Virat Kohli — ಮೈದಾನದಲ್ಲಿ ಕಿಂಗ್, ಜೀವನದಲ್ಲಿ ಯೋಧ!ಕೊಹ್ಲಿಯ ಈ ದಾಖಲೆ ಕೇವಲ ಹಣದ ಕಥೆಯಲ್ಲ — ಅದು 18 ವರ್ಷಗಳ ನಿರಂತರ ಪರಿಶ್ರಮದ ಪ್ರತಿಫಲವಾಗಿದೆ.

ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಅನೇಕ ದಿಗ್ಗಜರು ಬಂದಿದ್ದಾರೆ. ಆದರೆ ಪ್ರತಿಭೆ, ಫಿಟ್ನೆಸ್, ಮನೋಬಲ ಮತ್ತು ನಿರಂತರ ಪರಿಶ್ರಮವನ್ನು ಒಂದೇ ವ್ಯಕ್ತಿಯಲ್ಲಿ ನೋಡಬೇಕೆಂದರೆ ಅದು Virat Kohli. ಅಭಿಮಾನಿಗಳ ಹೃದಯದಲ್ಲಿ “ಪ್ಯಾಷನ್”, “ಆಕ್ರಮಣಶೀಲತೆ”, “ಫಿಟ್ನೆಸ್”, “ಪರಿಶ್ರಮ” ಮತ್ತು “ವಿಜಯದ ಹಸಿವು” ಎಂಬ ಐದು ಪದಗಳನ್ನು ಒಂದೇ ಹೆಸರಿನೊಂದಿಗೆ ಜೋಡಿಸಿದರೆ ಅದು ಖಂಡಿತವಾಗಿಯೂ Virat Kohli.

ಇಂದು ಅವರು ಕೇವಲ ಕ್ರಿಕೆಟಿಗನಲ್ಲ. ಒಂದು ಭಾವನೆ. ಒಂದು ಪ್ರೇರಣೆ. ಒಂದು ಬ್ರ್ಯಾಂಡ್.
₹230 ಕೋಟಿಗೂ ಹೆಚ್ಚು ಐಪಿಎಲ್ ಸಂಭಾವನೆ ಪಡೆದಿರುವುದು ಕೇವಲ ಹಣದ ಅಂಕೆಯಲ್ಲ — ಅದು ವರ್ಷಗಳ ಶ್ರಮಕ್ಕೆ ದೊರೆತ ಗೌರವ.

“ನಾನು ಸೋಲುವುದನ್ನು ಇಷ್ಟಪಡುವುದಿಲ್ಲ!”

ವಿರಾಟ್ ಕೊಹ್ಲಿಯ ಕಣ್ಣಿನ ಬೆಂಕಿ ಅಭಿಮಾನಿಗಳಿಗೆ ಸದಾ ವಿಶೇಷ.
ಅವರು ಮೈದಾನಕ್ಕಿಳಿದರೆ ಗೆಲ್ಲಬೇಕು ಎಂಬ ಹಠ ಸ್ಪಷ್ಟವಾಗಿ ಕಾಣುತ್ತದೆ.

ಚಿಕ್ಕ ವಯಸ್ಸಿನಿಂದಲೇ ಕ್ರಿಕೆಟ್ ಅವರ ಉಸಿರು.
Delhiಯ ಸಣ್ಣ ಮೈದಾನಗಳಲ್ಲಿ ಗಂಟೆಗಳ ಕಾಲ ಅಭ್ಯಾಸ ಮಾಡುತ್ತಿದ್ದ ಬಾಲಕ ಮುಂದೆ ವಿಶ್ವ ಕ್ರಿಕೆಟ್‌ನ ರಾಜನಾಗುತ್ತಾನೆ ಎಂದು ಆಗ ಯಾರಿಗೂ ಗೊತ್ತಿರಲಿಲ್ಲ.

ಆದರೆ ವಿರಾಟ್ ಸಾಮಾನ್ಯ ಹುಡುಗನಲ್ಲ.
ಅವರೊಳಗೆ “ಏನಾದರೂ ಸಾಧಿಸಬೇಕು” ಎಂಬ ಹಸಿವು ತುಂಬಿಕೊಂಡಿತ್ತು.

ಜೀವನದ ದೊಡ್ಡ ದುಃಖ… ಆದರೆ ಅದೇ ಅವರ ಶಕ್ತಿ!

2006ರಲ್ಲಿ ವಿರಾಟ್ ಜೀವನವೇ ಬದಲಾಗಿದೆ.
ಅವರ ತಂದೆ ನಿಧನರಾದ ರಾತ್ರಿ ಕುಟುಂಬ ದುಃಖದಲ್ಲಿ ಮುಳುಗಿತ್ತು. ಆದರೆ ಮರುದಿನ ಬೆಳಗ್ಗೆ ಮಹತ್ವದ ಪಂದ್ಯ.

ಅನೇಕರಿಗೆ ಅದು ಅಸಾಧ್ಯ ಕ್ಷಣ.
ಆದರೆ ವಿರಾಟ್ ಮೈದಾನಕ್ಕಿಳಿದರು.ಅವರು ಕೇವಲ ಆಡಲಿಲ್ಲ — ಜವಾಬ್ದಾರಿಯುತ ಇನ್ನಿಂಗ್ಸ್ ಆಡಿದರು.ಆ ದಿನ ಭಾರತೀಯ ಕ್ರಿಕೆಟ್‌ಗೆ ಒಂದು ಸಂದೇಶ ಸಿಕ್ಕಿತು:

“ಈ ಹುಡುಗ ಒಂದು ದಿನ ದೊಡ್ಡ ಆಟಗಾರನಾಗುತ್ತಾನೆ!”

ಅದೇ ಘಟನೆ ಅವರನ್ನು ಮಾನಸಿಕವಾಗಿ ಉಕ್ಕಿನ ಮನುಷ್ಯನನ್ನಾಗಿ ಮಾಡಿತು.

ಅಂಡರ್-19 ವಿಶ್ವಕಪ್… ಅಲ್ಲಿಂದ ಆರಂಭವಾದ “ಕಿಂಗ್” ಕಥೆ

2008ರಲ್ಲಿ ICC Under-19 Cricket World Cup ಗೆದ್ದ ಭಾರತೀಯ ತಂಡದ ನಾಯಕನಾಗಿದ್ದ ಕೊಹ್ಲಿ, ತನ್ನ ಆತ್ಮವಿಶ್ವಾಸದಿಂದಲೇ ಎಲ್ಲರ ಗಮನ ಸೆಳೆದರು.

ಅದೇ ವರ್ಷ Indian Premier Leagueನಲ್ಲಿ Royal Challengers Bengaluru ತಂಡ ಅವರನ್ನು ಆಯ್ಕೆ ಮಾಡಿತು.

ಆ ದಿನದಿಂದ RCB ಮತ್ತು ಕೊಹ್ಲಿ ಕಥೆ ಶುರುವಾಯಿತು.ಟ್ರೋಫಿ ಬರದಿದ್ದರೂ ಅಭಿಮಾನಿಗಳ ಪ್ರೀತಿ ಎಂದಿಗೂ ಕಡಿಮೆಯಾಗಲಿಲ್ಲ.ಯಾಕೆಂದರೆ ಅವರು ಕೇವಲ ಆಟಗಾರನಲ್ಲ… ತಂಡಕ್ಕಾಗಿ ಹೃದಯದಿಂದ ಹೋರಾಡುವ ಯೋಧ.

2016 — ಕ್ರಿಕೆಟ್ ಲೋಕ ಬೆರಗಾದ ವರ್ಷ!

2016ರ ಐಪಿಎಲ್ ಸೀಸನ್ ಎಂದರೆ ಇಂದಿಗೂ ಅಭಿಮಾನಿಗಳ ಕಣ್ಣ ಮುಂದೆ ಒಂದೇ ಚಿತ್ರ:

“ಬ್ಯಾಟ್ ಹಿಡಿದು ಬೌಲರ್‌ಗಳ ಮೇಲೆ ಮಿಂಚಿನ ದಾಳಿ ನಡೆಸುತ್ತಿದ್ದ ವಿರಾಟ್ ಕೊಹ್ಲಿ!”

973 ರನ್…4 ಶತಕ…ಅಸಂಖ್ಯಾತ ಅದ್ಭುತ ಶಾಟ್‌ಗಳು..!

ಆ ವರ್ಷ ಕೊಹ್ಲಿ ಬ್ಯಾಟಿಂಗ್ ನೋಡಿದವರು ಒಂದು ಮಾತು ಹೇಳಿದ್ದರು:unbelievable

“ಇದು ಮನುಷ್ಯನ ಆಟವೇ… ಅಥವಾ ಕ್ರಿಕೆಟ್ ಸೂಪರ್ ಹೀರೋನ ಪ್ರದರ್ಶನವೇ?”

ಫಿಟ್ನೆಸ್ ಅಂದ್ರೆ ಕೊಹ್ಲಿ… ಕೊಹ್ಲಿ ಅಂದ್ರೆ ಫಿಟ್ನೆಸ್!

ಒಂದು ಕಾಲದಲ್ಲಿ ವಿರಾಟ್ ಜಂಕ್ ಫುಡ್ ಪ್ರಿಯರಾಗಿದ್ದರು.ಆದ ಕಾರಣ ಗುಂಡು ಗುಂಡಾಗಿದ್ದ
ಕೊಹ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ದೀರ್ಘಕಾಲ ಆಳಬೇಕೆಂದರೆ ದೇಹವೇ ದೊಡ್ಡ ಆಯುಧ ಎಂದು ಬಹಳ ಬೇಗ ಅರಿತುಕೊಂಡರು.ಅದಾದ ನಂತರ ಅವರು ಜೀವನವನ್ನೇ ಬದಲಿಸಿದರು.ಶಿಸ್ತಿನ ಜೀವನವನ್ನ ರೂಡಿಸಿಕೊಂಡರು .

ಕಠಿಣ ವ್ಯಾಯಾಮ
ನಿಯಂತ್ರಿತ ಆಹಾರ
ಸಕ್ಕರೆ almost ಇಲ್ಲ
ಪ್ರತಿದಿನ ಶಿಸ್ತುಬದ್ಧ ತರಬೇತಿ
ಮಾನಸಿಕ ಫಿಟ್ನೆಸ್‌ಗೆ ಧ್ಯಾನ

ಇಂದು ಭಾರತೀಯ ಕ್ರಿಕೆಟ್ ತಂಡದ ಫಿಟ್ನೆಸ್ ಸಂಸ್ಕೃತಿಗೆ ಕೊಹ್ಲಿಯೇ ಕಾರಣ ಎಂದು ಅನೇಕರು ಹೇಳುತ್ತಾರೆ.ಅವರ ದೇಹದ ಭಾಷೆ ನೋಡಿದರೆ ಇನ್ನೂ 20 ವರ್ಷದ ಯುವ ಆಟಗಾರನ ಎನರ್ಜಿ ಕಾಣಿಸುತ್ತದೆ!