ನಾವು ಏನೇ ಪ್ರಶ್ನೆಯನ್ನು ಇಟ್ಟರು, ಅವರ ಹಿಂಬಾಲಕರ ಮೂಲಕ ಸಂಸತ್ತಿನಲ್ಲಿ ಪ್ರಶ್ನಿಸಲಾಗದವರು ಹೊರಗೆ ಬಾಯಿ ಬಡಿದುಕೊಂಡರೆ ಏನು ಪ್ರಯೋಜನ? ಸದನದ ಒಳಗೆ ಪ್ರಶ್ನಿಸಿದರೆ ಉತ್ತರ ಸಿಗುತ್ತದೆ. ಅದು ಬಿಟ್ಟು ಸದನದ ಹೊರಗೆ ಪ್ರಶ್ನೆ ಕೇಳುತ್ತಿದ್ದರೆ ಉತ್ತರಿಸಲು ಸಾಧ್ಯವಾ ಎಂಬ ಪ್ರಶ್ನೆಯನ್ನು ಹಾಕುವ ಮೂಲಕ ತಮ್ಮ ಬೆನ್ನನ್ನು ತಾವೇ ತಟ್ಟಿಕೊಳ್ಳುತ್ತಿದ್ದಾರೆ ಎಂದು ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಗಂಭೀರ ಆರೋಪ ಮಾಡಿದ್ದಾರೆ. ಈ ಬಗ್ಗೆ ಅವರು ಎಕ್ಸ್ ಖಾತೆಯ ಮೂಲಕ ತಮ್ಮ ಪ್ರಶ್ನೆಯನ್ನೇ ಆಫ್ ಮಾಡಿರುವುದರ ಬಗ್ಗೆ ಪಾಯಿಂಟ್ ಮಾಡಿ ತೋರಿಸಿದ್ದಾರೆ.

ಮೋದಿ ಸರ್ಕಾರ, ಭಾರತದ ಇಂಧನ ಭದ್ರತೆಯಲ್ಲಿ ರಾಜಿ ಮಾಡಿಕೊಂಡಿದೆ ಎಂದು ನಾನು ಸಂಸತ್ತಿನಲ್ಲಿ ಹೇಳಿದ್ದೆ – ತಕ್ಷಣ ಮೈಕ್ರೊಫೋನ್ ಆಫ್ ಮಾಡಲಾಯಿತು.

ಎಪ್ಸ್ಟೀನ್ ಫೈಲ್‌ನಲ್ಲಿ ಮೋದಿಯ ಹೆಸರು ಇದೆ ಎಂದು ನಾನು ಹೇಳಿದ ತಕ್ಷಣ ಮೈಕ್ರೊಫೋನ್ ಆಫ್ ಮಾಡಲಾಯಿತು.

ಪೆಟ್ರೋಲಿಯಂ ಸಚಿವ ಹರ್ದೀಪ್ ಸಿಂಗ್ ಪುರಿ ಮತ್ತು ಎಪ್ಸ್ಟೀನ್ ಬಗ್ಗೆ ನಾನು ಪ್ರಶ್ನೆಗಳನ್ನು ಎತ್ತಿದೆ – ಮೈಕ್ರೊಫೋನ್ ಆಫ್ ಮಾಡಲಾಯಿತು.

ಸೊರೊಸ್ ಅವರ ಮಗಳ ಕಂಪನಿಯಲ್ಲಿ ಹೂಡಿಕೆ ಮಾಡಿದ ಬಗ್ಗೆ ಚರ್ಚಿಸಲು ನಾನು ಪ್ರಯತ್ನಿಸಿದೆ – ಮೈಕ್ರೊಫೋನ್ ಆಫ್ ಮಾಡಲಾಯಿತು.

ಹೀಗೆ ನಮ್ಮ ಪ್ರಶ್ನೆಯನ್ನೇ ಇವರು ಆಫ್ ಮಾಡಿಬಿಡುತ್ತಾರೆ. ಆಗಿರುವಾಗ ಅದನದ ಒಳಗೆ ಪ್ರಶ್ನೆಯನ್ನು ಕೇಳುವುದಾದರೂ ಹೇಗೆ? ಸದನದ ಒಳಗಿರಲಿ ಹೊರಗಿರಲಿ ಅವರಿಗೆ ಪೂರಕವಲ್ಲದ ಪ್ರಶ್ನೆ ಬರಬಾರದು. ಅವರ ನಡೆಯನ್ನು ಪ್ರಶ್ನಿಸುವಂತಹ ಪ್ರಶ್ನೆ ಬರಬಾರದು. ಅವರಿಗೆ ಭೋಪರಾಕುವಂತಹ, ಹೊಗಳುವಂತಹ ಮಾತುಗಳಿಗೆ ಮಾತ್ರ ಅವಕಾಶ ಇರುತ್ತದೆ ಎಂಬ ಗಂಭೀರ ಆರೋಪವನ್ನು ಮಾಡಿದ್ದಾರೆ.