ಉಡುಪಿಯ ವಂಚಕ ಹೆಂಗಸಿನ ಮೇಲೆ ಇನ್ನೊಂದು ವಂಚನೆಯ ದೂರು ದಾಖಲಾಗುವ ಸಾಧ್ಯತೆ

ಸಾಲ ಕೊಡಿಸುವುದಾಗಿ ನಂಬಿಸಿ ಮೋಸ ಮಾಡುವುದನ್ನೇ ಕಾಯಕ ಮಾಡಿಕೊಂಡಿದ್ದ ಜೀನತ್ ಇಬ್ರಾಹಿಂ ಆಲಿಯಾಸ್ ಜೀನತ್ ಸಲಾಂ ಎಂಬ ಮಹಿಳೆ ಉಡುಪಿಯ ಪ್ರತಿಷ್ಠಿತರ ವೀಕ್ನೆಸ್ಸನ್ನ ಅಸ್ತ್ರ ಮಾಡಿಕೊಂಡು ಸುಲಿಗೆ ಮಾಡುತ್ತಿದ್ದಳು ಎಂಬ ಆರೋಪ ಹೊತ್ತು ಜೈಲು ಪಾಲಾಗಿರುವ ಈಕೆಯ ಮೇಲೆ ಇನ್ನೊಂದು ಗಂಭೀರ ಪ್ರಕರಣ ದಾಖಲಾಗುವ ಸಾಧ್ಯತೆ ಇದೆ ಎಂಬ ಸುದ್ದಿ ಉಡುಪಿಯಿಂದ ಬರುತ್ತಿದೆ
ಯಾರ್ಯಾರದೋ ಚೆಕ್ಕನ್ನು ಯಾರ್ಯಾರಿಗೋ ನೀಡಿ ಅದರಲ್ಲಿ ಇರುವ ಸಹಿ ಅಸಲಿಯೋ ನಕಲಿಯೋ ಅನ್ನುವುದು ಸಹ ನೆನಪಿಲ್ಲವೆನೋ? ಆ ಫ್ರಾಡ್ ಚೆಕ್ ನೀಡಿ ಸಾಲವಾಗಿ ಲಕ್ಷಾಂತರ ರೂ ಹಣ ಪಡೆದು ವಂಚಿಸಿರುವ ಆರೋಪ ಕೇಳಿ ಬರುತ್ತಿದೆ.
ಜೊತೆಗೆ ಪ್ರತಿಷ್ಠಿತ ವಲಯಕ್ಕೆ ಸೇರಿರುವ ಹಿರಿಯ ವ್ಯಕ್ತಿ ಒಬ್ಬರಿಗೆ ವೈಯಾರದ ಮೂಲಕವೇ 15 ಲಕ್ಷದಷ್ಟು ಹಣವನ್ನು ಯಾವುದೇ ದಾಖಲೆ ಪತ್ರಗಳಿಲ್ಲದೆ ಪಡೆದಿದ್ದಾಳೆ ಎನ್ನುವುದು ಆರೋಪ. ಬಹುಶಹ ಇದರ ಹಿಂದೆ ಹನಿ ಟ್ರ್ಯಾಪ್ ಕಹಾನಿ ಇದ್ದರೂ ಇರಬಹುದು ಎನ್ನಲಾಗುತ್ತಿದೆ. ಮೋಸ ಹೋದವರು ಮರ್ಯಾದೆ ಹಾಗೂ ಇನ್ನಿತರ ಕಾರಣಗಳಿಂದಾಗಿ ದೂರು ಕೊಡಲು ಈಗಲೂ ಹಿಂದೆ ಮುಂದೆ ನೋಡುತ್ತಿರುವುದನ್ನು ಗಮನಿಸಬಹುದು. ಈಗಾಗಲೇ ಉಡುಪಿಯ ಪೊಲೀಸರು ಈ ಮಹಿಳೆಯ ವಿರುದ್ಧ ಅನ್ಯಾಯಕ್ ಒಳಗಾದವರು ಬೆದರಿಕೆಗೆ ಒಳಪಡುತ್ತಿರುವವರು ದೂರು ದಾಖಲಿಸಬಹುದು ಎಂದು ಸಾರ್ವಜನಿಕವಾಗಿ ಕರೆ ಕೊಟ್ಟಿರುವಂಥದ್ದು ಪ್ರಕರಣದ ಗಂಭೀರತೆಯನ್ನು ಸೂಚಿಸುವಂತಿದೆ.
ಇದರ ನಡುವೆಯೂ ಕೆಲವರು ಈ ಮಹಿಳೆಯನ್ನು ಬಚಾವ್ ಮಾಡುವ ಪ್ರಯತ್ನ ನಡೆಸುತ್ತಿರುವುದು ಗುಟ್ಟಾಗಿ ಉಳಿದಿಲ್ಲ. ಜೊತೆಗೆ ಇನ್ನು ಕೆಲವರು ನೆಮ್ಮದಿಯ ನಿಟ್ಟುಸಿರು ಬಿಡುತ್ತಿದ್ದಾರೆ ಅನ್ನುವುದು ಸುಳ್ಳಲ್ಲ. ಒಟ್ಟಿನಲ್ಲಿ ಜೀನತ್ ಎಂಬ ಮಹಿಳೆಯ ಕಾನೂನು ಬಾಹಿರ ಹಾಗೂ ಅಪರಾಧಿ ಕೃತ್ಯ ದ ವಿಚಾರ ಇಡೀ ಜಿಲ್ಲೆಯ ಜನರಿಗೆ ತಲುಪಿರುವುದರಿಂದಾಗಿ ಇನ್ನು ಮುಂದೆ ಜನರು ಜಾಗೃತವಾಗುವುದಂತೂ ಗ್ಯಾರಂಟಿ.

Also Read ಬಾಲಿವುಡ್‌ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಗೆ 60ರ ವಯಸ್ಸಿನಲ್ಲಿ ಸಿಕ್ಕ ಪರ್ಫೆಕ್ಟ್ ಸಂಗಾತಿ……?!ಎಷ್ಟನೇ ಮದುವೆ?!

##Udupi #FraudCase #CrimeNews #KarnatakaNews #ScamAlert