ಹೊಸದಿಲ್ಲಿ/ಬಿಷೇಕ್: “ದೇಶದ ಹಣ ದೇಶದಲ್ಲೇ ಉಳಿಯಲಿ, ಸ್ಥಳೀಯ ಉದ್ಯಮಕ್ಕೆ ಕೈಜೋಡಿಸೋಣ” — ಪ್ರಧಾನಿ ನರೇಂದ್ರ ಮೋದಿ ಅವರ ಇತ್ತೀಚಿನ ಸ್ವದೇಶಿ ಕರೆಗೆ ಇದೇ ಸರಳ ಅರ್ಥ. 7.8% ಜಿಡಿಪಿ ಬೆಳವಣಿಗೆಯ ಬೆನ್ನಲ್ಲೇ ಅವರು ಭಾರತೀಯರು ‘ವೋಕಲ್ ಫಾರ್ ಲೋಕಲ್’ ಅನ್ನು ಜೀವನಶೈಲಿಯ ಭಾಗವಾಗಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ.ಮೋದಿ ಮಾತಿನ ಹಿಂದಿದೆ ಆರ್ಥಿಕ ಲೆಕ್ಕ

ವಿದೇಶಿ ವಸ್ತು, ವಿದೇಶಿ ಪ್ರವಾಸದ ಮೋಹಕ್ಕೆ ಮಿತಿ ಹಾಕಿ—ನಮ್ಮ ಹಣ ನಮ್ಮ ದೇಶದಲ್ಲೇ ಉಳಿಯುವಂತೆ ನಿರ್ಧಾರ ತೆಗೆದುಕೊಳ್ಳಿ!
ನೀವು ಮಾಡುವ ಪ್ರತಿಯೊಂದು ಖರೀದಿಯೂ ಕೇವಲ ಖರ್ಚಲ್ಲ; ಅದು ಒಬ್ಬ ಭಾರತೀಯ ಉದ್ಯಮಿಯ ಬದುಕಿಗೆ, ಒಬ್ಬ ಕಾರ್ಮಿಕನ ದುಡಿಮೆಗೆ, ದೇಶದ ಆರ್ಥಿಕತೆಗೆ ಕೊಡುವ ನೇರ ಬೆಂಬಲ!

ಆದರೆ ಇಲ್ಲಿ ಒಂದು ಮುಖ್ಯ ಗೊಂದಲಕ್ಕೆ ತೆರೆ ಎಳೆಯಬೇಕಿದೆ. ಕೆಲವರು ಹೇಳಬಹುದು ಮೋದಿ ವಿದೇಶ ಪ್ರವಾಸ ಮಾಡುತ್ತಾರೆ, ನಮಗೆ ಅಂದ್ರೆ ಜನರು ವಿದೇಶ ಪ್ರವಾಸ ಕಡಿಮೆ ಮಾಡಬೇಕು ಎಂಬ ಸಲಹೆ ಅಸಂಬದ್ಧ ……!!ಪ್ರಧಾನಿಯ ವಿದೇಶ ಪ್ರವಾಸ ದೇಶದ ಕೆಲಸ. ವ್ಯಾಪಾರ ಒಪ್ಪಂದ, ಹೂಡಿಕೆ, ರಫ್ತು ಅವಕಾಶ, ತಂತ್ರಜ್ಞಾನ, ರಕ್ಷಣಾ ಸಹಕಾರ, ಇಂಧನ ಹಾಗೂ ಹಲವು ಅಂತಾರಾಷ್ಟ್ರೀಯ ವಿಚಾರಗಳ ಬಗ್ಗೆ ಮಾತುಕತೆ ನಡೆಸಲು ಅವರು ವಿದೇಶಕ್ಕೆ ತೆರಳಲೇಬೇಕು.

ಆದರೆ ಸಾಮಾನ್ಯ ಕುಟುಂಬದ ವಿದೇಶ ಪ್ರವಾಸ ವೈಯಕ್ತಿಕ ಮೋಜು ಮಸ್ತಿ ಖರ್ಚು. ಅದೇ ಹಣವನ್ನು ನಮ್ಮ ಸುತ್ತಮುತ್ತಲಿನ ಉಡುಪಿ, ಮಂಗಳೂರು, ಕೊಡಗು, ಮೈಸೂರು, ಹಂಪಿ, ಕೇರಳ ಅಥವಾ ದೇಶದ ಮತ್ತೊಂದು ಪ್ರವಾಸಿ ತಾಣದಲ್ಲಿ ಖರ್ಚು ಮಾಡಿದರೆ ಸ್ಥಳೀಯ ಹೋಟೆಲ್, ಟ್ಯಾಕ್ಸಿ, ಅಂಗಡಿ, ಗೈಡ್, ಹಸ್ತಕುಶಲ ವ್ಯಾಪಾರಿ ಹೀಗೆ ಹಲವರ ಬದುಕಿಗೆ ಆದಾಯವಾಗುತ್ತದೆ.ನಮ್ಮ ದೇಶದ ಆರ್ಥಿಕ ಉತ್ತೇಜನಕ್ಕೆ ನಾವೂ ಕೈ ಜೋಡಿಸಿದ ಹಾಗಾಗುತ್ತೆ.

ಇದೇ ಕಾರಣಕ್ಕೆ ವಿದೇಶದಲ್ಲಿ ಅದ್ಧೂರಿ ಮದುವೆ ಮಾಡುವ ಬದಲು ಭಾರತದಲ್ಲೇ ಮದುವೆ ಆಯೋಜಿಸಿ, ಸ್ಥಳೀಯ ಸೇವಾ ಕ್ಷೇತ್ರಕ್ಕೆ ಅವಕಾಶ ನೀಡಿ ಎಂಬ ಸಂದೇಶವನ್ನೂ ಮೋದಿ ನೀಡಿದ್ದಾರೆ. ಅಂದರೆ ಮದುವೆಯ ಖರ್ಚು ಕೂಡ ದೇಶದೊಳಗಿನ ಆರ್ಥಿಕ ಚಟುವಟಿಕೆಗೆ ಬಲವಾಗಲಿ ಎಂಬ ಲೆಕ್ಕ.

ಇನ್ನು ಚಿನ್ನದ ವಿಚಾರದಲ್ಲಿ, “ಚಿನ್ನ ಖರೀದಿಸಲೇಬೇಡಿ” ಎಂಬ ಸಂಪೂರ್ಣ ನಿರ್ಬಂಧದ ಮಾತಲ್ಲ. ಅಗತ್ಯವಿಲ್ಲದೆ ಹೆಚ್ಚು ಚಿನ್ನ ಖರೀದಿಸುವುದನ್ನು ತಪ್ಪಿಸಿ, ಬೇಕಾದಾಗ ಮಾತ್ರ ಖರೀದಿಸಿ ಎನ್ನುವುದು ಸಲಹೆ. ಭಾರತದಲ್ಲಿ ಚಿನ್ನದ ದೊಡ್ಡ ಪ್ರಮಾಣದ ಬೇಡಿಕೆಯನ್ನು ಆಮದು ಮೂಲಕ ಪೂರೈಸಲಾಗುವುದರಿಂದ, ಅನಗತ್ಯ ಖರೀದಿ ಕಡಿಮೆಯಾದರೆ ದೇಶದ ವಿದೇಶಿ ವಿನಿಮಯದ ಮೇಲಿನ ಒತ್ತಡವೂ ತಗ್ಗಬಹುದು.

ಹೀಗಾಗಿ ಮೋದಿ ಅವರ ಮಾತಿನ ಸಾರ ಒಂದೇ—“ವಿದೇಶದ ಬಾಗಿಲು ಮುಚ್ಚಿ” ಎನ್ನುವುದಲ್ಲ; “ನಮ್ಮ ಮನೆಯ ಬಾಗಿಲಿನೊಳಗಿನ ಉದ್ಯಮಕ್ಕೂ ಅವಕಾಶ ಕೊಡಿ” ಎನ್ನುವುದು. ಸರ್ಕಾರ ಜಗತ್ತಿನೊಂದಿಗೆ ವ್ಯಾಪಾರ ಮಾಡಲಿ, ಒಪ್ಪಂದ ಮಾಡಲಿ; ಜನರು ತಮ್ಮ ದೈನಂದಿನ ಖರ್ಚಿನಲ್ಲಿ ಸಾಧ್ಯವಾದಷ್ಟು ‘ನಮ್ಮದು, ಸ್ಥಳೀಯದು’ ಆಯ್ಕೆ ಮಾಡಲಿ ಎಂಬುದು ಈ ಸ್ವದೇಶಿ ಕರೆಗೆ ಇರುವ ಆರ್ಥಿಕ ಹಿನ್ನೆಲೆ.

##VocalForLocal #MakeInIndia #Swadeshi #PMModi #IndianEconomy #LocalBusiness #AtmanirbharBharat #IndiaGrowth #DomesticTourism #SupportLocal