ಅಬ್ಬಬ್ಬಾ ಅಂದ್ರೆ ತಿಂಗಳಿಗೆ ಕೇವಲ 10-15 ಸಾವಿರ ಸಂಪಾದಿಸುವ ರಾಪಿಡೊ ಚಾಲಕ ಪ್ರದೀಪ್ ಓಡೆ ಎಂಬುವರ ಬ್ಯಾಂಕ್ ಖಾತೆಯಲ್ಲಿ 300 ಕೋಟಿ ರೂ.ಗೂ ಹೆಚ್ಚು ವಹಿವಾಟು ನಡೆದಿರುವುದು ನೋಡಿ ED ಶಾಕ್..!
ಇದೊಂದು ಹವಾಲಾ ಮತ್ತು ನಕಲಿ ಬ್ಯಾಂಕ್ ವಹಿವಾಟು ದಂಧೆ ..

ಈ ಬಗ್ಗೆ ರ್ಯಾಪಿಡೋ ಚಾಲಕನನ್ನು ವಿಚಾರಿಸಿದಾಗ, ‘ನನ್ನ ಬ್ಯಾಂಕ್ ಖಾತೆಯನ್ನು ಕಿರಣ್ ಪರ್ಮಾರ್ ಲಾಲಾ ಅವರಿಗೆ 25 ಸಾವಿರ ರೂ.ಗೆ ಬಾಡಿಗೆಗೆ ನೀಡಿದ್ದೇನೆ,” ಎಂದು ಹೇಳಿದ್ದಾನೆ. ಪ್ರತಿ ಚೆಕ್‌ ಗೆ ಸಹಿ ಹಾಕಲು ಆತನಿಗೆ 400 ರೂ. ನೀಡಲಾಗುತ್ತಿತ್ತು…!

ಅಹಮದಾಬಾದ್ ನಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ಮತ್ತು ಅಕ್ರಮ ಷೇರು ಮಾರುಕಟ್ಟೆ ಚಟುವಟಿಕೆಗಳ ಜಾಲವೊಂದು ಬಯಲಿಗೆ ಬಂದಿದ್ದು ತನಿಖೆಯ ಸಮಯದಲ್ಲಿ 550 ಕೋಟಿ ರೂ. ಪತ್ತೆಯಾಗಿದೆ. ಪ್ರಕರಣವನ್ನು ಪತ್ತೆಹಚ್ಚಿರುವ ಜಾರಿ ನಿರ್ದೇಶನಾಲಯದ (ಇ.ಡಿ.) ಸಹಾಯಕ ನಿರ್ದೇಶಕರು ಅಹಮದಾಬಾದ್ ಅಪರಾಧ ಶಾಖೆಗೆ ದೂರು ನೀಡಿದ್ದಾರೆ. ಕ್ರಿಕೆಟ್ ಬೆಟ್ಟಿಂಗ್ ಪ್ರಕರಣಗಳು ಮತ್ತು ಷೇರು ಮಾರುಕಟ್ಟೆ ಹಣಕ್ಕೆ ಸಂಬಂಧಿಸಿದ ವಹಿವಾಟು ನಡೆಸಲು ಈ ಖಾತೆಯನ್ನು ಬಾಡಿಗೆಗೆ ಪಡೆಯಲಾಗಿತ್ತು.

Also Read ರಾಮ ಮಂದಿರ ಟ್ರಸ್ಟ್‌ಗೆ ಸರ್ಕಾರದ ನಿಯಂತ್ರಣವೇ ಇಲ್ಲ! ಆರ್‌ಟಿಐಗೂ ಬಾಧ್ಯತೆ ಇಲ್ಲ ಎಂದ ಸಿಐಸಿ

ಪ್ರದೀಪ್ ಅವರ ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡ್ ಬಳಸಿ ಪ್ರದೀಪ್ ಎಂಟರ್‌ ಪೈಸಸ್ ಎಂಬ ಸಂಸ್ಥೆಯನ್ನು ಸ್ಥಾಪಿಸಲಾಗಿದೆ. ಕಮಲೇಶ್ ಟ್ರೇಡಿಂಗ್ ಮತ್ತು ರೋನಕ್ ಟ್ರೇಡರ್ಸ್ ಎಂಬ ಎರಡು ಸುಳ್ಳು ಕಂಪನಿಗಳನ್ನು ಸಹ ಪ್ರಾರಂಭಿಸಲಾಗಿದೆ. 2024ರಲ್ಲಿ ತೆರೆಯಲಾದ ಈ ಖಾತೆಗಳಲ್ಲಿ ಒಟ್ಟು 550 ಕೋಟಿ ರೂ ವಹಿವಾಟು ನಡೆದಿರುವುದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.