ಕುಂದಾಪುರ, ಮೇ 26: ಬ್ಯಾಂಕಿನಲ್ಲಿ ಗೃಹ ಸಾಲ ಬಾಕಿ ಇರುವ ಮನೆಯನ್ನು, ಸಾಲವಿರುವ ವಿಷಯ ಮುಚ್ಚಿಟ್ಟು ಮಾರಾಟ ಮಾಡಿ ವಂಚಿಸಿದ ಆರೋಪದ ಮೇಲೆ ದಂಪತಿ ವಿರುದ್ಧ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದೂರುದಾರರಾದ ಶ್ರೀನಾಥ, ಚಿಕನ್ ಸಾಲ್ ರಸ್ತೆ, ಕಸಬಾ ಗ್ರಾಮ, ಕುಂದಾಪುರ ಇವರು ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.
ಆರೋಪಿಗಳಾದ ಉದಯ ಮೆಂಡನ್ ಮತ್ತು ನಿರ್ಮಲಾ ಯು. ಮೆಂಡನ್ ಇವರಿಗೆ ಕುಂದಾಪುರ ತಾಲೂಕು ವಡೇರಹೋಬಳಿ ಗ್ರಾಮದ ಸರ್ವೆ ನಂ. 161/1F ರಲ್ಲಿ 0.50 ಸೆಂಟ್ಸ್, 161/16 ರಲ್ಲಿ 0.75 ಸೆಂಟ್ಸ್, 161/1H ರಲ್ಲಿ 0.325 ಸೆಂಟ್ಸ್ ಸೇರಿ ಒಟ್ಟು 4.5 ಸೆಂಟ್ಸ್ ಸ್ಥಳದಲ್ಲಿ ಮನೆ ಇತ್ತು.

ಈ ಮನೆಯನ್ನು ದೂರುದಾರ ಶ್ರೀನಾಥ್ ರೂ. 20,75,000/- ಗೆ ಖರೀದಿಸಿ ಐದು ವರ್ಷ ಕಳೆದಿದೆ. 2021 ರಲ್ಲಿ ಕುಂದಾಪುರ ಉಪ ನೋಂದಣಾಧಿಕಾರಿ ಕಚೇರಿಯಲ್ಲಿ ಸೇಲ್ ಡೀಡ್ ಮೂಲಕ ತಮ್ಮ ಹೆಸರಿಗೆ ನೋಂದಾಯಿಸಿಕೊಂಡಿದ್ದರು.

Also Read ಗ್ರಾಮೀಣ ಅಭಿವೃದ್ಧಿಯಲ್ಲಿ ಉಡುಪಿ ನಂ.1: ಐದು ಪಂಚಾಯಿತಿಗಳಿಗೆ ರಾಷ್ಟ್ರ ಗೌರವ-ಉಡುಪಿ ಬರೆದ ಸುವರ್ಣ ಇತಿಹಾಸ!

ಆದರೆ ಆರೋಪಿಗಳು ಮನೆ ಮಾರಾಟ ಮಾಡುವ ಮೊದಲೇ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಕುಂದಾಪುರ ಶಾಖೆಯಲ್ಲಿ ಈ ಸ್ಥಿರಾಸ್ತಿ ಮೇಲೆ ಗೃಹ ಸಾಲ ಪಡೆದಿದ್ದು, ಅದನ್ನು ತೀರಿಸದೇ ಬಾಕಿ ಉಳಿಸಿಕೊಂಡಿದ್ದರು.

ಇತ್ತೀಚೆಗೆ ಬ್ಯಾಂಕಿನವರು ಸಾಲ ವಸೂಲಾತಿ ನೋಟಿಸ್‌ ಅನ್ನು ಮನೆಗೆ ಅಂಟಿಸಿದಾಗ ಪಿರ್ಯಾದಿದಾರರಿಗೆ ವಂಚನೆ ವಿಷಯ ತಿಳಿದುಬಂದಿದೆ. ಬ್ಯಾಂಕಿನ ಋಣಭಾರ ಇರುವ ಆಸ್ತಿಯನ್ನು ಆ ವಿಷಯ ಮುಚ್ಚಿಟ್ಟು ಮಾರಾಟ ಮಾಡಿ ನಂಬಿಕೆ ದ್ರೋಹ ಎಸಗಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.

ಈ ಸಂಬಂಧ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಅ.ಕ್ರ. 46/2026, ಕಲಂ 314, 316, 318, 322 BNS ರಂತೆ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.