30 ವರ್ಷ ದನದ ಕೊಟ್ಟಿಗೆಯಲ್ಲಿ ಬದುಕಿದ ನಾಗ!! ಒಂದು ನಯಾ ಪೈಸೆಯೂ ಸಂಬಳ ಕೊಡದೆ ಮೂರು ದಶಕದಿಂದ ದುಡಿಸಿ ಕೊಳ್ಳಲಾಗುತ್ತಿದ್ದ ಪ್ರಕರಣ.. ಉಡುಪಿಯಲ್ಲಿ ಶಾಕ್… ಆರೋಪಿ –ಮಹಿಳೆ ಬಂಧನ

ಉಡುಪಿ: ಜಿಲ್ಲೆಯ ಕುಂದಾಪುರ ತಾಲೂಕಿನ ಹೆಮ್ಮಾಡಿ ಸಮೀಪದ ಕಬೈಲು ಗ್ರಾಮದಲ್ಲಿ ಅಮಾನವೀಯತೆಯನ್ನು ಕಂಗೊಳಿಸುವಂತಹ ಘಟನೆ ಬೆಳಕಿಗೆ ಬಂದಿದೆ. ಕೊರಗ ಸಮುದಾಯದ ವ್ಯಕ್ತಿಯೊಬ್ಬರನ್ನು ಸುಮಾರು 30 ವರ್ಷಗಳಿಂದ ಜೀತದಾಳಾಗಿ ಮನೆಯಲ್ಲಿ ಕೆಲಸ ಮಾಡಿಸಿಕೊಂಡು ದೌರ್ಜನ್ಯ ನಡೆಸಿದ ಆರೋಪದ ಮೇಲೆ ಮಹಿಳೆಯೊಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.ಈ ಘಟನೆ ಇದೀಗ ಜಿಲ್ಲೆಯಾದ್ಯಂತ ಚರ್ಚೆಗೆ ಗ್ರಾಸವಾಗಿದ್ದು, ದಾಸ್ಯ ವ್ಯವಸ್ಥೆಯಂತಹ ಪರಿಸ್ಥಿತಿ ಇನ್ನೂ ಸಮಾಜದಲ್ಲಿ ಇರುವುದನ್ನು ಈ ಪ್ರಕರಣ ಮತ್ತೆ ನೆನಪಿಸಿದೆ.

30 ವರ್ಷ ಕೆಲಸ ಮಾಡಿದರೂ ಸಂಬಳ ಇಲ್ಲ. ದನದ ಕೊಟ್ಟಿಗೆಯಲ್ಲೇ ವಾಸ – ಮಾನವೀಯತೆ ಮರೆತ ವರ್ತನೆ, ಸಮಾಜದಲ್ಲಿ ಇನ್ನೂ ಜೀವಂತವಾಗಿರುವ ಜೀತದಾಳು ಪದ್ಧತಿ, ಜೀತಕ್ಕೆ ಇಟ್ಟುಕೊಂಡವರು ಪುಗಸಟ್ಟೆ ಕೆಲಸ ಮಾಡಿಸಿಕೊಂಡು ದರ್ಬಾರ್ ನಡೆಸುತ್ತಿದ್ದರು.

Also Read ಕಾಂಗೋದಲ್ಲಿ ಎಬೋಲಾ ಅಟ್ಟಹಾಸ:ಜಗತ್ತಿಗೆ ಮತ್ತೆ ಸಾಂಕ್ರಾಮಿಕ ಭೀತಿಯ ಗಂಟೆ..!

65 ವರ್ಷದ ನಾಗನಿಗೆ ಅವನ ಹರೆಯದ ಕಾಲದಲ್ಲೇ ಕೆಲಸ ಕೊಡುತ್ತೇವೆ ಎಂದು ಕರೆದುಕೊಂಡು ಹೋಗಿ ಬಂಧನದ ಬದುಕು ಕೊಟ್ಟ ಕುಟುಂಬವೇ ಈ ರಜನಿ ಶೆಟ್ಟಿಯ ಕುಟುಂಬ ನೋಡಿ , ದನ ಕಾಯುವುದು, ತೋಟದ ಕೆಲಸ – ವಿಶ್ರಾಂತಿ ಇಲ್ಲದ ದಿನಗಳು ಆ ನಾಗನದ್ದಾಗಿತ್ತು

ಮೂಲತಃ ಕನ್ಯಾನ ಗ್ರಾಮದ ನಿವಾಸಿಯಾದ ನಾಗ (65) ಅವರು ಸುಮಾರು 30 ವರ್ಷಗಳ ಹಿಂದೆ ಕೆಲಸದ ಹುಡುಕಾಟದಲ್ಲಿದ್ದಾಗ ಹೆಮ್ಮಾಡಿಯ ನಿವಾಸಿ ಸುಬ್ಬಣ್ಣ ಶೆಟ್ಟಿ ಅವರು ಅವರನ್ನು ತಮ್ಮ ಮನೆಗೆ ಕರೆದುಕೊಂಡು ಹೋಗಿ ಕೆಲಸಕ್ಕೆ ಇಟ್ಟಿದ್ದರು. ಆದರೆ ಕೆಲಸದ ಹೆಸರಿನಲ್ಲಿ ಆರಂಭವಾದುದು ನಾಗನಿಗೆ ಬದುಕಿನ ಬಂಧನವಾಗಿಯೇ ಮಾರ್ಪಟ್ಟಿತು ಎಂದು ಆರೋಪಿಸಲಾಗಿದೆ.

ದನ ಕಾಯುವುದು, ತೋಟದ ಕೆಲಸ – ವಿಶ್ರಾಂತಿ ಇಲ್ಲದ ದಿನಗಳು
ನಾಗ ಅವರಿಗೆ ಪ್ರತಿದಿನ ವಿವಿಧ ಕಠಿಣ ಕೆಲಸಗಳನ್ನು ಮಾಡಿಸಲಾಗುತ್ತಿತ್ತು.ಅವರಿಂದ ಮಾಡಿಸಲಾದ ಕೆಲಸಗಳು,ದನ ಹಾಗೂ ಎಮ್ಮೆಗಳನ್ನು ಕಾಯುವುದು,ಗದ್ದೆ ಮತ್ತು ತೋಟದ ಕೆಲಸ ದನದ ಸೆಗಣಿ ತೆಗೆದು ಸ್ವಚ್ಛಗೊಳಿಸುವುದು
ಮನೆಯ ಶೌಚಾಲಯಗಳನ್ನು ಸ್ವಚ್ಛಗೊಳಿಸುವುದು.ಈ ಎಲ್ಲಾ ಕೆಲಸಗಳನ್ನು ದಿನವೂ ನಿರಂತರವಾಗಿ ಮಾಡಬೇಕಾಗುತ್ತಿತ್ತು ಎಂದು ಹೇಳಲಾಗಿದೆ.

Also Read ಮಂಗಳೂರು: ಖಚಿತ ಮಾಹಿತಿಗೆ ಖಾಕಿ ಆಕ್ಷನ್! ಮುಕ್ಕದ ಕಟ್ಟಡದಲ್ಲಿ 8 ಅಕ್ರಮ ಬಾಂಗ್ಲಾದೇಶಿ ಪ್ರಜೆಗಳ ಬಂಧನ

ದನದ ಕೊಟ್ಟಿಗೆಯಲ್ಲೇ ವಾಸ – ಮಾನವೀಯತೆ ಮರೆತ ವರ್ತನೆ
ನಾಗ ಅವರಿಗೆ ಮನೆಯೊಳಗೆ ವಾಸಿಸಲು ಅವಕಾಶ ನೀಡಲಾಗಲಿಲ್ಲ ಎಂದು ದೂರಲಾಗಿದೆ. ಅವರಿಗೆ ದನದ ಕೊಟ್ಟಿಗೆಯಲ್ಲೇ ವಾಸ ಮಾಡಲು ಬಲವಂತ ಮಾಡಲಾಗಿತ್ತು.

ಅವರ ಪರಿಸ್ಥಿತಿ ಹೇಗಿತ್ತೆಂದರೆ
ಮಲಗುವ ಸ್ಥಳ – ದನದ ಕೊಟ್ಟಿಗೆ
ಊಟ – ಕೊಟ್ಟಿಗೆಯಲ್ಲೇ
ಬಟ್ಟೆ ಮತ್ತು ಪಾತ್ರೆಗಳು – ಕೊಟ್ಟಿಗೆಯಲ್ಲೇ ಇಡಬೇಕು
ಊಟವನ್ನು ಬಾಳೆ ಎಲೆಯಲ್ಲಿ ನೀಡಲಾಗುತ್ತಿತ್ತು.ಇದು ಮನುಷ್ಯನಿಗಿಂತ ಕಡಿಮೆ ಗೌರವದ ಜೀವನ ಎಂದು ಸ್ಥಳೀಯರು ಹೇಳುತ್ತಿದ್ದಾರೆ.

30 ವರ್ಷ ಕೆಲಸ ಮಾಡಿದರೂ ಸಂಬಳ ಇಲ್ಲ. …ಪೊಲೀಸರಿಗೆ ನೀಡಿದ ದೂರಿನ ಪ್ರಕಾರ, ನಾಗ ಅವರು ಸುಮಾರು ಮೂರು ದಶಕಗಳ ಕಾಲ ಕೆಲಸ ಮಾಡಿದರೂ ಅವರಿಗೆ ಯಾವುದೇ ಸಂಬಳ ನೀಡಲಾಗಲಿಲ್ಲ.
ಅದರ ಜೊತೆಗೆ,ಮನೆಯಿಂದ ಹೊರಗೆ ಹೋಗಲು ಅವಕಾಶ ನೀಡಲಾಗಲಿಲ್ಲ
ಸ್ವತಂತ್ರವಾಗಿ ಬದುಕಲು ಅವಕಾಶ ಇರಲಿಲ್ಲ. ಇದು ಜೀತದಾಳು ಪದ್ಧತಿಯ ಗಂಭೀರ ಉದಾಹರಣೆ ಎಂದು ಸಾಮಾಜಿಕ ಕಾರ್ಯಕರ್ತರು ಅಭಿಪ್ರಾಯಪಟ್ಟಿದ್ದಾರೆ.

Also Read ವಿಷ ಸೇವನೆ ಸ್ವಯಂ ಆಗಿತ್ತೇ ಅಥವಾ ಪ್ರಚೋದನೆ ಕಾರಣವೇ ….?!

ಮಹಿಳೆ ಬಂಧನ – ಪೊಲೀಸ್ ತನಿಖೆ ಮುಂದುವರಿಕೆ

ಸುಬ್ಬಣ್ಣ ಶೆಟ್ಟಿ ಮೃತಪಟ್ಟ ನಂತರ ಅವರ ಮಗಳು ರಜನಿ ಶೆಟ್ಟಿ ಮತ್ತು ಅಳಿಯ ಕರುಣಾಕರ ಶೆಟ್ಟಿ ನಾಗ ಅವರಿಂದ ಕೆಲಸ ಮಾಡಿಸುತ್ತಿದ್ದರು ಎಂದು ಹೇಳಲಾಗಿದೆ.

ಈ ಪ್ರಕರಣದ ಸಂಬಂಧ ಪೊಲೀಸರು ರಜನಿ ಶೆಟ್ಟಿಯನ್ನು ಬಂಧಿಸಿದ್ದು, ಪ್ರಕರಣ ದಾಖಲಿಸಿ ಮುಂದಿನ ತನಿಖೆ ಮುಂದುವರಿಸಿದ್ದಾರೆ.

ಸಮಾಜದಲ್ಲಿ ಇನ್ನೂ ಜೀವಂತವಾಗಿರುವ ಜೀತದಾಳು ಪದ್ಧತಿ

ಈ ಘಟನೆ ಮತ್ತೊಮ್ಮೆ ಸಮಾಜದಲ್ಲಿ ಇನ್ನೂ ಕೆಲವೆಡೆ ಜೀತದಾಳು ಪದ್ಧತಿ ಮತ್ತು ಸಮುದಾಯದ ಮೇಲೆ ನಡೆಯುವ ಅನ್ಯಾಯಗಳು ಮುಂದುವರಿಯುತ್ತಿರುವುದನ್ನು ಸ್ಪಷ್ಟಪಡಿಸಿದೆ.

ನಾಗ ಅವರಂತಹ ಅನೇಕ ಜನರ ಕಥೆಗಳು ಇನ್ನೂ ಹೊರಬರದೇ ಇರುವ ಸಾಧ್ಯತೆಯೂ ಇದೆ ಎಂದು ಸಾಮಾಜಿಕ ಸಂಘಟನೆಗಳು ಆತಂಕ ವ್ಯಕ್ತಪಡಿಸುತ್ತಿವೆ.