ರಾಜ್ಯ ಸರ್ಕಾರದ ಜನಪ್ರಿಯ ಯೋಜನೆಯಲ್ಲಿ ಒಂದಾದ ಗೃಹಲಕ್ಷ್ಮಿ ಯೋಜನೆ ಇಂದ ಬಂದಂತಹ 2000 ಹಣವನ್ನು ಸೌದತ್ತಿ ಎಲ್ಲಮ್ಮ ದೇವಿಗೆ ಸಮರ್ಪಣೆ ಮಾಡಲು ಗದಗ ಜಿಲ್ಲೆಯ ಲಕ್ಕುಂಡಿ ಸಮೀಪದ – ತಿಮ್ಮಾಪುರದ 850 ಮಹಿಳೆಯರು ಸ್ವಯಂ ನಿರ್ಧಾರ ಮಾಡಿ ಒಟ್ಟು ₹17 ಲಕ್ಷ ರೂಪಾಯಿಯನ್ನು ಎಲ್ಲಮ್ಮ ದೇವಿಯ ಪದತಲದಡಿ ಅರ್ಪಿಸಿದ್ದಾರೆ ! /Grihalakshmi – 850 women from Thimmapur donate ₹17 lakh! To Yallama temple Gadaga

ಇಂತಹುದೊಂದು ಅಭೂತಪೂರ್ವ ಘಟನೆ ಗದಗ ಜಿಲ್ಲೆಯ ಲಕ್ಕುಂಡಿ ಸಮೀಪದ ತಿಮ್ಮಾಪುರ ಗ್ರಾಮದ ಸುಮಾರು 850 ಮಹಿಳೆಯರ ಸ್ವಯಂ ನಿರ್ಧಾರದಿಂದ ನಡೆದಿದೆ.

ಆ ಮಹಿಳೆಯರು ಯಾರ ಒತ್ತಡಕ್ಕೂ ಒಳಗಾಗದೆ ತಮ್ಮೊಳಗೆ ತಾವು ನಿರ್ಧರಿಸಿಕೊಂಡು ಆ ಊರಿನ ಗ್ರಹಲಕ್ಷ್ಮಿ ಯೋಜನೆಯ ಬಹುತೇಕ 850 ಫಲಾನುಭವಿಗಳು ಒಟ್ಟಾಗಿ ತಮ್ಮ ಒಂದು ತಿಂಗಳ ಯೋಜನೆಯ ಹಣವನ್ನು ಎಲ್ಲಮ್ಮ ದೇವಿಯ ಕಟ್ಟಡ ನಿರ್ಮಾಣಕ್ಕೆ ದೇಣಿಗೆಯಾಗಿ ನೀಡಲು ನಿರ್ಧರಿಸಿದರು ಹಾಗೂ ಅದರಂತೆಯೇ ನಡೆದುಕೊಂಡರು. ಆ ಎಲ್ಲಾ 850 ಮಹಿಳೆಯರ ಒಂದು ತಿಂಗಳ ಗ್ರಹಲಕ್ಷ್ಮಿ ಯೋಜನೆಯ ಮೊತ್ತ ₹17 ಲಕ್ಷ ಆಗುತ್ತದೆ. ಅದನ್ನು Yellamma Templeಗೆ ದೇಣಿಗೆಯಾಗಿ ನೀಡಿದ್ದಾರೆ. ಸರ್ಕಾರ ನೀಡಿದ ಸಹಾಯ ನಮ್ಮ ಕುಟುಂಬದ ನೆರವಿಗೆ. ಅದರಲ್ಲಿ ಒಂದು ಭಾಗವನ್ನು ದೇವಿಗೆ ಅರ್ಪಿಸೋಣ” ಎಂಬ ಆಲೋಚನೆ ಗ್ರಾಮದಲ್ಲಿ ಒಗ್ಗಟ್ಟಿನ ಸಂಕಲ್ಪವಾಗಿ ರೂಪುಗೊಂಡಿತು.
ಭಕ್ತಿ ಮತ್ತು ಏಕತೆಯ ಮೇಳೈಸಿತು.

ಇತಿಹಾಸ ಪ್ರಸಿದ್ಧ ಯಲ್ಲಮ್ಮ ದೇವಿಯ ಮೇಲಿನ ಭಕ್ತಿಯೇ ಈ ಕಾರ್ಯಕ್ಕೆ ಮೂಲ ಪ್ರೇರಣೆ. ದೇವಾಲಯದ ಅಭಿವೃದ್ಧಿ ಮತ್ತು ಧಾರ್ಮಿಕ ಕಾರ್ಯಗಳಿಗೆ ನೆರವಾಗಬೇಕು ಎಂಬ ಮನೋಭಾವದಿಂದ ತಿಮ್ಮಾಪುರದ ಮಹಿಳೆಯರು ಈ ದೇಣಿಗೆಯನ್ನು ಸಮರ್ಪಿಸಿದ್ದಾರೆ.

ಗ್ರಾಮೀಣ ಮಹಿಳೆಯರ ಸಂಘಟನಾ ಶಕ್ತಿ ಹಾಗೂ ಸಮಾಜಮುಖಿ ಮನೋಭಾವ ಈ ಘಟನೆಯ ಮೂಲಕ ಸ್ಪಷ್ಟವಾಗಿದೆ.

ಸರ್ಕಾರದ ಯೋಜನೆಗಳನ್ನು ಜವಾಬ್ದಾರಿಯಿಂದ ಬಳಸುವ ಮೂಲಕ ಈ ಮಹಿಳೆಯರು ಮಾದರಿಯಾಗಿ ಕಾಣುತ್ತಾರೆ. ಮಹಿಳಾ ಸಬಲೀಕರಣದ ನಿಜವಾದ ಶಕ್ತಿಗೆ ಸಾಕ್ಷಿಯಾಗುತ್ತಲೇ, ಭಕ್ತಿ ಮತ್ತು ಸಮಾಜಮುಖಿ ಚಿಂತನೆಯ ಸಂಯೋಜನೆ ಅದ್ಭುತವಾಗಿ ಗೋಚರಿಸುತ್ತದೆ. ಬಹಳ ಮುಖ್ಯವಾಗಿ ಗ್ರಾಮೀಣ ಮಟ್ಟದಲ್ಲಿನ ಮಹಿಳೆಯರ ಏಕತೆಯ ಈ ಶಕ್ತಿಯು ರಾಜ್ಯದ ಇತರ ಮಹಿಳೆಯರಿಗೆಷ್ಟೇ ಅಲ್ಲ ಪುರುಷರಿಗೂ ಮಾದರಿ ಎನಿಸುವಂತಿದೆ.

ತಿಮ್ಮಾಪುರದ ಈ 850 ಮಹಿಳೆಯರ ಮಹಾಸಂಕಲ್ಪ ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ.
ಒಬ್ಬಳ ಗ್ರಾಹಲಕ್ಷ್ಮಿಯ 2000ರೂ ಚಿಕ್ಕದಾಗಿ ಕಾಣಬಹುದು, ಆದರೆ 850 ಮಹಿಳೆಯರ ಒಗ್ಗಟ್ಟಿನ ಸಂಕಲ್ಪ ದಿಂದಾಗಿ ಅದು 17 ಲಕ್ಷ ರೂಪಾಯಿಗಳ ಮಹಾಸಾಗರವಾಗಿ ಪರಿವರ್ತಿತವಾಗಿದೆ! ಇದು ಕೇವಲ ಹಣದ ಸಂಗ್ರಹವಲ್ಲ, ಇದು ಮಹಿಳಾ ಶಕ್ತಿ, ಆತ್ಮವಿಶ್ವಾಸ ಮತ್ತು ಸಂಘಟನೆಯ ಸಂಕೇತವಾಗಿದೆ. ಯಲ್ಲಮ್ಮ ದೇವಸ್ಥಾನದ ಅಭಿವೃದ್ಧಿ ಮತ್ತು ಧಾರ್ಮಿಕ ಕಾರ್ಯಗಳಿಗಾಗಿ ಮಹಿಳೆಯರು Gruha Lakshmi ಯೋಜನೆಯ ಅಡಿಯಲ್ಲಿ ರಾಜ್ಯ ಸರ್ಕಾರ ನೀಡುತ್ತಿರುವ ಮಾಸಿಕ ನೆರವು 2000ರೂ ಹಣವನ್ನು ಭಕ್ತಿಭಾವದಿಂದ ಮತ್ತು ದೇವಿಯ ಆಶೀರ್ವಾದಕ್ಕಾಗಿ ಈ ದೇಣಿಗೆಯನ್ನು ನೀಡಿದರು. ಮಹಿಳೆಯರು “ಈ ಹಣ ನಮ್ಮ ಮನೆಗೆ ಸರ್ಕಾರ ನೀಡಿದ ನೆರವು, ಅದರಲ್ಲಿ ಒಂದು ತಿಂಗಳ ನೆರವನ್ನು ದೇವಿಗೆ ಅರ್ಪಿಸುತ್ತೇವೆ” ಎಂದು ಹೇಳಿದ್ದಾರೆ

ತಿಮ್ಮಾಪುರ ಗ್ರಾಮದ ಮಹಿಳೆಯರು ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಕೊಡುಗೆ ನೀಡಿ, “ನಾವು ಒಂದಾದರೆ ಅಸಾಧ್ಯವೆಂಬುದೇ ಇಲ್ಲ” ಎಂಬ ಸಂದೇಶವನ್ನು ಘೋಷಿಸಿದ್ದಾರೆ.
ಸಾಮಾನ್ಯವಾಗಿ “ಏಕತೆ” ಎಂಬ ಪದವನ್ನು ನಾವು ಕೇಳುತ್ತೇವೆ. ಆದರೆ ಅದನ್ನು ಕೃತ್ಯದಲ್ಲಿ ತೋರಿಸಿದರೆ ಅದು ಇತಿಹಾಸವಾಗುತ್ತದೆ. ಇಂತಹ ಇತಿಹಾಸವನ್ನು ನಿರ್ಮಿಸಿರುವುದು ತಿಮ್ಮಾಪುರದ ಹೆಮ್ಮೆಯ ಮಹಿಳೆಯರು ಅನ್ನಬಹುದು.