ಮಧ್ಯಪ್ರಾಚ್ಯದಲ್ಲಿ ಹೆಚ್ಚುತ್ತಿರುವ ಯುದ್ಧ ಉದ್ವಿಗ್ನತೆಯ ನಡುವೆಯೇ ಇರಾನ್ ಬೆಂಬಲಿತ ದಾಳಿ ಒಂದು ಅಂತರರಾಷ್ಟ್ರೀಯ ತೈಲ ಟ್ಯಾಂಕರ್ ಮೇಲೆ ನಡೆದಿದ್ದು, ಈ ಘಟನೆಯಲ್ಲಿ ಒಬ್ಬ ಭಾರತೀಯ ನಾವಿಕ ಮೃತಪಟ್ಟಿರುವುದು ತಿಳಿದುಬಂದಿದೆ. “Safesea Vishnu” ಎಂಬ ತೈಲ ಟ್ಯಾಂಕರ್ ಮೇಲೆ ಇರಾಕ್ ಸಮುದ್ರ ಪ್ರದೇಶದಲ್ಲಿ ಈ ದಾಳಿ ನಡೆದಿದ್ದು, ಜಾಗತಿಕ ಮಟ್ಟದಲ್ಲಿ ಆತಂಕ ಉಂಟುಮಾಡಿದೆ.
ಮಧ್ಯಪ್ರಾಚ್ಯದ ಸಮುದ್ರ ಮಾರ್ಗದಲ್ಲಿ ಹಲವಾರು ಹಡಗುಗಳು ದಾಳಿಗೆ ಒಳಗಾಗಿ ಭಾರೀ ಆತಂಕ ಉಂಟಾಗಿದೆ. ದಾಳಿಗೊಳಗಾದ ಪ್ರದೇಶವು ಇರಾಕ್‌ನ territorial waters ಒಳಗೆ ಬರುತ್ತದೆ. ವಿಶೇಷವಾಗಿ ಪರ್ಷಿಯನ್ ಗಲ್ಫ್ ಮತ್ತು Hormuz Strait ನಲ್ಲಿ ಸಾಗುವ ಹಡಗುಗಳನ್ನು ಗುರಿಯಾಗಿಸುತ್ತಿದೆ. ಎರಡು ಹಡಗುಗಳಿಗೂ ಬೆಂಕಿ ಕಾಣಿಸಿಕೊಂಡಿದ್ದು ಸಮುದ್ರದಲ್ಲಿ ಎಣ್ಣೆ ಸೋರಿಕೆ ಸಂಭವಿಸಿದೆ ಎಂದು ವರದಿಗಳು ಹೇಳುತ್ತವೆ.ದಾಳಿಗೊಳಗಾದ ಹಡಗಿನಲ್ಲಿ ಒಟ್ಟು ಸುಮಾರು 28 ಸಿಬ್ಬಂದಿ ಇದ್ದರು. ಅಮೇರಿಕಾ ಕಂಪನಿಗೆ ಸೇರಿದ “Safesea Vishnu” ಎಂಬ ಕ್ರೂಡ್ ಆಯಿಲ್ ಟ್ಯಾಂಕರ್ ಇದಾಗಿದೆ.

ಮಾರ್ಚ್ 11ರ ರಾತ್ರಿ ಇರಾಕ್‌ನ ದಕ್ಷಿಣ ಭಾಗದಲ್ಲಿರುವ ಖೋರ್ ಅಲ್ ಜುಬೈರ್ (Khor Al Zubair) ಬಂದರು ಸಮೀಪದ ಸಮುದ್ರ ಪ್ರದೇಶದಲ್ಲಿ ಈ ಘಟನೆ ಸಂಭವಿಸಿದೆ. ಈ ಪ್ರದೇಶ ಇರಾಕ್‌ನ ಪ್ರಾದೇಶಿಕ ಸಮುದ್ರ ವ್ಯಾಪ್ತಿಗೆ ಸೇರಿದ್ದು, ಅಲ್ಲಿ ಸಂಚರಿಸುತ್ತಿದ್ದ ತೈಲ ಟ್ಯಾಂಕರ್ ಅನ್ನು ಗುರಿಯಾಗಿಸಿ ದಾಳಿ ನಡೆಸಲಾಗಿದೆ.

“Safesea Vishnu” ಎಂಬ ಈ ತೈಲ ಟ್ಯಾಂಕರ್ ಅಮೆರಿಕದ ಕಂಪನಿಗೆ ಸೇರಿದ್ದು, ಮಾರ್ಶಲ್ ದ್ವೀಪಗಳ ಧ್ವಜದಡಿ ಕಾರ್ಯನಿರ್ವಹಿಸುತ್ತಿತ್ತು. ಹಡಗಿನಲ್ಲಿ ಒಟ್ಟು ಸುಮಾರು 28 ಮಂದಿ ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದರು. ಹಡಗು ಕಚ್ಚಾ ತೈಲ ಸಾಗಣೆ ಕಾರ್ಯದಲ್ಲಿ ತೊಡಗಿಸಿಕೊಂಡಿತ್ತು.

ದಾಳಿ ಹೇಗೆ ನಡೆಯಿತು?
ವರದಿಗಳ ಪ್ರಕಾರ ಸ್ಫೋಟಕಗಳಿಂದ ತುಂಬಿದ “ಆತ್ಮಹತ್ಯಾ ದೋಣಿ” (suicide boat) ಹಡಗಿಗೆ ಡಿಕ್ಕಿ ಹೊಡೆದಿದ್ದು, ಅದರಿಂದ ಭಾರೀ ಸ್ಫೋಟ ಸಂಭವಿಸಿದೆ. ಸ್ಫೋಟದ ನಂತರ ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಸಿಬ್ಬಂದಿ ತುರ್ತು ಪರಿಸ್ಥಿತಿಯಲ್ಲಿ ರಕ್ಷಣಾ ಕ್ರಮ ಕೈಗೊಂಡರು.

ಈ ದಾಳಿಯಲ್ಲಿ ಹಡಗಿನಲ್ಲಿ ಕೆಲಸ ಮಾಡುತ್ತಿದ್ದ ಒಬ್ಬ ಭಾರತೀಯ ನಾವಿಕ ಮೃತಪಟ್ಟಿದ್ದಾರೆ. ಉಳಿದ ಸಿಬ್ಬಂದಿಯನ್ನು ಸುರಕ್ಷಿತವಾಗಿ ರಕ್ಷಿಸಿ ಇರಾಕ್‌ನ ಬಸ್ರಾ ನಗರಕ್ಕೆ ಸ್ಥಳಾಂತರಿಸಲಾಗಿದೆ. ಮೃತ ವ್ಯಕ್ತಿಯ ಹೆಸರು ಮತ್ತು ರಾಜ್ಯದ ವಿವರವನ್ನು ಇನ್ನೂ ಅಧಿಕೃತವಾಗಿ ಪ್ರಕಟಿಸಿಲ್ಲ.

ಮತ್ತೊಂದು ಹಡಗು ಮೇಲೂ ದಾಳಿ
ಈ ಘಟನೆ ನಡೆದ ಅದೇ ಪ್ರದೇಶದಲ್ಲಿ ಮತ್ತೊಂದು ವಾಣಿಜ್ಯ ಹಡಗು ಮೇಲೂ ದಾಳಿ ನಡೆದಿರುವ ವರದಿಗಳು ಬಂದಿವೆ. ಕೆಲವು ಹಡಗುಗಳಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು ಸಮುದ್ರದಲ್ಲಿ ತೈಲ ಸೋರಿಕೆಯ ಸಾಧ್ಯತೆಯೂ ಉಂಟಾಗಿದೆ.

ಜಾಗತಿಕ ಆತಂಕ ಹೆಚ್ಚಳ
ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಸಂಘರ್ಷದ ಪರಿಣಾಮವಾಗಿ ಪರ್ಷಿಯನ್ ಗಲ್ಫ್ ಮತ್ತು ಹೋರ್ಮುಜ್ ಸಮುದ್ರಸಂಕುಲದಲ್ಲಿ ಸಾಗುವ ವ್ಯಾಪಾರ ಹಡಗುಗಳ ಸುರಕ್ಷತೆ ಬಗ್ಗೆ ಭಾರೀ ಆತಂಕ ವ್ಯಕ್ತವಾಗುತ್ತಿದೆ. ಈ ದಾಳಿಯಿಂದ ಜಾಗತಿಕ ತೈಲ ಮಾರುಕಟ್ಟೆಯಲ್ಲೂ ಅಸ್ಥಿರತೆ ಉಂಟಾಗಿದ್ದು, ಕಚ್ಚಾ ತೈಲ ಬೆಲೆಗಳು ಏರಿಕೆ ಕಾಣುತ್ತಿವೆ.

ಭಾರತ ಸರ್ಕಾರದ ಪ್ರತಿಕ್ರಿಯೆ
ಈ ಘಟನೆ ಬಗ್ಗೆ ಭಾರತ ಸರ್ಕಾರ ಮಾಹಿತಿ ಸಂಗ್ರಹಿಸುತ್ತಿದ್ದು, ಮೃತ ಭಾರತೀಯ ನಾವಿಕನ ಕುಟುಂಬಕ್ಕೆ ನೆರವು ಒದಗಿಸುವ ಕ್ರಮಗಳನ್ನು ಪರಿಶೀಲಿಸುತ್ತಿದೆ. ಜೊತೆಗೆ ಉಳಿದ ಭಾರತೀಯ ಸಿಬ್ಬಂದಿಯ ಸುರಕ್ಷತೆ ಕುರಿತು ಕೂಡ ನಿಗಾ ವಹಿಸಲಾಗಿದೆ.

ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಉದ್ವಿಗ್ನತೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸಮುದ್ರ ಮಾರ್ಗಗಳಲ್ಲಿ ಸಂಚರಿಸುವ ವಾಣಿಜ್ಯ ಹಡಗುಗಳಿಗೆ ಭದ್ರತಾ ಸವಾಲುಗಳು ಹೆಚ್ಚಾಗುತ್ತಿರುವುದು ಈ ಘಟನೆಯಿಂದ ಮತ್ತೊಮ್ಮೆ ಸ್ಪಷ್ಟವಾಗಿದೆ.