ಎಚ್ಚರಿಕೆ, ಪರಿಶೀಲನೆ ಮತ್ತು ಜಾಗೃತಿ – ಇವೇ ನಿಮ್ಮ ಸುರಕ್ಷತೆ ವಾಟ್ಸಪ್/ಟೆಲಿಗ್ರಾಂ ಮೂಲಕ ಮಾತ್ರ ಸಂಪರ್ಕಿಸುವವರನ್ನ ನಂಬಲೇಬೇಡಿ

ಇತ್ತೀಚೆಗೆ ಆನ್‌ಲೈನ್ ಹೂಡಿಕೆ ಮತ್ತು ಶೇರ್ ಟ್ರೇಡಿಂಗ್ ಮೋಸ ಪ್ರಕರಣಗಳು ಹೆಚ್ಚುತ್ತಿವೆ. ಮೋಸಗಾರರು ನಕಲಿ ವೆಬ್‌ಸೈಟ್‌, ಆಪ್‌ಗಳು ಹಾಗೂ ನಕಲಿ ಲಾಭದ ವಿವರಗಳನ್ನು ತೋರಿಸಿ ಜನರನ್ನು ವಂಚಿಸುತ್ತಿದ್ದಾರೆ.

ನಗರದ ಮಹಿಳೆಯೊಬ್ಬರು ಆನ್‌ಲೈನ್ ಶೇರ್ ಟ್ರೇಡಿಂಗ್ ಹೆಸರಿನಲ್ಲಿ ₹10.55 ಲಕ್ಷ ಕಳೆದುಕೊಂಡ ಘಟನೆ ವರದಿಯಾಗಿದೆ. ಸಾಮಾಜಿಕ ಜಾಲತಾಣದ ಮೂಲಕ ಪರಿಚಯವಾದ ಆರೋಪಿಗಳು ಹೆಚ್ಚಿನ ಲಾಭದ ಭರವಸೆ ನೀಡಿ ಹೂಡಿಕೆ ಮಾಡಿಸಿ, ಬಳಿಕ ಹಣ ವಾಪಸು ಪಡೆಯಲು ಹೆಚ್ಚುವರಿ ಶುಲ್ಕ ಕೇಳಿ ಸಂಪರ್ಕ ಕಡಿತಗೊಳಿಸಿದ್ದಾರೆ.
ತಮ್ಮ ಬ್ಯಾಂಕ್ ನವರಲ್ಲಿ ಈ ಬಗ್ಗೆ ವಿಚಾರಿಸಿದಾಗ ಮೋಸದ ಜಾಲಕ್ಕೆ ಬಿದ್ದಿರೋದು ಗೊತ್ತಾಗಿದೆ.
ಈ ಕುರಿತು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. ಸಾರ್ವಜನಿಕರು ಆನ್‌ಲೈನ್ ಹೂಡಿಕೆ ಮಾಡುವಾಗ ಎಚ್ಚರಿಕೆಯಿಂದ ಇರಬೇಕು ಎಂದು ಪೊಲೀಸರು ಮನವಿ ಮಾಡಿದ್ದಾರೆ.

ಅತಿಯಾದ ಲಾಭದ ಭರವಸೆ ನೀಡುವ ಹೂಡಿಕೆ ಅವಕಾಶಗಳು ಬಹುತೇಕ ಮೋಸವಾಗಿರಬಹುದು.

ಹೂಡಿಕೆ ಮಾಡುವ ಮೊದಲು ಸಂಸ್ಥೆ ಮಾನ್ಯತೆ ಹೊಂದಿದೆಯೇ ಎಂದು ಪರಿಶೀಲಿಸಿ

ಅಪರಿಚಿತ ವ್ಯಕ್ತಿಗಳ ಹೂಡಿಕೆ ಸಲಹೆ ನಂಬಬೇಡಿ

OTP, ಬ್ಯಾಂಕ್ ವಿವರಗಳನ್ನು ಯಾರಿಗೂ ಹಂಚಿಕೊಳ್ಳಬೇಡಿ

ಅಧಿಕೃತ ಆಪ್ ಸ್ಟೋರ್‌ನಲ್ಲಿ ಲಭ್ಯವಿರುವ ಆಪ್‌ಗಳನ್ನು ಮಾತ್ರ ಬಳಸಿ

ಹಣ ಹೂಡಿಕೆ ಮಾಡುವ ಮೊದಲು ತಜ್ಞರ ಸಲಹೆ ಪಡೆಯಿರಿ

ಮೋಸದ ಲಕ್ಷಣಗಳ ಬಗ್ಗೆ ಗಮನಕೊಡಿ
ಖಚಿತವಾದ ಹೆಚ್ಚಿನ ಲಾಭದ ಭರವಸೆ
ತಕ್ಷಣ ಹೂಡಿಕೆ ಮಾಡಲು ಒತ್ತಾಯ
ಲಾಭ ತೆಗೆಯಲು ಹೆಚ್ಚುವರಿ ಶುಲ್ಕ ಕೇಳುವುದು
ವೈಯಕ್ತಿಕ ಬ್ಯಾಂಕ್ ಖಾತೆಗೆ ಹಣ ವರ್ಗಾವಣೆ ಮಾಡಲು ಹೇಳುವುದು ಆಗಿರಬಹುದು ಇದನ್ನೆಲ್ಲ ನಂಬಿ ಇದ್ದ ಹಣವನ್ನ ಕಳ್ಕೊಳ್ಳಬೇಡಿ ಇನ್ನಷ್ಟೂ ಜಾಗೃತರಾಗಿ.