ಮೌನವೇ ದೊಡ್ಡ ಸಂಶಯ — ಇಸ್ರೇಲ್ ಪಾತ್ರ ಏನು?ಪವರ್ ಗೇಮ್ ಮಧ್ಯೆ ಸಿಲುಕಿದ ಜಗತ್ತು!ದೊಡ್ಡ ದೇಶಗಳ ಆಟ… ಸಾಮಾನ್ಯ ಜನರ ನೋವು,ಯುದ್ಧ ಶುರು ಮಾಡೋದು ಸುಲಭ… ಮುಗಿಸಲು ಯಾರಿಗೂ ಸಾಧ್ಯವಾಗುತ್ತಿಲ್ಲ!

ಯುದ್ಧದ ಕಥೆ – ಯಾರು ಶುರುಮಾಡಿದರು?

2026ರಲ್ಲಿ ಮಧ್ಯಪೂರ್ವದಲ್ಲಿ ಉಂಟಾದ ಈ ಸಂಘರ್ಷವು ಏಕಾಏಕಿ ಹುಟ್ಟಿದುದಲ್ಲ. ಅಮೆರಿಕಾ (ಟ್ರಂಪ್ ನೇತೃತ್ವದಲ್ಲಿ) ಮತ್ತು ಇಸ್ರೇಲ್ ಸೇರಿ ಇರಾನ್ ಮೇಲೆ ದಾಳಿ ನಡೆಸಿದ ನಂತರ ಪರಿಸ್ಥಿತಿ ಉಗ್ರಗೊಂಡಿತು. ಅಮೆರಿಕಾ ಇದನ್ನು “ಇರಾನ್ ಜಗತ್ತನ್ನು ಬ್ಲ್ಯಾಕ್‌ಮೇಲ್ ಮಾಡುತ್ತಿದೆ,ಸುರಕ್ಷತೆಗಾಗಿ ಮುನ್ನೆಚ್ಚರಿಕೆ ಕ್ರಮ” ಎಂದು ಹೇಳಿದರೆ, ಇರಾನ್ ಇದನ್ನು ನೇರ ಆಕ್ರಮಣವೆಂದು ಹೇಳಿ “ನಾವು ಪ್ರತಿರೋಧ ಮಾಡ್ತಿದ್ದೇವೆ”ಅಂತ ಪ್ರತಿಕ್ರಿಯೆ ನೀಡುತ್ತಿದೆ. ಹೀಗಾಗಿ, ಯಾರು ತಪ್ಪು, ಯಾರು ಸರಿ ಎಂಬುದಕ್ಕಿಂತ “ಯಾರು ಮೊದಲ ಹೊಡೆತ ಕೊಟ್ಟರು?” ಎಂಬ ಪ್ರಶ್ನೆಯೇ ಹೆಚ್ಚು ಚರ್ಚೆಯಾಗಿದೆ.

ಹಾರ್ಮುಜ್” ಅಲ್ಲ… “ಟ್ರಂಪ್ ಜಲಸಂಧಿ”?

ಹಾರ್ಮುಜ್ ಜಲಸಂಧಿ ಈ ಯುದ್ಧದ ಕೇಂದ್ರಬಿಂದುವಾಗಿದೆ. ಜಗತ್ತಿನ ಬಹುಪಾಲು ತೈಲ ಸಾಗಾಟ ಇದೇ ಮಾರ್ಗದಿಂದ ಸಾಗುತ್ತದೆ. ಇರಾನ್ ಇದನ್ನು ತನ್ನ ನಿಯಂತ್ರಣದಲ್ಲಿ ಇಡಲು ಪ್ರಯತ್ನಿಸುತ್ತಿದೆ. ಅಮೆರಿಕಾ ಇದನ್ನು ತೆರೆಯಲು ನೌಕಾಪಡೆಯಿಂದ ಒತ್ತಡ ಹಾಕುತ್ತಿದೆ. ಟ್ರಂಪ್ ಕಠಿಣ ಮಾತುಗಳಲ್ಲಿ ಎಚ್ಚರಿಕೆ ನೀಡುತ್ತಾ, ಕೆಲವೊಮ್ಮೆ “ಇದು ಈಗ ನಮ್ಮ ನಿಯಂತ್ರಣದಲ್ಲಿ ಇರಬೇಕು” ಇದನ್ನು “Strait of Trump” ಎಂದು ಕರೆಯುತ್ತಿದ್ದಾರೆ.

ಇರಾನ್ ನಿಲುವು – ತಗ್ಗುವುದಿಲ್ಲ ಇರಾನ್ ಸ್ಪಷ್ಟವಾಗಿ ಹೇಳಿದೆ: “ಹಾರ್ಮುಜ್ ನಮ್ಮ ಹಕ್ಕು, ನಮ್ಮ ನಿಯಂತ್ರಣದಲ್ಲೇ ಇರುತ್ತದೆ.” ಅಮೆರಿಕಾ ಒತ್ತಡಕ್ಕೆ ಮಣಿಯುವುದಿಲ್ಲ, ಮತ್ತೆ ದಾಳಿ ಮಾಡಿದರೆ ಕಠಿಣ ಪ್ರತಿಕ್ರಿಯೆ ಕೊಡುತ್ತೇವೆ ಎಂದು ಎಚ್ಚರಿಸಿದೆ. ಮಾತುಕತೆಗೆ ಸಿದ್ಧತೆ ಇದೆ ಆದರೆ ಒತ್ತಡದ ರಾಜಕೀಯವನ್ನು ಒಪ್ಪುವುದಿಲ್ಲ ಎಂಬುದು ಅವರ ನಿಲುವು.

ಇಸ್ರೇಲ್ – ಮೌನದ ಹಿಂದೆ ಪಾತ್ರ

ಯುದ್ಧದ ಆರಂಭದಲ್ಲಿ ಇಸ್ರೇಲ್ ಪ್ರಮುಖ ಪಾತ್ರ ವಹಿಸಿದ್ದರೂ, ಈಗ ಅದು ಬಹಳಷ್ಟು ಮೌನವಾಗಿದೆ. ಆದರೆ ಇದು ಸಂಪೂರ್ಣ ದೂರವಾಗಿದೆ ಎಂದಲ್ಲ. ಹಿಂದಿನಿಂದ ಸೈನಿಕ ಮತ್ತು ತಾಂತ್ರಿಕ ಬೆಂಬಲ ನೀಡುತ್ತಿದೆ ಎಂಬ ಅಭಿಪ್ರಾಯ ಇದೆ. ಸಾಮಾನ್ಯ ಜನರ ದೃಷ್ಟಿಯಲ್ಲಿ, “ಯುದ್ಧ ಶುರುಮಾಡಿಸಿ ಈಗ ಮೌನವಾಗಿರುವುದು” ಎಂಬ ಟೀಕೆ ಕೇಳಿಬರುತ್ತಿದೆ.

ಟ್ರಂಪ್ – ಅತಂತ್ರ

ಟ್ರಂಪ್ ತಮ್ಮ ಕ್ರಮವನ್ನು ಯಶಸ್ವಿಯೆಂದು ತೋರಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ನೆಲಮಟ್ಟದ ಸ್ಥಿತಿ ನೋಡಿದರೆ, ಸಮಸ್ಯೆಗಳು ಇನ್ನೂ ಮುಂದುವರಿದಿವೆ. ಜಲಸಂಧಿ ಸಂಪೂರ್ಣವಾಗಿ ತೆರೆಯಲ್ಪಟ್ಟಿಲ್ಲ, ತೈಲ ಬೆಲೆ ಏರಿಕೆಯಾಗಿದೆ, ಜಾಗತಿಕ ಒತ್ತಡ ಹೆಚ್ಚಾಗಿದೆ. ಇದರಿಂದ “ಯುದ್ಧ ಶುರು ಮಾಡುವುದು ಸುಲಭ, ಮುಗಿಸುವುದು ಕಷ್ಟ” ಎಂಬ ಟೀಕೆಗಳು ಕೇಳಿಬರುತ್ತಿವೆ.

ಸಾಮಾನ್ಯ ಜನರ ಮನಸ್ಥಿತಿ

ಈ ಯುದ್ಧದ ದೊಡ್ಡ ಹೊಡೆತ ಸಾಮಾನ್ಯ ಜನರಿಗೆ ತಟ್ಟುತ್ತಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆ, ಆರ್ಥಿಕ ಒತ್ತಡ — ಇವು ಜನರ ದಿನನಿತ್ಯದ ಜೀವನವನ್ನು ಪ್ರಭಾವಿಸುತ್ತಿವೆ. “ದೊಡ್ಡ ದೇಶಗಳ ರಾಜಕೀಯ ಆಟ, ಆದರೆ ಕಷ್ಟ ನಮಗೆ” ಎಂಬ ಭಾವನೆ ವ್ಯಾಪಕವಾಗಿದೆ.

ಈ ಯುದ್ಧವು— ಶಕ್ತಿ, ಅಹಂಕಾರ, ತೈಲ ಮತ್ತು ರಾಜಕೀಯದ ಮಿಶ್ರಣ. ಟ್ರಂಪ್ ಒತ್ತಡ ಹಾಕುತ್ತಿದ್ದಾರೆ, ಇರಾನ್ ತಗ್ಗುತ್ತಿಲ್ಲ, ಇಸ್ರೇಲ್ ಮೌನದಲ್ಲಿದೆ. ಆದರೆ ಕೊನೆಗೆ, ಈ ಎಲ್ಲಾ ನಡುವೆ ಸಾಮಾನ್ಯ ಜನರೇ ಹೆಚ್ಚು ಬೆಲೆ ಕಟ್ಟುತ್ತಿದ್ದಾರೆ.