ಕನಕಪುರ ಬಂಡೆ ಖ್ಯಾತಿಯ ಕರ್ನಾಟಕ ರಾಜ್ಯ ಉಪ ಮುಖ್ಯಮಂತ್ರಿ ಆಗೋ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆಂಬ ಮಾಹಿತಿಯು ಫೋಟೋ ಸಹಿತ ಸಾಮಾಜಿಕ ತಾಣದಲ್ಲಿ ಪ್ರಕಟವಾಗಿರುವುದು ಸಾಕಷ್ಟು ಜನರಿಗೆ ಗೊಂದಲ ತರಿಸಿದೆ. ಆದರೆ ಅದು ಸತ್ಯವಲ್ಲ ಭೋಗಸ್ ಸುದ್ದಿ.

ರಾಜಕೀಯದಲ್ಲಿ, ಯಾವುದೇ ಸಂದರ್ಭ ಏನು ಬೇಕಾದರೂ ಆಗಬಹುದು ಎಂಬುದಕ್ಕೆ ಈ ಹಿಂದೆ, ಪ್ರಧಾನಿ ಮೋದಿ ಹಾಗೂ ಬಿಜೆಪಿಯ ಬಗ್ಗೆ ಬಹಳ ಕಠಿಣವಾಗಿ ಮಾತನಾಡುತ್ತಿದ್ದ ರಾಘವ್ ಚಡ್ಡ ಬಿಜೆಪಿಗೆ ಸೇರ್ಪಡೆಯಾಗಿದ್ದೆ ಸಾಕ್ಷಿ.

ಆದರೆ ಡಿಕೆ ಶಿವಕುಮಾರ್ ಕಾಂಗ್ರೆಸ್ನ ಭಕ್ತ, ಕಾಂಗ್ರೆಸಿಗಾಗಿ ಸಾಕಷ್ಟು ರಿಸ್ಕ್ ತೆಗೆದುಕೊಂಡು ಕೆಲಸ ಮಾಡಿದಂತಹ ವ್ಯಕ್ತಿ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಕಾಂಗ್ರೆಸ್ ಭಕ್ತರಲ್ಲ. ಆದರೆ ಡಿಕೆ ಶಿವಕುಮಾರ್ ಕಾಂಗ್ರೆಸ್ ಭಕ್ತ ಎಂಬ ವಿಚಾರ ಪಕ್ಷಕ್ಕೆ ಗೊತ್ತಿದೆ. ಆದ್ರೂ ಡಿಕೆಗೆ, ಅವರ ಕೆಲಸಕ್ಕೆ ಸರಿಸಮಾನವಾದ ಸ್ಥಾನಮಾನ ಸಿಗುತ್ತಿಲ್ಲ, ಕೆಲಸವನ್ನೇ ಮಾಡದವರು ಸ್ಥಾನಮಾನ ಪಡೆದು ಆನಂದಿಸುತ್ತಿದ್ದಾರೆ ಎಂಬ ವಿಚಾರದಲ್ಲಿ ಬೇಸರ ಹೊಂದಿದ್ದಾರೆ ಎನ್ನುವುದೂ ಸತ್ಯವೇ. ಆದ್ರೂ ಪಕ್ಷದ ಹೈಕಮಾಂಡ್, ಈ ವಿಚಾರದಲ್ಲಿ ಡಿಕೆ ಜೊತೆಗೆ ನಿಲ್ಲಲೂ ಸಿದ್ದವಿಲ್ಲ ಹಾಗೆಯೇ ಡಿಕೆಯನ್ನು ಬಿಟ್ಟುಕೊಡಲೂ ಅವರಿಂದ ಆಗುತ್ತಿಲ್ಲ.

ಹೆಚ್ಚು ಕಡಿಮೆ ಕಳೆದ ಆರು ತಿಂಗಳಿನಿಂದ ನಾಯಕತ್ವ ಬದಲಾವಣೆ ಆಗಬೇಕು ಎಂಬ ನಿರೀಕ್ಷೆಯಲ್ಲಿ ಡಿಕೆ ಶಿವಕುಮಾರ್ ಇದ್ದರು. ಆದರದು ಆಗುತ್ತಿಲ್ಲ. ಸಿದ್ದರಾಮಯ್ಯನವರ ಕೈ ಮೇಲಾಗುತ್ತಿದೆ. ಹೈಕಮಾಂಡ್ ಡಿಕೆ ಶಿವಕುಮಾರ್ ವಿಚಾರದಲ್ಲಿ ಸೇಫ್ ಜೋನ್ ಎಂದು ಭಾವಿಸಿದ್ದಾರೆ. ಡಿಕೆ, ಪಕ್ಷಕ್ಕೆ ದ್ರೋಹ ಬಗೆಯುವುದಿಲ್ಲ, ಸ್ಥಾನ ಸಿಗದಿದ್ದರೂ ಪಕ್ಷಕ್ಕೆ ಡ್ಯಾಮೇಜ್ ಮಾಡುವುದಿಲ್ಲ ಎಂಬ ಧೈರ್ಯದಲ್ಲಿ ಸಿದ್ದರಾಮಯ್ಯರನ್ನು ಮುಂದುವರೆಸುತ್ತಿದ್ದಾರೆ. ಅತ್ತ ಸಿದ್ದರಾಮಯ್ಯರವರನ್ನು ತೆಗೆದರೆ ಕಾಂಗ್ರೆಸ್ ಪಕ್ಷಕ್ಕೆ ಡ್ಯಾಮೇಜ್ ಮಾಡುತ್ತಾರೆಂಬ ಸಂಶಯ ಹೈಕಮಾಂಡ್ಗಿದೆ. ಈ ಕಾರಣದಿಂದಾಗಿ, ಡಿಕೆ ಶಿವಕುಮಾರ್ ಅವರ ಬೇಡಿಕೆಗೆ ಹೈಕಮಾಂಡ್ ತೇಪೆ ಹಾಕುತ್ತಿದೆಯಷ್ಟೇ. ಯಾವುದೇ ನಿರ್ಧಾರವನ್ನು ಪ್ರಕಟಿಸುತ್ತಿಲ್ಲ. ನಿರ್ಧಾರ ಪ್ರಕಟಿಸುವ ಯೋಚನೆಯಲ್ಲೂ ಅದು ಇಲ್ಲ.

Also Read ಇಂದಿನ ಪೋಷಕರ ಅತಿಮುದ್ದು…ಕೇಳಿದ್ದನ್ನೆಲ್ಲ ಕೊಡಿಸುವ ಪೋಷಕರು ಒಳ್ಳೆಯವರೇ…???ಇದೇ ಮಕ್ಕಳ ಭವಿಷ್ಯಕ್ಕೆ ದೊಡ್ಡ ಅಪಾಯವೇ?

ಇದರ ಮಧ್ಯೆ, ಡಿಕೆ ಶಿವಕುಮಾರ್ ಅವರಿಗೆ ಬಿಜೆಪಿ ಕಡೆಯಿಂದ ಸ್ಪಷ್ಟ ಆಹ್ವಾನ ಹೋಗಿದೆ. ನೀವು ಪಕ್ಷಕ್ಕೆ ಬನ್ನಿ, ಮುಂದಿನ ಮುಖ್ಯಮಂತ್ರಿ ನೀವೇ ಆಗುತ್ತೀರಿ ಎಂಬುದನ್ನು ನಾವು ನಿಮಗೆ ಪ್ರಾಮಿಸ್ ಮಾಡುತ್ತೇವೆ. ಸುಮ್ಮನೆ ಮುಳುಗುತ್ತಿರುವ ಹಡಗಿನಲ್ಲಿ ಯಾಕೆ ಮುಂದುವರೆಯುತ್ತಿರಿ. ಆರ್ಥಿಕವಾಗಿ ಸಾಕಷ್ಟು ಬೆಳೆದಿದ್ದೀರಿ ಅದನ್ನು ಉಳಿಸಿ ಬೆಳೆಸಿಕೊಂಡು ಹೋಗುವುದಕ್ಕೆ ಬಲಿಷ್ಠ ಸರ್ಕಾರದ ಅಗತ್ಯತೆ ಇದೆ ಏನಂತೀರಿ ಎಂಬ ಪ್ರಶ್ನೆಯನ್ನು ಡಿಕೆ ಮುಂದೆ ಇಡಲಾಗಿದೆ. ಇದೆಲ್ಲಾ ಹಳೆಯ ಸುದ್ದಿಯೂ ಆಗಿದೆ. ಆ ನಿಟ್ಟಿನಲ್ಲಿ ಸಾಕಷ್ಟು ಪ್ರಯತ್ನ ನಡೆದಿದೆ ಕೂಡ. ಇದನ್ನು ಸ್ವತಃ ಡಿಕೆ ಶಿವಕುಮಾರ್ ಕೂಡ ಹೇಳಿಕೊಂಡಿದ್ದಾರೆ.

ಆದರೆ ಕಾಂಗ್ರೆಸ್ ಪಕ್ಷದಲ್ಲಿ, ಡಿಕೆ ವಿಚಾರವಾಗಿ ಒಂದಷ್ಟು ಸಚಿವರು ನಡೆದುಕೊಳ್ಳುತ್ತಿರುವ ರೀತಿ ಮತ್ತು ಪಕ್ಷದ ಅಧ್ಯಕ್ಷ ಎಂಬುದನ್ನು ನೋಡದೆ ಗೌರವವನ್ನು ಕೊಡದೆ ಆಡಿಕೊಳ್ಳುತ್ತಿರುವ ರೀತಿ, ಡಿಕೆ ಮತ್ತು ಡಿಕೆ ಬೆಂಬಲಿಗರಲ್ಲಿ ಬೇಸರ ತರಿಸಿದ್ದರಲ್ಲಿ ಯಾವ ತಪ್ಪು ಇಲ್ಲ. ಈ ಹಿಂದೆ ರಾಜಣ್ಣ ಸಚಿವ ಸ್ಥಾನ ಕಳೆದುಕೊಂಡದ್ದು ಡಿಕೆ ವಿಚಾರದಲ್ಲಿ ನಡೆದುಕೊಂಡ ರೀತಿಗಲ್ಲ. ಬದಲಿಗೆ, ರಾಹುಲ್ ಗಾಂಧಿ ವಿಚಾರದಲ್ಲಿ ಮಾಡಿದ ಕಾಮೆಂಟ್ ಗಾಗಿ. ಪಕ್ಷದ ರಾಜ್ಯಾಧ್ಯಕ್ಷರ ವಿರುದ್ಧವಾಗಿ ಮಾತನಾಡಿದರೆ ಯಾವ ಕ್ರಮವೂ ಇಲ್ಲ ಅಂದರೆ, ಇಲ್ಲಿ ಪಕ್ಷ ಬೆಳೆಸಿದ್ದಕ್ಕೆ ಏನು ಕೊಡುಗೆ ಸಿಗುತ್ತಿದೆ ಎಂಬ ಪ್ರಶ್ನೆ ಡಿಕೆ ಬೆಂಬಲಿಗರಿಂದ ಬರುತ್ತಿರುವುದು ಸತ್ಯವೇ. ಇದೆಲ್ಲವೂ ಡಿಕೆ ಬಿಜೆಪಿಗೆ ಹೋದರು ಅಚ್ಚರಿ ಇಲ್ಲ ಎಂಬ ಮಾತುಗಳಿಗೆ ಇಂಬು ಕೊಡಬಹುದು, ಅದು ಸುಲಭವೇ?

Also Read ತಿಮರೋಡಿ ಸೇರಿ ನಾಲ್ವರಿಗೆ ಕೇಸ್…

ಹಾಲಿ ಕೆಪಿಸಿಸಿ ಅಧ್ಯಕ್ಷ ಮತ್ತು ಹಾಲಿ ಉಪಮುಖ್ಯಮಂತ್ರಿ ಅಷ್ಟು ಈಜಿಯಾಗಿ ಇನ್ನೊಂದು ಪಕ್ಷದ ತೆಕ್ಕೆಗೆ ಹೋಗಲು ಸಾಧ್ಯವೇ? ಹೋದರೆ, ಆ ಪಕ್ಷದ ಆಡಳಿತ ಬರುತ್ತದೆಯೇ? ಸಿದ್ದರಾಮಯ್ಯನವರ ಪಕ್ಷ ಬಿದ್ದು ಹೋಗುತ್ತದೆಯೇ? ಇನ್ನೂ ಎರಡು ವರ್ಷದ ಆಡಳಿತ ಬಾಕಿ ಇದೆ. ಹೀಗಿರುವಾಗ ಈಗಲೇ ಡಿಕೆ ಶಿವಕುಮಾರ್ ಪಕ್ಷ ಬಿಟ್ಟು ಹೋಗಿ ಹೊಸ ಸರ್ಕಾರ ಮಾಡಬೇಕು ಎಂದರೆ ಕನಿಷ್ಠ ನೂರರಷ್ಟು ಶಾಸಕರನ್ನು ತಮ್ಮ ಜೊತೆಗೆ ಕರೆದೊಯ್ಯ ಬೇಕಾಗುತ್ತದೆ. ಅದು ಸಾಧ್ಯವೇ ಅನ್ನುವುದು ಪ್ರಶ್ನೆ? ಸದ್ಯದ ಮಟ್ಟಿಗೆ ಅದು ಅಸಂಭವ. ಡಿಕೆ ಶಿವಕುಮಾರ್ ಪಕ್ಷ ತ್ಯಜಿಸಿದರೆ ಕಾಂಗ್ರೆಸ್ ಬಲ ನೂರಕ್ಕೆ ನೂರರಷ್ಟು ಕುಸಿಯುತ್ತದೆ ಅನ್ನುವುದರಲ್ಲಿ ಎರಡು ಮಾತೇ ಇಲ್ಲ. ಕಾಂಗ್ರೆಸ್ಸಿಗೆ ದೊಡ್ಡ ಡ್ಯಾಮೇಜ್ ಆಗುವುದು ಗ್ಯಾರಂಟಿ. ಆದರೆ ಈ ಕ್ಷಣಕ್ಕೆ ಡಿಕೆ ಶಿವಕುಮಾರ್ ಗೆ ಲಾಭವೇನು? ಸಿದ್ದರಾಮಯ್ಯರವರನ್ನು ಪದಚ್ಯುತಗೊಳಿಸಲು ಸಾಧ್ಯವಾಗಿಲ್ಲ ಅಂದರೆ, ಅಧಿಕಾರವನ್ನು ತಮ್ಮ ಕೈಗೆ ತೆಗೆದುಕೊಳ್ಳಲಾಗಲಿಲ್ಲ ಅಂದರೆ ಈ ಒಂದು ಪಕ್ಷಾಂತರದಿಂದ ಏನು ಉಪಯೋಗ?

Also Read ಕಸ ಸಾಗಾಣಿಕೆ ಟೆಂಡರ್‌ನಲ್ಲಿ ₹133 ಕೋಟಿ ಅಕ್ರಮ ಆರೋಪ

ಹಾಗಾಗಿ ಪದ್ಯಕ್ಕೆ ಡಿಕೆ ಶಿವಕುಮಾರ್ ಬಿಜೆಪಿಯ ತೆಕ್ಕೆಗೆ ಹೋಗಲಾರರು. 1 ಥರ್ಡ್ ಮೆಜಾರಿಟಿ ಶಾಸಕರ ಬೆಂಬಲ ಇಲ್ಲದೆ ಡಿಕೆ ಅಂತಹ ನಿರ್ಧಾರ ತೆಗೆದುಕೊಳ್ಳಲಾರರು. ಒಂದೊಮ್ಮೆ ಅಂತಹ ನಿರ್ಧಾರಕ್ಕೆ ಅವರು ಬರುತ್ತಾರೆಂದರೆ ಮುಂದಿನ ಚುನಾವಣೆಯ ಹೊತ್ತಿಗೆ ಬರಬಹುದು ಅಷ್ಟೇ. ಹಾಗಾಗಿ, ಈಗ ಪ್ರಕಟವಾಗಿರುವಂತಹ ಸುದ್ದಿ ಬೋಗಸ್ ಮತ್ತು ಆ ಫೋಟೋ ಕೂಡ ಅತ್ಯಂತ ಅಚ್ಚುಕಟ್ಟಾಗಿ ಮತ್ತು ಚಂದದಲ್ಲಿ ತಯಾರು ಮಾಡಲಾದ ನಕಲಿ ಫೋಟೋ. ಸೇಮ್ ಫೋಟೋವನ್ನು ಕಾಂಗ್ರೆಸ್ಸಿಗೆ ಮೋದಿ ಬಂದ ಹಾಗೆ ಕೌಂಟರ್ ಆಗಿ ತಯಾರ ಮಾಡಿ ಕಳುಹಿಸಿದ್ದಾರೆ. ಅದನ್ನೂ ನೋಡಿ. ಈ ಎರಡೂ ಫೋಟೋ ನಕಲಿಗಳೆ ಆಗಿವೆ.