ಮೀರಾಬಾಯಿ ಚಾನು 2026ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಮಹಿಳೆಯರ 48 ಕೆ.ಜಿ. ವೇಟ್‌ಲಿಫ್ಟಿಂಗ್ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದು, ಸತತ ಮೂರನೇ ಕಾಮನ್‌ವೆಲ್ತ್ ಗೇಮ್ಸ್ ಚಿನ್ನದ ಸಾಧನೆ ಮಾಡಿದ್ದಾರೆ. 85 ಕೆ.ಜಿ. ಸ್ನ್ಯಾಚ್ ಮತ್ತು 105 ಕೆ.ಜಿ. ಕ್ಲೀನ್ ಅಂಡ್ ಜರ್ಕ್ ಮೂಲಕ ಒಟ್ಟು 190 ಕೆ.ಜಿ. ಎತ್ತಿದ ಅವರು ಗೇಮ್ಸ್ ದಾಖಲೆಯೊಂದಿಗೆ ಭಾರತದ ಮೊದಲ ಚಿನ್ನದ ಪದಕ ಗೆದ್ದರು. ಅವರ ಬಾವೋದ್ವೇಗದ ಆನಂದಭಾಷ್ಪ ಕ್ಷಣಗಳು ಇದೀಗ ವೈರಲ್ ಆಗಿವೆ..ಭಾರತೀಯರು ಹೆಮ್ಮೆಯಿಂದ comment ಮೂಲಕ ಅಭಿನಂದಿಸ್ತಿದ್ದಾರೆ….

ಈ ಗೆಲುವಿನೊಂದಿಗೆ ಮೀರಾಬಾಯಿ ಚಾನು ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಸತತ ಮೂರು ಚಿನ್ನ ಗೆದ್ದ ಮೊದಲ ಮಹಿಳಾ ವೇಟ್‌ಲಿಫ್ಟರ್ ಎಂಬ ಐತಿಹಾಸಿಕ ಸಾಧನೆ ಮಾಡಿದ್ದಾರೆ. 2014ರಲ್ಲಿ ಬೆಳ್ಳಿ ಪದಕದಿಂದ ಆರಂಭವಾದ ಅವರ ಕಾಮನ್‌ವೆಲ್ತ್ ಪಯಣ, 2018, 2022 ಮತ್ತು ಇದೀಗ 2026ರಲ್ಲಿ ಚಿನ್ನದ ಪದಕದೊಂದಿಗೆ ಮತ್ತಷ್ಟು ಉಜ್ವಲವಾಗಿದೆ.

Also Read 🚨 ಮಂಗಳೂರು ನಿವಾಸಿಗಳಿಗೆ ಮಹತ್ವದ ಮಾಹಿತಿ – 2026 ಘನತ್ಯಾಜ್ಯ ನಿರ್ವಹಣೆ ಹೊಸ ನಿಯಮ 🚨

ಭಾರತದ ವೇಟ್‌ಲಿಫ್ಟಿಂಗ್ ತಂಡವೂ ಅದ್ಭುತ ಪ್ರದರ್ಶನ ನೀಡಿದೆ. ಪುರುಷರ 60 ಕೆ.ಜಿ. ವಿಭಾಗದಲ್ಲಿ ರಿಷಿಕಾಂತ ಸಿಂಗ್ ಚನಂಬಮ್ ಬೆಳ್ಳಿ ಪದಕ ಗೆದ್ದರೆ, 65 ಕೆ.ಜಿ. ವಿಭಾಗದಲ್ಲಿ ರಾಜಾ ಮುತ್ತುಪಾಂಡಿ ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು. ರಾಜಾ ಒಟ್ಟು 286 ಕೆ.ಜಿ. ಎತ್ತಿ ಬೆಳ್ಳಿ ಗೆದ್ದರು.

ಹೀಗಾಗಿ ಒಂದೇ ದಿನ ವೇಟ್‌ಲಿಫ್ಟಿಂಗ್‌ನಲ್ಲಿ ಭಾರತಕ್ಕೆ ಒಂದು ಚಿನ್ನ ಮತ್ತು ಎರಡು ಬೆಳ್ಳಿ ಪದಕಗಳು ಲಭಿಸಿದ್ದು, 2026ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಭಾರತದ ಪದಕ ಬೇಟೆಗೆ ಭರ್ಜರಿ ಆರಂಭ ಸಿಕ್ಕಿದೆ. ಮೀರಾಬಾಯಿ ಚಾನು ಅವರ ಈ ಸಾಧನೆ ಭಾರತೀಯ ಕ್ರೀಡಾ ಇತಿಹಾಸದಲ್ಲಿ ಮತ್ತೊಂದು ಸುವರ್ಣ ಅಧ್ಯಾಯವಾಗಿ ದಾಖಲಾಗಿದೆ.