ಇದು ನಡೆದದ್ದು ಕರಾವಳಿಯಲ್ಲಲ್ಲ. ಕಲ್ಯಾಣ ಕರ್ನಾಟಕದಲ್ಲಿ ನಡೆದಂತಹ ಪ್ರಕರಣವಿದು. ಅವಳು ಮುಸ್ಲಿಂ ಸಂಪ್ರದಾಯದಂತೆ ಬೆಳೆದು ಬಂದ ಹುಡುಗಿಯಾಗಿದ್ದರೆ ಈತ ಹಿಂದೂ ಸಂಪ್ರದಾಯದಲ್ಲಿ ಬೆಳೆದು ಬಂದ ಹುಡುಗ. ಅವರಿಬ್ಬರ ನಡುವಿನ ಪ್ರೇಮ್ ಕಹಾನಿ ಧರ್ಮವನ್ನು ಮೀರಿ ನಿಂತಿತು. ಜಾತಿಯ ಬೇಲಿ ದಾಟಿ ಒಂದಾದರು. ಆದರೆ ಈಗ ಅವರಿಬ್ಬರ ಮನಸ್ಸಿನ ಮಾತಿಗೆ ವಿರುದ್ಧವಾಗಿ ನಡೆದುಕೊಳ್ಳುತ್ತಿದ್ದಾರೆ ಧರ್ಮದ ಅಂಧಕಾರಕ್ಕೆ ತುತ್ತಾದವರು. ಶತಾಯಗತಾಯ ಅವರಿಬ್ಬರನ್ನು ಬೇರೆ ಮಾಡುವ ಪ್ರಯತ್ನ ನಡೆಸಿದ್ದಾರೆ.

ಅವನ ಹೆಸರು ಕೇಶವ, ಕೊಪ್ಪಳ ಜಿಲ್ಲೆಯ ಕನಕಗಿರಿ ತಾಲೂಕಿನ ಹುಲಿಹೈದರ ಗ್ರಾಮದ ನಿವಾಸಿ. ಅವಳೂ ಸಹ ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಸುಳೇಕಲ್ ಗ್ರಾಮದ ಹೆಣ್ಣು ಮಗಳು. ಕಟ್ಟರ್ ಮುಸ್ಲಿಂ ಸಂಪ್ರದಾಯಸ್ಥ ಮನೆತನದ ಹುಡುಗಿ ಅವಳು. ಇವತ್ತು ಅವರಿಬ್ಬರೇ ಕನಕಗಿರಿಯ ಶ್ರೀ ಲಕ್ಷ್ಮಿ ದೇವಿಯ ದೇವಸ್ಥಾನದಲ್ಲಿ ದೇವಿಯ ಸನ್ನಿಧಿಯಲ್ಲಿ ಅರಿಶಿನ ಕೊಂಬನ್ನು ಕಟ್ಟಿಸಿಕೊಳ್ಳುವ ಮೂಲಕ ತಸ್ಲೀಮಾ ಕೇಶವನ ಸಂಗಾತಿಯಾಗಿದ್ದಾಳೆ.

ಇವರಿಬ್ಬರ ನಡುವಿನ ಪ್ರೇಮ ಕಹಾನಿ ನಾಲ್ಕು ದಿನದ ಹಿಂದಿನದ್ದಲ್ಲ ಬರೋಬ್ಬರಿ ಎರಡು ವರ್ಷದಿಂದ ನಡಿತಾ ಇರುವಂತಹ ಸಂಬಂಧವದು. ಇಬ್ಬರೂ ಕಾಲೇಜಿಗೆ ಹೋಗುತ್ತಿರುವಾಗ ಬಸ್ಸಿನಲ್ಲಿ ಕಣ್ಣು ಕಣ್ಣು ಬೆರೆತಾಗ ಆದ ಪರಿಚಯ, ಇವತ್ತು ದಾಂಪತ್ಯದವರೆಗೆ ಬಂದು ನಿಂತಿದೆ. ಎರಡು ವರ್ಷದ ಪ್ರೇಮವು ಒಡೆದು ಹೋಗುವ ಭಯದಲ್ಲಿ, ಪ್ರೇಮಿಗಳಿಬ್ಬರೂ ಮದುವೆಯಾಗುವ ಘಟ್ಟಿ ನಿರ್ಧಾರ ಮಾಡಿದ್ದಾರೆ.

ಹೌದು, ತಸ್ಲಿಮಾಳ ಮನೆಯಲ್ಲಿ, ಅವಳಿಗೆ ಮದುವೆ ಮಾಡಲು ಹುಡುಗನ ಹುಡುಕಲು ಪ್ರಾರಂಭಿಸಿದರು. ಆಗ ಭಯಕ್ಕೆ ಬಿದ್ದ ತಸ್ಲೀಮ್, ಕೇಶವದಲ್ಲಿ ತಕ್ಷಣವೇ ಮದುವೆಯಾಗಲು ದುಂಬಾಲು ಬೀಳುತ್ತಾಳೆ. ಯಾವುದೇ ಕಾರಣಕ್ಕೂ ಇನ್ನೊಬ್ಬನ ಹೆಂಡತಿ ಆಗಲು ಅವಳು ಸಿದ್ದಲಿರಲಿಲ್ಲ. ಅಷ್ಟೇ ಅಲ್ಲ, ಧರ್ಮದ ಕಟ್ಟುಪಾಡು ಮತ್ತು ಆಚಾರ ವಿಚಾರಗಳನ್ನ ಬದಲಾಯಿಸಿಕೊಳ್ಳಲು ಅವಳು ರೆಡಿ ಇದ್ದಳು. ಅದಕ್ಕೆಲ್ಲ ಸಿದ್ದಳಾಗಿಯೇ ಕೇಶವನ ಜೊತೆಗೆ ಹೆಜ್ಜೆ ಹಾಕಿಯೇ ಬಿಟ್ಟಳು.

ಮದುವೆಯ ಸಂದರ್ಭದಲ್ಲಿ ಹುಡುಗಿಯ ಸಂಬಂಧಿಕರು ಯಾರು ಇರಲಿಲ್ಲ. ಹುಡುಗನ ಸಂಬಂಧಿಕರು ಕೆಲವರು ಭಾಗಿಯಾಗಿದ್ದರು. ಹಾಗೆ ಮದುವೆ ಮುಗಿಯುತ್ತಿದ್ದಂತೆಯೇ ತಮ್ಮ ವಕೀಲರ ಜೊತೆ ಸೀದಾ ಕೊಪ್ಪಳ ಜಿಲ್ಲಾ ಎಸ್ ಪಿ ಅವರನ್ನು ನವದಂಪತಿಗಳು ಭೇಟಿಯಾಗುತ್ತಾರೆ. ನಾವಿಬ್ಬರೂ ವಯಸ್ಕರರಾಗಿದ್ದೇವೆ. ಇಬ್ಬರು ಮನಪೂರ್ವಕವಾಗಿ ಇಷ್ಟಪಟ್ಟು ಮದುವೆಯಾಗಿದ್ದೇವೆ ಕೂಡ. ಮದುವೆಗೆ ಕೆಲವರು ವಿರೋಧ ಮಾಡುತ್ತಿದ್ದಾರೆ. ಬೆದರಿಕೆ ಹಾಕುತ್ತಿದ್ದಾರೆ. ನಾವಿಬ್ಬರು ಭಯಮುಕ್ತವಾಗಿ ಜೀವನ ನಡೆಸಲು ಅವಕಾಶ ಮಾಡಿಕೊಡುವಂತಹ ವಾತಾವರಣವನ್ನ ಕ್ರಿಯೇಟ್ ಮಾಡಿಕೊಡಿ, ನಮಗೆ ರಕ್ಷಣೆ ಕೊಡಿ ಎಂದು ಅಧಿಕೃತವಾಗಿಯೇ ಮನವಿ ಮಾಡಿಕೊಂಡಿದ್ದಾರೆ. ಕೊಪ್ಪಳ ಜಿಲ್ಲಾ ಎಸ್ ಪಿ ಅವರು ಅವರ ಮನವಿಯನ್ನು ಪುರಸ್ಕರಿಸಿದ್ದು ಸಂಬಂಧಪಟ್ಟ ಪೊಲೀಸ್ ಠಾಣೆಯ ಮೂಲಕ ಯಾರೆಲ್ಲಾ ಬೆದರಿಕೆ ಹಾಕುತ್ತಾರೋ ಅವರಿಗೆ ಎಚ್ಚರಿಕೆ ಕೊಡುವ ಮೂಲಕ ನವ ದಂಪತಿಗಳಿಗೆ ಶುಭ ಕೋರಿದರು ಎನ್ನಲಾಗಿದೆ.