ಪ್ರತೀ ಹನಿ ನೀರು — ನಾಳೆಯ ಬದುಕಿನ ಭದ್ರತೆ. ಕೋಟಿ ಕೊಟ್ಟರೂ ಸಿಗದು..ನಿಸರ್ಗದತ್ತವಾದದ್ದು..!

ಕರಾವಳಿ ಭಾಗ ಸೇರಿದಂತೆ ಅನೇಕ ಕಡೆಗಳಲ್ಲಿ ಉರಿಯುತ್ತಿರುವ ಬೇಸಿಗೆ ತೀವ್ರತೆ ಜನಜೀವನವನ್ನು ಕಂಗೆಡಿಸಿದೆ. ಭೂಗರ್ಭ ಜಲಮಟ್ಟ ನಿರಂತರವಾಗಿ ಕುಸಿಯುತ್ತಿದ್ದು, ನದಿಗಳು, ಕೆರೆಗಳು, ಬಾವಿಗಳು ವೇಗವಾಗಿ ಬತ್ತುತ್ತಿವೆ. ಮಳೆಗಾಲ ಇನ್ನೂ ದೂರ ಇರುವ ಈ ಸಂದರ್ಭದಲ್ಲಿ ಲಭ್ಯವಿರುವ ನೀರನ್ನು ಅತ್ಯಂತ ಜವಾಬ್ದಾರಿಯಿಂದ ಬಳಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ.

ಪ್ರಮುಖ ಆತಂಕ:

ಭೂಗರ್ಭ ಜಲಮಟ್ಟ ಪಾತಾಳಕ್ಕಿಳಿಯುತ್ತಿರುವುದು
ಜಲಮೂಲಗಳ ಒಣಗುವಿಕೆ
ಹೆಚ್ಚುತ್ತಿರುವ ಬಿಸಿಲಿನಿಂದ ನೀರಿನ ವೇಗದ ಆವಿರೀಕರಣ

ಈ ಪರಿಸ್ಥಿತಿಯನ್ನು ಎದುರಿಸಲು ಪ್ರತಿಯೊಬ್ಬ ನಾಗರಿಕನಿಂದಲೇ ಜಲ ಸಂರಕ್ಷಣೆಯ ಆರಂಭವಾಗಬೇಕು. ದಿನನಿತ್ಯ ಜೀವನದಲ್ಲಿ ನಾವು ಮಾಡುವ ಸಣ್ಣ ನಿರ್ಲಕ್ಷ್ಯವೇ ದೊಡ್ಡ ನೀರು ನಷ್ಟಕ್ಕೆ ಕಾರಣವಾಗುತ್ತಿದೆ.

Also Read ಮಂಗಳೂರು ಸಿಟಿ ಪೊಲೀಸರ ಭರ್ಜರಿ ಬೇಟೆ - ನಿಷೇಧಿತ ಎಂಡಿಎಂ, ಗಾಂಜಾ ಮರಾಟಗಾರರ ಬಂಧನ

ವೈಯಕ್ತಿಕ ಮಟ್ಟದಲ್ಲಿ ಕೈಗೊಳ್ಳಬೇಕಾದ ಕ್ರಮಗಳು:

ಹಲ್ಲುಜ್ಜುವಾಗ, ಸ್ನಾನ ಮಾಡುವಾಗ tap open wastage ಇರದಂತೆ ಶಿಸ್ತು
ಸೋರುವ ನಳ್ಳಿಗಳನ್ನು ತಕ್ಷಣ ಸರಿಪಡಿಸುವುದು
ಅಡುಗೆ ಮನೆಯಲ್ಲಿ ಬಳಸಿದ ನೀರನ್ನು ಗಿಡಗಳಿಗೆ ಮರುಬಳಕೆ
ಬಟ್ಟೆ, ಪಾತ್ರೆ ತೊಳೆಯುವಾಗ ನೀರಿನ ಮಿತ ಬಳಕೆ

ಸಾರ್ವಜನಿಕ ಜಾಗೃತಿಯ ಅಗತ್ಯ:
ಮದುವೆ, ಹಬ್ಬ, ಸಭೆಗಳಲ್ಲಿ ನೀರಿನ ದುರ್ಬಳಕೆ ಹೆಚ್ಚುತ್ತಿದೆ. ಅರ್ಧ ಕುಡಿದು ಎಸೆಯುವ ಪ್ಲಾಸ್ಟಿಕ್ ಬಾಟಲಿಗಳು ನೀರಿನ ವ್ಯರ್ಥತೆಗೆ ಮಾತ್ರವಲ್ಲ, ಪರಿಸರ ಮಾಲಿನ್ಯಕ್ಕೂ ಕಾರಣವಾಗುತ್ತಿವೆ.

ನಮ್ಮ ಸಲಹೆಗಳು

‘ವಾಟರ್ ಎಟಿಎಂ’ ಅಥವಾ ನಿಯಂತ್ರಿತ ನೀರು ವಿತರಣೆ ವ್ಯವಸ್ಥೆ
ಸಾರ್ವಜನಿಕ ಸ್ಥಳಗಳಲ್ಲಿ ನೀರಿನ ಬಳಕೆ ಮೇಲೆ ನಿಗಾ

ಹೊಸ ಚಿಂತನೆ – ನಮ್ಮ ಹೊಣೆಗಾರಿಕೆ:

ಮನೆಗಳಲ್ಲಿ ಮಳೆನೀರು ಸಂಗ್ರಹಣೆ (Rainwater Harvesting) ಕಡ್ಡಾಯಗೊಳಿಸಬೇಕು
ನೀರಿನ ಮರುಬಳಕೆ ವ್ಯವಸ್ಥೆ ಪ್ರತೀ ಮನೆಗೆ ಪರಿಚಯಿಸಬೇಕು
ಮಕ್ಕಳಲ್ಲಿ ಜಲ ಸಂರಕ್ಷಣೆ ಕುರಿತು ಅರಿವು ಬೆಳೆಸಬೇಕು
ವಾಹನ ತೊಳೆಯುವಾಗ ಮತ್ತು ಅನಗತ್ಯ ನೀರು wastage ಅಭ್ಯಾಸ ನಿಲ್ಲಿಸಿ
ಜಲ ಸಂರಕ್ಷಣೆ ಒಂದು ಅಭಿಯಾನ ಮಾತ್ರವಲ್ಲ, ಬದುಕಿನ ಅವಶ್ಯಕತೆ. ನಾವು ಉಳಿಸುವ ಪ್ರತಿಯೊಂದು ಹನಿಯೂ ನಾಳೆಯ ಪೀಳಿಗೆಗೆ ಜೀವಧಾರೆ ಆಗುತ್ತದೆ. ಮನೆಮನೆಗಳಿಂದಲೇ ಜಲ ಸಂರಕ್ಷಣೆಯ ಸಂಸ್ಕೃತಿ ಬೆಳೆದಾಗ ಮಾತ್ರ ಭವಿಷ್ಯದ ನೀರಿನ ಸಂಕಷ್ಟವನ್ನು ತಡೆಯಲು ಸಾಧ್ಯ.

Also Read ಹೋಟೆಲ್ ಉದ್ಯಮ ಉಳಿಸಲು ಜಿಎಸ್‌ಟಿ ಕಡಿತ ಅಗತ್ಯ-ಕರ್ನಾಟಕ ಹೋಟೆಲ್ ಸಂಘದ ಆಗ್ರಹ

ಯೋಚಿಸಿ , ಈ ಬೇಸಗೆಯಲ್ಲಿ ಪ್ರತಿಯೊಂದು ಹನಿಯನ್ನು ಉಳಿಸಿ — ಜೀವಜಲವನ್ನು ಕಾಪಾಡೋಣ!

##ಜಲಸಂರಕ್ಷಣೆ #SaveWater #WaterIsLife #EveryDropCounts #BeatTheHeat