ಕರ್ನಾಟಕ ಸರ್ಕಾರದ ಪಂಚ ಗ್ಯಾರಂಟಿಗಳಲ್ಲಿ ಒಂದಾದ ಶಕ್ತಿ ಯೋಜನೆಯನ್ನು ಹಂತಹಂತವಾಗಿ ವಿಫಲ ಗೊಳಿಸುವ ನೀರಿನಲ್ಲಿ ಸಾರಿಗೆ ಸಂಸ್ಥೆಯ ಮುಖ್ಯಸ್ಥರೇ ಸಾಗುತ್ತಿದ್ದಾರೆ ಎಂಬ ಸುದ್ದಿಯು ಬರುತ್ತಿದೆ.

ಹಿಂದಿನ ಸಿದ್ದರಾಮಯ್ಯ ಸರ್ಕಾರದ ಕಾಲದಲ್ಲಿ ಅನುಷ್ಠಾನಗೊಂಡ ಯೋಜನೆಯನ್ನು ನಿಲ್ಲಿಸಲು ಆಗದಿರುವ ಕಾರಣ, ಯೋಜನೆಯು ಇರುವಂತೆಯೇ ಅದನ್ನು ವಿಫಲಗೊಳಿಸಲು ಪ್ಲಾನ್ ಮಾಡಲಾಗಿದೆ ಎಂಬುದು ಸಾರಿಗೆ ಸಂಸ್ಥೆಯ ಇನ್ನರ್ ಮಾಹಿತಿಯಾಗಿದೆ.

BMTC, KSRTC, KRTC ಹಾಗೂ NWKRTC ಈ ನಾಲ್ಕು ಸಂಸ್ಥೆಗಳೇ ಕರ್ನಾಟಕ ಸಾರಿಗೆ ವ್ಯವಸ್ಥೆಯನ್ನು ಬಹುಪಾಲು ನೋಡಿಕೊಳ್ಳುತ್ತಿರೋದು. ಈ ನಾಲ್ಕು ಸಂಸ್ಥೆಗಳಿಗೂ ಬೇರೆಬೇರೆ MD ಗಳಿದ್ದರೆ. ಅವರೇ ಎಲ್ಲವನ್ನೂ ನಿರ್ಧಾರ ಮಾಡೋದು. ಈ ನಾಲ್ಕು MDಗಳು ಒಟ್ಟಾಗಿಯೇ ಈಗ ಶಕ್ತಿಯೋಜನೆಯನ್ನು ಹಂತಹಂತವಾಗಿ ಆಳಕ್ಕೆ ತಳ್ಳಿ ಸಂಸ್ಥೆಯ ಆದಾಯ ಹೆಚ್ಚಿಸುವ ಬಗ್ಗೆ ತಂತ್ರ ಹೆಣೆದಿದ್ದಾರೆ ಎನ್ನಲಾಗುತ್ತಿದೆ.

ಅಷ್ಟಕ್ಕೂ ಏನಾಗಿದೆ

ಗಂಡುಮೆಟ್ಟಿನ ನಾಡು ಖ್ಯಾತಿಯ ಹುಬ್ಬಳ್ಳಿ ಡಿಪೋದಿಂದ ಈ ಹಿಂದೆ ಬೀದರ್ಗೆ ಪ್ರತಿದಿನ ಬಸ್ ಹೋಗುತ್ತಿತ್ತು. ಅದನ್ನು ಪ್ಲಾನ್ ಮಾಡಿ, ಬೀದರ್ ಬದಲು ಬೀದರ್ ಮೂಲಕವೇ ಹೈದರಾಬಾದಿಗೆ ಓಡಿಸಲು ಪ್ರಾರಂಭಿಸಿದರು. ರಾಜ್ಯದ ಒಳಗೆ ಓಡಾಡುವ ಬಸ್ ಶಕ್ತಿಯೋಜನೆ ವ್ಯಾಪ್ತಿಗೆ ಬರುತ್ತದೆ. ಮಹಿಳೆಯರ ಆಧಾರ ಕಾರ್ಡ್ ನೋಡಿ ಉಚಿತ ಪ್ರಯಾಣ ಕೊಡಲಾಗುತ್ತಿತ್ತು. ಯಾವಾಗ ಈ ಬಸ್ ಹೈದ್ರಾಬಾದ್ ಗೆ ಹೋಗಲು ಪ್ರಾರಂಭಿಸಿತೋ ಅವತ್ತಿನಿಂದ ಆ ಬಸ್, ಶಕ್ತಿಯೋಜನೆಯಿಂದ ಹೊರ ಬಂತು. ಹೊರ ರಾಜ್ಯಕ್ಕೆ ಹೋಗುವ ಬಸ್ಗೆ ಆಧಾರ್ ಕಾರ್ಡ್ ನಡೆಯಲ್ಲ. ಈ ಕಾರಣಕ್ಕಾಗಿಯೇ, nwksratc md ಹುಬ್ಬಳ್ಳಿ ಬೀದರ್ ಬಸ್ ಬದಲಾಯಿಸಿ ಬೀದರ್ ವಾಯ ಹೈದರಾಬಾದಿಗೆ ಓಡಿಸಿ ಶಕ್ತಿಯೋಜನೆಯಿಂದ ಹೊರಗಿಟ್ಟರು.

ಈಗ ಪ್ರತಿ ದಿನ ಹುಬ್ಬಳ್ಳಿ ಇಂದ ಬೆಂಗಳೂರಿಗೆ ರಾತ್ರಿ 9.08ಕ್ಕೆ ಹೊರಡುತ್ತಿದ್ದ ಬಸ್ ನಿಲ್ಲಿಸಲಾಗಿದೆ. ಈ ಬಸ್ ನಷ್ಟದಲ್ಲಿರಲಿಲ್ಲ ಎನ್ನಲಾಗಿದ್ದು, ಪ್ರತಿ ಟ್ರಿಪ್ 50ಸಾವಿರ ದುಡಿಯುತ್ತಿದ್ದರು, ಅದನ್ನು ಏಕಾಏಕಿ ನಿಲ್ಲಿಸಲಾಗಿದೆ ಎನ್ನಲಾಗಿದೆ. ಈ ರೂಟ್ ಬಸ್ ಇವತ್ತಿನಿಂದ ಮಹಾರಾಷ್ಟ್ರದ ತುಳುಜಪುರಕ್ಕೆ ಬೆಳಿಗ್ಗೆ 8ಗಂಟೆಗೆ ಹೋಗುತ್ತಿದೆ. ಹೊರ ರಾಜ್ಯಕ್ಕೆ ಹೋಗುತ್ತಿರುವ ಕಾರಣ ಇದಕ್ಕೆ ಆಧಾರ್ ಕಾರ್ಡ್ ಅನ್ವಯಿಸದು.

ಹೀಗೆ ಹಂತ ಹಂತವಾಗಿ ಶಕ್ತಿಯೋಜನೆಯನ್ನು ಕತ್ತು ಹಿಡಿದು ಹಿಸುಕುವ ಕಾರ್ಯ ನಡೆಯುತ್ತಿದೆ ಎಂಬುದು ಸಂಸ್ಥೆಯ ಒಳಗಿನಿಂದಲೇ ಕೇಳಿ ಬರುತ್ತಿದೆ.

ಸರ್ಕಾರ ಮೊದಲು ಪ್ರತಿ ಆಧಾರ ಕಾರ್ಡ್ ಟಿಕೆಟಿಗೆ 60%ಹಣವನ್ನು ಸಂಸ್ಥೆಗೆ ನೀಡುತ್ತಿತ್ತಂತೆ. ಈಗ ಅದನ್ನು 25%ಗೆ ತರಲು ಹೊರಟಿದೆಯಂತೆ. ಹಾಗಾಗಿ ಸಾರಿಗೆ ಸಂಸ್ಥೆಯ MD ಗಳು ಶಕ್ತಿಯೋಜನೆಯನ್ನು ವಿಫಲ ಗೊಳಿಸಿ ಸಂಸ್ಥೆಯ ಆದಾಯ ಹೆಚ್ಚಿಸಿಕೊಳ್ಳಲು ಹೊರಟಿದ್ದಾರೆ ಎನ್ನಲಾಗುತ್ತಿದೆ. ಹಿಂದಿನ ಸಾರಿಗೆ ಸಚಿವರಿಗೆ ಇದರ ಬಗ್ಗೆ ಗೊತ್ತಿತ್ತು, ಅವರ ಮೌಖಿಕ ಒಪ್ಪಿಗೆಯ ಮೇಲೆ ಈ ತಂತ್ರ ಹೆಣೆಯಲಾಗಿದೆ ಅಂತಲೂ ಹೇಳುತ್ತಾರೆ ಸಾರಿಗೆ ಸಿಬ್ಬಂಧಿಗಳು.

ಒಟ್ಟಿನಲ್ಲಿ ಜನಪ್ರಿಯ ಯೋಜನೆಯನ್ನು ಸಾರಿಗೆ ಸಂಸ್ಥೆಯು ಮುಗಿಸಲು ಹೊರಟಿದೆಯೋ, ಅಥವಾ ಈ ತಂತ್ರಗಾರಿಕೆಯಲ್ಲಿ ಸರ್ಕಾರವೂ ಇನ್ವಾಲ್ವ್ ಆಗಿದೆಯೋ ಗೊತ್ತಿಲ್ಲ ಅನ್ನುತ್ತಿದ್ದಾರೆ ಸಾರಿಗೆ ಸಿಬ್ಬಂಧಿಗಳು.