ಉತ್ತರ ಪ್ರದೇಶದ ಗಾಜಿಯಾಬಾದ್‌ನಲ್ಲಿ ಅತ್ಯಾಚಾರ ಆರೋಪ ಎದುರಿಸುತ್ತಿದ್ದ ಸುದೀರ್ಘವಾಗಿ ಜೈಲಿನಲ್ಲಿ ಇದ್ದ ವ್ಯಕ್ತಿ ಸುಶೀಲ್ ಪ್ರಜಾಪತಿ ಎಂಬವ ಜಾಮೀನಿನ ಮೇಲೆ ಬಿಡುಗಡೆಯಾದ ನಂತರ ನಡೆದ ಘಟನೆ ಅಂದ್ರೆ ಗ್ರಾಂಡ್ welcome ಈಗ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ಈತ ಹಿಂದೂ ಯುವ ವಾಹಿನಿ ಸಂಘಟನೆಯ ಮಾಜಿ ಸದಸ್ಯನಾಗಿದ್ದು, ಕಾನೂನು ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರದ ಆರೋಪ ಎದುರಿಸುತ್ತಿದ್ದಾನೆ.

ಇದು ಗಂಭೀರ ಸಾಮಾಜಿಕ ಚರ್ಚೆಗೆ ಕಾರಣವಾದ ಘಟನೆಯಾಗಿದೆ. ಇಲ್ಲಿ ಆರೋಪಿಯ ಬಗ್ಗೆ ಈಗಾಗಲೇ ನ್ಯಾಯಾಲಯದಲ್ಲಿ ಪ್ರಕರಣ ನಡೆಯುತ್ತಿದ್ದು, “ಬೇಲ್ ಮೇಲೆ ಬಿಡುಗಡೆಗೊಂಡ ಆರೋಪಿ” ಅನ್ನೋದು ಪ್ರಮುಖ ವಿಚಾರ…

ಬಿಡುಗಡೆಯ ನಂತರ ನಡೆದ ವಿವಾದಾತ್ಮಕ ಸ್ವಾಗತ

ಮೇ 17ರಂದು ಸುಮಾರು ಒಂಬತ್ತು ತಿಂಗಳ ನಂತರ ಜಾಮೀನಿನಲ್ಲಿ ಬಿಡುಗಡೆಯಾದ ಬಳಿಕ, ಆರೋಪಿಯನ್ನು ಅವರ ಬೆಂಬಲಿಗರು ಹೂವಿನ ಹಾರಗಳಿಂದ ಅಲಂಕರಿಸಿ ಸ್ವಾಗತಿಸಿದರು. ಬಿಳಿ ಬಟ್ಟೆ ತೊಟ್ಟಿದ್ದ ಅವರನ್ನು ಜನರು ಭುಜಗಳ ಮೇಲೆ ಹೊತ್ತು, ರಸ್ತೆಯುದ್ದಕ್ಕೂ ಮೆರವಣಿಗೆ ನಡೆಸಿದ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಘೋಷಣೆಗಳು, ಹೂಮಳೆ ಮತ್ತು ವಾಹನಗಳ ಕವಾಯತ್ ಸೇರಿ ಇದು ಬಹುತೇಕ “ವಿಜಯೋತ್ಸವ”ದಂತೆಯೇ ಕಾಣಿಸಿಕೊಂಡಿತು ಎಂಬ ಟೀಕೆಗಳು ಕೇಳಿಬಂದಿವೆ.

Also Read ಟ್ರಂಪ್ ಮೇಲೆ ದಾಳಿ ಯತ್ನ -ಗನ್ ಸದ್ದು ಮತ್ತೆ ವೈಟ್ ಹೌಸ್ ರಾಜಕೀಯವನ್ನ ನಡುಗಿಸಿದೆ!ಭದ್ರತಾ ಪ್ರಶ್ನೆ!

ಸಾಮಾಜಿಕ ಆಕ್ರೋಶ ಮತ್ತು ಪ್ರಶ್ನೆಗಳು

ಈ ಘಟನೆ ಸಮಾಜದಲ್ಲಿ ಗಂಭೀರ ಪ್ರಶ್ನೆಗಳನ್ನು ಎಬ್ಬಿಸಿದೆ. ಅತ್ಯಾಚಾರ ಆರೋಪದಂತಹ ಗಂಭೀರ ಪ್ರಕರಣದಲ್ಲಿ ಆರೋಪಿಯನ್ನೇ ಹೀರೋ ರೀತಿಯಲ್ಲಿ ಸ್ವಾಗತಿಸುವುದು ಸಂತ್ರಸ್ತೆಯ ಗೌರವ ಮತ್ತು ನ್ಯಾಯ ವ್ಯವಸ್ಥೆಯ ಮೇಲಿನ ನಂಬಿಕೆಗೆ ಧಕ್ಕೆ ತರುತ್ತದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಮಹಿಳಾ ಹಕ್ಕು ಸಂಘಟನೆಗಳು ಮತ್ತು ಸಾರ್ವಜನಿಕರು ಇಂತಹ ನಡೆ “ಅಪಾಯಕಾರಿ ಸಂಸ್ಕೃತಿ” ಎಂದು ಖಂಡಿಸಿದ್ದಾರೆ.

ಘಟನೆಯ ವಿಡಿಯೋಗಳು ವೈರಲ್ ಆದ ನಂತರ ಪೊಲೀಸರು ತನಿಖೆ ಆರಂಭಿಸಿರುವುದಾಗಿ ತಿಳಿಸಿದ್ದಾರೆ. ಮೆರವಣಿಗೆ ನಡೆಸಿದವರು ಮತ್ತು ಸಾರ್ವಜನಿಕ ಶಾಂತಿಗೆ ಧಕ್ಕೆ ತಂದಿರುವ ಅಂಶಗಳ ಕುರಿತು ಪರಿಶೀಲನೆ ನಡೆಯುತ್ತಿದೆ ಎಂದು ವರದಿಯಾಗಿದೆ. ಯಾವ ಕಾನೂನು ಉಲ್ಲಂಘನೆ ನಡೆದಿದೆ ಎಂಬುದನ್ನೂ ಪರಿಶೀಲಿಸಲಾಗುತ್ತಿದೆ.

ಒಟ್ಟಾರೆಯಾಗಿ ಇಂತಹ ಘಟನೆಗಳು ಸ್ವಸ್ಥ ಸಮಾಜದಲ್ಲಿ ಬೀರುವ ದುಷ್ಪರಿಣಾಮ ದೊಡ್ಡದು.ಭಾರತದಲ್ಲಿ ನ್ಯಾಯಾಂಗ ಪ್ರಕ್ರಿಯೆ ನಡೆಯುತ್ತಿರುವ ಸಂದರ್ಭದಲ್ಲಿಯೇ “ಜನರಲ್ ಟ್ರಯಲ್” ಅಥವಾ ಸಾರ್ವಜನಿಕ ಅಭಿಪ್ರಾಯದಿಂದ ಆರೋಪಿಗಳನ್ನು ಹೀರೋಗಳಂತೆ ಪ್ರದರ್ಶಿಸುವ ಅಪಾಯವನ್ನು ತೋರಿಸುತ್ತವೆ. ಇದರಿಂದ ಸಂತ್ರಸ್ತೆಯ ಧೈರ್ಯ ಕುಗ್ಗುವ ಸಾಧ್ಯತೆ ಮತ್ತು ನ್ಯಾಯ ಪ್ರಕ್ರಿಯೆಯ ಮೇಲೆ ಅನ್ಯಾಯದ ಒತ್ತಡ ಉಂಟಾಗುವ ಸಾಧ್ಯತೆ ಇದೆ

Also Read NEET ಹಂಗಾಮ ನೀಟಾಗಿ ಅಂತ್ಯ ಕಾಣುತ್ತಾ…?!ಮೋದಿಯ ‘ತಡವಾದ ಪ್ರತಿಕ್ರಿಯೆ’-ಕೊನೆಗೂ ವಾಂಗ್ಚುಕ್ ಉಪವಾಸ ಅಂತ್ಯ… ಆದರೆ … ‘ಕಾಕ್ರೋಚ್’ ಹೋರಾಟ ಮುಂದುವರಿಕೆ!ಮುಂದೇನು??

##UttarPradesh #Ghaziabad #RapeCase #BailControversy #ViralVideo #CrimeNews #JusticeForWomen