ಕಳೆದ 10 ದಿನದಿಂದ ನಡೆಯುತ್ತಿರುವ ವಿದ್ಯಮಾನಗಳು ಇಡೀ ಜಗತ್ತು ನೋಡುತ್ತಿದೆ. ಅಮೇರಿಕಾ ಹಾಗೂ ಇಸ್ರೇಲ್ ಪ್ರತಿಷ್ಠೆಗಾಗಿ ಇರಾನ್ ಮೇಲೆ ಕಾಲು ಕೆರೆದುಕೊಂಡು ದಾಳಿ ಮಾಡಿದ್ದು ಜಗತ್ ಜಾಹಿರಾಗಿದೆ. ಅದರ ಪರಿಣಾಮ ಇರಾನಿನಲ್ಲಿ ಮಕ್ಕಳು ಹೆಂಗಸರು ಎನ್ನದೆ ಸಾಮಾನ್ಯ ಜನರು ದೊಡ್ಡ ಪ್ರಮಾಣದಲ್ಲಿ ಹತರಾಗಿದ್ದಾರೆ. ಹಾಗೆಯೇ ಮಧ್ಯಪ್ರಾಚ್ಚದ ದೇಶಗಳ ಮೇಲೆ ಇರಾನ್ ಪ್ರತಿಕಾರದ ದಾಳಿ ಮಾಡಿದ್ದರಿಂದ ಅಲ್ಲಿಯೂ ಅಮಾಯಕರು ಸಂಕಷ್ಟಕ್ಕೆ ಸಿಲುಕಿದ್ದರು. ಇಷ್ಟು ದಿನಗಳ ಕಾಲ ವಿಶ್ವ ಸಂಸ್ಥೆಯು ಅಸ್ತಿತ್ವದಲ್ಲಿ ಇದೆಯೋ ಇಲ್ಲವೋ ಅನ್ನೋದೇ ಗೊತ್ತಿರಲಿಲ್ಲ. ಅಷ್ಟು ಸೈಲೆಂಟಾಗಿತ್ತು ಈ ಸಂಸ್ಥೆ. ಅಂತಹ ವಿಶ್ವ ಸಂಸ್ಥೆ ಈಗ ನಾನಿದ್ದೇನೆ ಎಂದು ತೋರ್ಪಡಿಸಿದೆ. ಅದರ ತೋರ್ಪಡಿಸುವಿಕೆ ಒನ್ ಸೈಡೆಡ್ ರೀತಿಯಲ್ಲಿದೆ.

ಬೆಹರೆನ್, ಸೌದಿ,ಓಮನ್, ಕತಾರ್, ಜೋರ್ಡಾನ್ ಸೇರಿದಂತೆ ಸುತ್ತಮುತ್ತಲಿನ ರಾಷ್ಟ್ರದ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸುತ್ತಿರುವುದು ಅಕ್ಷಮ್ಯ ಹಾಗೂ ವಾಣಿಜ್ಯ ಹಡಗುಗಳು ಸಂಚರಿಸುವ ಹರ್ಮುಜ್ ಜಲಸಂದಿಯನ್ನು ಮುಚ್ಚಿರುವುದು ಕಾನೂನಿನ ವಿರುದ್ಧ ಆಗಿದೆ. ತಕ್ಷಣವೇ ಇರಾನ್ ಈ ಜಲಸಂಧಿಯನ್ನು ಅಂತರರಾಷ್ಟ್ರೀಯ ಸಂಚಾರಕ್ಕೆ ಮುಕ್ತ ಮಾಡಬೇಕು ಎಂಬ ಖಡಕ್ ಸಂದೇಶ ನೀಡಿದೆ.

Also Read ಅಂಡಮಾನ್ ಜೈಲಿನ ಕರಾಳ ಕೋಣೆಯಿಂದ ಹೊರಬರಲಿದೆ ಕರ್ನಾಟಕದ 59 ರಕ್ತೇತಿಹಾಸ'ಯಾರೂ ಅರಿಯದ ವೀರರು' …!

ವಿಶ್ವಸಂಸ್ಥೆಯಲ್ಲಿ ನಡೆದ ಆ ಸಭೆಯಲ್ಲಿ, ನೆರಾನೇರವಾಗಿ ಅಮೆರಿಕನ್ ಪರ ನಿರ್ಣಯ ತೆಗೆದುಕೊಳ್ಳಲಾಗಿರುವುದು ವಿಶ್ವಸಂಸ್ಥೆಯ ದ್ವಂದ್ವನಿಲುವಿಗೆ ಕನ್ನಡಿಯಾಗಿ ಕಾಣಿಸುತ್ತಿದೆ.

ಇರಾನ್ ಸರ್ಕಾರದ ಆಡಳಿತವು ಆಂತರಿಕವಾಗಿ ಹೇಗೆ ಇರಲಿ , ಅದನ್ನು ಆ ನಾಡಿನ ನಾಗರಿಕರಿಗೆ ಬಿಟ್ಟುಬಿಡಬೇಕು. ಅದರ ಮಧ್ಯೆ ಅಮೆರಿಕ ಇರಲಿ ಅಥವಾ ಇನ್ಯಾವುದೇ ದೇಶವಿರಲಿ ಹಸ್ತಕ್ಷೇಪ ಮಾಡುವುದು ಅಂತರಾಷ್ಟ್ರೀಯ ಕಾನೂನಿಗೆ ವಿರುದ್ಧವಾಗುತ್ತದೆ.

ಈಗ ಭಾರತ ಮತ್ತು ಪಾಕಿಸ್ತಾನದ ನಡುವೆ ಸಾಕಷ್ಟು ವ್ಯತ್ಯಾಸಗಳಿವೆ. ಕಾಶ್ಮೀರದ ವಿಚಾರವಾಗಿ ಕಳೆದ ಆರೇಳು ದಶಕದಿಂದ ನಿರಂತರವಾಗಿ ಪಾಕಿಸ್ಥಾನವು ಭಾರತದ ವಿರುದ್ಧ ಷಡ್ಯಂತ್ರ ಮಾಡಿಕೊಂಡು ಬರುತ್ತಿರುತ್ತಿದೆ. ಈ ಕಾರಣಕ್ಕೆ ಪಾಕಿಸ್ತಾನದ ಮೇಲೆ ಭಾರತವು ಅಮೆರಿಕ ಹಾಗೂ ಇಸ್ರೇಲ್ ಮಾದರಿಯಲ್ಲೇ ದಾಳಿ ಮಾಡಿದರೆ, ಇದೇ ವಿಶ್ವಸಂಸ್ಥೆ ಹಾಗೂ ಜಗತ್ತಿನ ಇತರ ದೇಶಗಳು ಒಪ್ಪುತ್ತವೆಯೇ? ಇಂತಹದೊಂದು ಪ್ರಶ್ನೆಯನ್ನು ಜಗತ್ತಿನ ಯಾವ ರಾಷ್ಟ್ರದವರೂ ವಿಶ್ವಸಂಸ್ಥೆಯ ಆ ಸಭೆಯಲ್ಲಿ ಪ್ರಶ್ನಿಸದಿರುವುದನ್ನು ಕಾಣಬಹುದು. ಇಲ್ಲಿ ವಿಶ್ವಸಂಸ್ಥೆ ಯಾರದೊ ಇಂಪ್ಲಯೇನ್ಸ್, ಅಥವಾ ಯಾವುದೋ ಶಕ್ತಿಯ ಇಶಾರೆಯಂತೆ ಕೆಲಸ ಮಾಡುತ್ತಿದೆ ಅಂತ ಮೇಲ್ನೋಟಕ್ಕೆ ತೋರಿಸುತ್ತದೆ.

Also Read 2028ರ ಬಳಿಕವೂ ಡಿಕೆಶಿ ಕುರ್ಚಿ ಫಿಕ್ಸ್? ಶ್ರೀಗಳ ಭವಿಷ್ಯವಾಣಿ ವೈರಲ್!8–10 ವರ್ಷ ಸಿಎಂ ಪಟ್ಟ?

ಅಮೇರಿಕಾ ಜಗತ್ತಿನ ಎಲ್ಲಾ ರಾಷ್ಟ್ರಗಳಲ್ಲಿ ಸವಾರಿ ಮಾಡಲು ಬಯಸುತ್ತಿದೆ. ಜಗತ್ತಿನ ಎಲ್ಲಾ ಕೆಟ್ಟ ದುದರ ಹಿಂದೆ ಅಮೇರಿಕಾದ ಕೈ ಇದ್ದೇ ಇದೆ. ಹಾಗೆಯೇ ಒಳ್ಳೆಯ ಮುಖವಾಡ ಗೊತ್ತು ಕೆಟ್ಟದು ದರ ಮುಂದೆ ನಿಲ್ಲುವ ಪ್ರಯತ್ನದಲ್ಲೂ ಅಮೆರಿಕ ಮುಂದಿರುತ್ತದೆ. ಈ ರೀತಿಯ ಡಬಲ್ ಸ್ಟಾಂಡ್ ನಡೆಯ ಮೂಲಕ ಜಗತ್ತಿನಲ್ಲಿ ತನ್ನದೇ ಆದ ಆಟವಾಡುತ್ತಿರುವ ದೇಶ ಅಮೆರಿಕ ಒಂದೇ. ವಿಶ್ವಸಂಸ್ಥೆಯು ಅದೇ ಅಮೇರಿಕಾಕ್ಕೇ ಶರಣಾದಂತಿದೆ. ಹಾಗಾಗಿಯೇ, ಈ ಎಂಟತ್ತು ದಿನ ಒಂದೇ ಒಂದು ಮಾತು ಆಡದಿರುವುದನ್ನು ನಾವು ನೋಡಿದ್ದೇವೆ. ಈಗ ಅಮೆರಿಕಾದ ತಲೆಗೆ ಇದರ ಬಿಸಿ ತಟ್ಟಲು ಪ್ರಾರಂಭವಾಗುತ್ತಿದ್ದಂತೆಯೇ, ವಿಶ್ವ ಸಂಸ್ಥೆಯು ಸಭೆಯನ್ನು ಮಾಡುತ್ತದೆ. ಸ್ಟೇಟ್ಮೆಂಟ್ ಅನ್ನು ನೀಡುತ್ತದೆ.

-ದತ್ತು

Also Read ತನ್ನ ಹಾಗೂ ನಾದಿನಿಯ ಮೂರುವರೇ ವರ್ಷದ ಮಕ್ಕಳನ್ನು ಬಾವಿಗೆ ಎಸೆದ ತಾಯಿ…!