿಂದ ಗಾಯಗೊಂಡ ಸೈನಿಕರಿಗೆ ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ನೀಡಲು ಸಾಧ್ಯವಾಗುತ್ತಿದೆ.

Also Read ಮರಣದಂಡನೆ ಶಿಕ್ಷೆಗೆ ಈಡಾದ ತಮಿಳುನಾಡು ಪೊಲೀಸರು

ಡ್ರೋನ್ ಆಂಬ್ಯುಲೆನ್ಸ್ ತಂತ್ರಜ್ಞಾನ
ಯುದ್ಧಭೂಮಿಯಲ್ಲಿ ಗಾಯಗೊಂಡ ಸೈನಿಕರನ್ನು ಸುರಕ್ಷಿತವಾಗಿ ಆಸ್ಪತ್ರೆಗೆ ಸಾಗಿಸಲು ಮಾನವರಹಿತ ಡ್ರೋನ್ ಆಂಬ್ಯುಲೆನ್ಸ್ ಜೊತೆಗೇನೇ ನರ್ಸಿಂಗ್ ಹೋಮ್ ವ್ಯವಸ್ಥೆಯನ್ನೂ ಪರೀಕ್ಷಿಸಲಾಗುತ್ತಿದೆ. ಈ ಡ್ರೋನ್‌ಗಳು ದೂರ ನಿಯಂತ್ರಣದ ಮೂಲಕ ಕಾರ್ಯನಿರ್ವಹಿಸಿ ಗಾಯಾಳು ಸೈನಿಕರನ್ನು ತುರ್ತು ಚಿಕಿತ್ಸಾ ಕೇಂದ್ರಗಳಿಗೆ ವೇಗವಾಗಿ ಸಾಗಿಸುವ ಸಾಮರ್ಥ್ಯ ಹೊಂದಿವೆ. ಇದರಿಂದ ಅಪಾಯಕಾರಿ ಪ್ರದೇಶಗಳಲ್ಲಿ ಮಾನವ ಜೀವ ಹಾನಿಯನ್ನು ಕಡಿಮೆ ಮಾಡಬಹುದು.

ಪ್ರಾಜೆಕ್ಟ್ ಭೀಷ್ಮ (BHISHM)
ಭಾರತೀಯ ಸೇನೆ ಅಭಿವೃದ್ಧಿಪಡಿಸಿರುವ “ಭೀಷ್ಮ” ಎಂಬ ಪೋರ್ಟಬಲ್ ಆಸ್ಪತ್ರೆ ವ್ಯವಸ್ಥೆ ವಿಶ್ವದಲ್ಲೇ ಮೊದಲನೆಯದು ಎಂದು ಹೇಳಲಾಗುತ್ತಿದೆ. ಈ ಆಸ್ಪತ್ರೆಯನ್ನು ಸುಲಭವಾಗಿ ಸಾಗಿಸಬಹುದಾದ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಯುದ್ಧಭೂಮಿ ಅಥವಾ ಎತ್ತರದ ಪರ್ವತ ಪ್ರದೇಶಗಳಲ್ಲಿ ತುರ್ತು ಶಸ್ತ್ರಚಿಕಿತ್ಸೆ ಹಾಗೂ ಚಿಕಿತ್ಸಾ ಸೇವೆ ನೀಡಲು ಇದು ಸಹಾಯಕವಾಗಿದೆ.

Also Read 🎬 ಸೀನ್ ಹಿಂದೆ ಇರುವ ಸೀಕ್ರೆಟ್ ಏನು?ಧುರಂಧರ್ ಚಿತ್ರದ ಈ ಸಣ್ಣ ಕ್ಷಣವೇ ಈಗ ದೊಡ್ಡ ಸೆನ್ಸೇಶನ್ ಆಗಿದೆ…ಮುಸ್ತಫಾ ಫುಲ್ ಖುಷ್

ಅಶ್ವಿನಿ (ASHNI) ಪ್ಲಟೂನ್ ಸ್ಥಾಪನೆ
ಡ್ರೋನ್ ಆಧಾರಿತ ವಿಶೇಷ ಕಾರ್ಯಾಚರಣೆಗಳನ್ನು ನಿರ್ವಹಿಸಲು “ಅಶ್ವಿನಿ ಪ್ಲಟೂನ್” ಎಂಬ ವಿಶೇಷ ಘಟಕವನ್ನು ಸ್ಥಾಪಿಸಲಾಗಿದೆ. ಈ ಪಡೆ ವೈದ್ಯಕೀಯ ಲಾಜಿಸ್ಟಿಕ್ಸ್, ತುರ್ತು ಸರಕು ಸಾಗಣೆ ಹಾಗೂ ನಿಗಾವಹಿಸುವ ಕಾರ್ಯಗಳನ್ನು ಡ್ರೋನ್‌ಗಳ ಮೂಲಕ ನಿರ್ವಹಿಸುತ್ತದೆ.

ತಾಂತ್ರಿಕ ಸಾಮರ್ಥ್ಯ
ಈ ಡ್ರೋನ್‌ಗಳು ಜಿಪಿಎಸ್ ನ್ಯಾವಿಗೇಶನ್, ದೂರ ನಿಯಂತ್ರಣ ವ್ಯವಸ್ಥೆ, ಮತ್ತು ಕಠಿಣ ಹವಾಮಾನ ಪರಿಸ್ಥಿತಿಗಳಲ್ಲಿಯೂ ಕಾರ್ಯನಿರ್ವಹಿಸುವ ಸಾಮರ್ಥ್ಯ ಹೊಂದಿವೆ. ಕೆಲವು ಡ್ರೋನ್‌ಗಳು ಹಲವು ಕಿಲೋಮೀಟರ್ ದೂರವನ್ನು ಕಡಿಮೆ ಸಮಯದಲ್ಲಿ ದಾಟಿ 5–20 ಕಿಲೋಗ್ರಾಂವರೆಗೆ ವೈದ್ಯಕೀಯ ಸಾಮಗ್ರಿಗಳನ್ನು ಸಾಗಿಸಬಲ್ಲವು.