ಉಡುಪಿ ಜಿಲ್ಲೆಯ ಮದರಂಗಡಿಯಲ್ಲಿ ನಿನ್ನೆ ಹಂತಕರ ಗುಂಡಿಗೆ ಬಲಿಯಾದ ಮಾಜಿ ಗ್ರಾಮ ಪಂಚಾಯತ್ ಅಧ್ಯಕ್ಷ ಹಾಗೂ ಕಾಂಗ್ರೆಸ್ ಸ್ಥಳೀಯ ನಾಯಕ ಡಿಸೋಜಾ ಅವರನ್ನು ಕೊಲ್ಲಲು ಹಂತಕರನ್ನು ಕಳುಹಿಸಿದವನು ಯಾರು?

ಹತ್ಯೆ ಮಾಡಿದ ವ್ಯಕ್ತಿ ಹಾಗೂ ಹಂತಕನನ್ನು ಕರೆದೊಯ್ದ ವ್ಯಕ್ತಿ ಮತ್ತು ಅವರ ನಿಕಟವರ್ತಿ ಸೇರಿದಂತೆ ಒಟ್ಟು ಮೂವರನ್ನು ಉಡುಪಿ ಪೊಲೀಸರು ಬಂಧಿಸುವಲ್ಲಿ ಸಕ್ಸಸ್ ಆಗಿದ್ದಾರೆ.

ಈ ಒಂದು ಹತ್ಯೆಯ ಪ್ರಕರಣದಲ್ಲಿ ನೇರವಾಗಿ ಕಾಣಿಸಿಕೊಂಡ ಹಂತಕರೆಲ್ಲರೂ ಉತ್ತರ ಭಾರತದ ಮೂಲದವರು ಎನ್ನುವುದು ಖಚಿತಗೊಂಡಿದೆ.

ರಾಜು, ಅಜಯ್ ರಸ್ತೋಗಿ, ಓಚೆಲ್ ಶೇಕ್ ಈ ಮೂವರು ಡಿಸೋಜಾ ಹತ್ಯೆಯಲ್ಲಿ ನೇರವಾಗಿ ಭಾಗಿಯಾದ ಹಂತಕರಾಗಿದ್ದಾರೆ. ಬೈಂದೂರು ಸಮೀಪ, ತಪ್ಪಿಸಿಕೊಂಡು ಪರಾರಿಯಾಗಿದ್ದ ಹಂತಕರನ್ನು ಬೆನ್ನತ್ತಿ ಹಿಡಿಯುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಈ ಸಂದರ್ಭದಲ್ಲಿ ಹಂತಕರು ಪೊಲೀಸರಿಂದ ತಪ್ಪಿಸಿಕೊಳ್ಳಲು ಪೊಲೀಸರೆಡೆಗೆ ಗುಂಡು ಹಾರಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಪೊಲೀಸರು ಸಹ ಪ್ರತಿ ದಾಳಿ ನಡೆಸಿ ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಈ ಸಂದರ್ಭದಲ್ಲಿ ಸಬ್ ಇನ್ಸ್ಪೆಕ್ಟರ್ ಒಬ್ಬರಿಗೆ ಗಾಯವಾಗಿದ್ದು, ಹಂತಕರ ಪೈಕಿ ರಾಜು ಎಂಬತನ ಕಾಲಿಗೆ ಗುಂಡು ತಗಲಿದೆ.

Also Read ಮೋದಿ ಪೋಸ್ಟ್‌ನಿಂದ ಮೆಟಾಗೆ ಸಮನ್ಸ್! ಡಿಜಿಟಲ್ ಸುರಕ್ಷತೆ ಕುರಿತು ಕೇಂದ್ರದ ಕಠಿಣ ಪ್ರಶ್ನೆಗಳು

ಪೊಲೀಸರ ಕಾರ್ಯವನ್ನು ಉಡುಪಿ ಜನತೆ ಶ್ಲಾಘಿಸುತ್ತಿದ್ದಾರೆ. ಹಾಗೆಯೇ ಈ ಹಂತಕರ ಕೈಗೆ ಸುಪಾರಿ ಕೊಟ್ಟು ಈ ಕೆಲಸ ಮಾಡಲು ಕಳುಹಿಸಿದ ನೈಜ ವ್ಯಕ್ತಿಯಾರು ಎಂಬ ಪ್ರಶ್ನೆಗೆ ಪೊಲೀಸರು ಇನ್ನಷ್ಟೇ ಉತ್ತರ ಹುಡುಕಬೇಕಿದೆ.

ಹಂತಕರು ಸಿಕ್ಕ ಕಾರಣ, ಸುಪಾರಿ ಕೊಟ್ಟವರು ಸಿಗದೇ ಹೋಗಲಾರರು. ಒಂದಂತೂ ಸತ್ಯ, ಸುಪಾರಿಕೊಟ್ಟ ಮೂಲ ಕ್ರಿಮಿನಲ್ ನೇರವಾಗಿ ಹಂತಕರಿಗೆ ಸಂಪರ್ಕದಲ್ಲಿರಲಾರ. ಇಲ್ಲಿ ಎರಡು ಮೂರು ಹಂತದ ಕೈ ಬದಲಾಗಿದೆ. ಹಾಗಾಗಿ ಮೂಲ ಕ್ರಿಮಿನಲ್ ನನ್ನು ಹುಡುಕುವುದು ಪೊಲೀಸರಿಗೆ ಸವಾಲಾಗಬಹುದು.