ಉಡುಪಿ: ಜಿಲ್ಲಾ ಆಸ್ಪತ್ರೆಯ ಆಡಳಿತದಲ್ಲಿ ನಡೆಯುತ್ತಿರುವ ಅಕ್ರಮ ಮತ್ತು ತಾರತಮ್ಯದ ವಿರುದ್ಧ ಗಂಭೀರ ಆರೋಪಗಳು ಕೇಳಿಬಂದಿವೆ. ಬ್ಲಡ್ ಬ್ಯಾಂಕ್ ಅಧಿಕಾರಿ ವೀಣಾ ದೇವಿ ಅವರ ವಿರುದ್ಧ ಜಿಲ್ಲಾ ಶಸ್ತ್ರಚಿಕಿತ್ಸಕರು ವಿನಾಕಾರಣ ನೋಟಿಸ್ ನೀಡಿ ಅನಗತ್ಯವಾಗಿ ಸಿಲುಕಿಸುವ ಸಂಚು ರೂಪಿಸುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ಆದರೆ ಇದೇ ವೇಳೆ ಮೂಳೆ ರೋಗ ತಜ್ಞರಾದ ಡಾ. ಸಾಗರ್ ಅವರ ವಿರುದ್ಧ ಬಂದ ಗಂಭೀರ ದೂರುಗಳನ್ನು ಮುಚ್ಚಿ ಹಾಕಲಾಗುತ್ತಿದೆ ಎಂಬುದು ಸಾಮಾನ್ಯ ಜನರ ಆಕ್ರೋಶಕ್ಕೆ ಕಾರಣವಾಗಿದೆ.

ತಾರತಮ್ಯದ ಆರೋಪ
ವೀಣಾ ದೇವಿ ಅವರಿಗೆ ನೋಟಿಸ್ ನೀಡಲಾಗಿದ್ದರೆ, ಅದೇ ರೀತಿಯ ಗಂಭೀರ ದೂರು ಬಂದಿದ್ದರೂ ಡಾ. ಸಾಗರ್ ಅವರಿಗೆ ಯಾವುದೇ ವಿವರಣೆ ಕೇಳದೆ ರಕ್ಷಣೆ ನೀಡಲಾಗುತ್ತಿದೆ ಎಂದು ಆರೋಪಿಸಲಾಗಿದೆ.

ವಿದ್ಯಾರ್ಥಿಗಳಿಂದ ಶಸ್ತ್ರಚಿಕಿತ್ಸೆ, ದೂರು

Also Read “ಮಂಜಿನ ನಡುವೆ ಕ್ಷಣಾರ್ಧದಲ್ಲಿ ಮಾಯವಾದ ಮಗಳು”ಶ್ರೀನಂದಾ ಶವವಾಗಿ ಪತ್ತೆ…!

ಡಾ. ಸಾಗರ್ ಅವರ ಮೇಲ್ವಿಚಾರಣೆಯಲ್ಲಿ ಕಲಿಯುವ ವಿದ್ಯಾರ್ಥಿಗಳೇ ರೋಗಿಗಳಿಗೆ ಶಸ್ತ್ರಚಿಕಿತ್ಸೆ ಮಾಡುತ್ತಿದ್ದಾರೆ ಎಂದು ರೋಗಿಯೊಬ್ಬರು ನೇರ ದೂರು ನೀಡಿದ್ದರು. ಆದರೆ ಈ ಕುರಿತು ಯಾವುದೇ ತನಿಖೆ ನಡೆದಿಲ್ಲ ಎನ್ನಲಾಗಿದೆ. ಈ ದೂರು ನೀಡಿದ ರೋಗಿಯನ್ನೇ “ಮಾನಸಿಕ ರೋಗಿ” ಎಂದು ಜಿಲ್ಲಾ ಶಸ್ತ್ರಚಿಕಿತ್ಸಕರು ವಿಡಿಯೋದಲ್ಲಿ ಹೇಳಿಕೆ ನೀಡಿ ಪ್ರಕರಣವನ್ನು ದಿಕ್ಕು ತಪ್ಪಿಸುತ್ತಿದ್ದಾರೆ ಎಂಬ ಆರೋಪವೂ ಇದೆ.

ಖಾಸಗಿ ಆಸ್ಪತ್ರೆಗೆ ರೆಫರ್: ಸರ್ಕಾರಿ ಆಸ್ಪತ್ರೆಗೆ ಬರುವ ಬಡ ರೋಗಿಗಳನ್ನು ಆಯುಷ್ಮಾನ್ ಯೋಜನೆಯ ಹೆಸರಿನಲ್ಲಿ ಕಮಿಷನ್ ಆಸೆಗಾಗಿ ಖಾಸಗಿ ಆಸ್ಪತ್ರೆಗಳಿಗೆ ಕಳುಹಿಸುತ್ತಿದ್ದಾರೆ.
ಹಾಜರಾತಿ ನಿಯಮ ಉಲ್ಲಂಘನೆ: ಸರಿಯಾದ ಸಮಯಕ್ಕೆ ಆಸ್ಪತ್ರೆಗೆ ಬಾರದಿರುವುದು ಮತ್ತು ಬಯೋಮೆಟ್ರಿಕ್ ಹಾಜರಾತಿ ಹಾಕದಿರುವುದು.
ಖರೀದಿಯಲ್ಲಿ ಅವ್ಯವಹಾರ: ಮೂಳೆ ಶಸ್ತ್ರಚಿಕಿತ್ಸೆಯ ವೇಳೆ ಬಳಸುವ implant ಖರೀದಿಯಲ್ಲಿ ಗೋಲ್‌ಮಾಲ್ ನಡೆಯುತ್ತಿದೆ ಎಂದು ಸಿಬ್ಬಂದಿ ವಲಯದಲ್ಲಿ ಚರ್ಚೆಯಾಗುತ್ತಿದೆ.
ಸಾರ್ವಜನಿಕರ ಪ್ರಶ್ನೆ:
ಮೂಳೆ ಶಸ್ತ್ರಚಿಕಿತ್ಸೆಯ ದೊಡ್ಡ ಹಗರಣ ಮತ್ತು ಸಾರ್ವಜನಿಕ ಆಕ್ರೋಶದಿಂದ ಗಮನ ಬೇರೆಡೆಗೆ ತಿರುಗಿಸಲು ಈಗ ವೀಣಾ ದೇವಿ ಅವರ ವಿರುದ್ಧ ಸುಳ್ಳು ನಾಟಕವಾಡಲಾಗುತ್ತಿದೆಯೇ? ಪ್ರಾಮಾಣಿಕವಾಗಿ ಕೆಲಸ ಮಾಡುವವರನ್ನು ಟಾರ್ಗೆಟ್ ಮಾಡಿ, ತಪ್ಪಿತಸ್ಥರನ್ನು ರಕ್ಷಿಸುವ ಇಂತಹ ದ್ವಿಮುಖ ನೀತಿಯನ್ನು ಖಂಡಿಸಬೇಕಿದೆ.

Also Read “ಸೌಜನ್ಯಾ ಕೇಸ್ ಮತ್ತೆ ಓಪನ್!”14 ವರ್ಷಗಳ ಬಳಿಕ ಸೌಜನ್ಯಾ ಪ್ರಕರಣಕ್ಕೆ ಮತ್ತೆ ಮರುಜೀವ!ಸುಪ್ರೀಂ ‘ರೀ-ಸ್ಟಾರ್ಟ್’!

ಈ ಎಲ್ಲಾ ಆರೋಪಗಳ ಬಗ್ಗೆ ಉನ್ನತ ಮಟ್ಟದ ತನಿಖೆ ನಡೆಸಿ, ತಪ್ಪಿತಸ್ಥರ ವಿರುದ್ಧ ನಿರಪೇಕ್ಷ ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

ಉಡುಪಿ ಜಿಲ್ಲಾ ಸರ್ಜನ್ ಬಗ್ಗೆ ಸಾರ್ವಜನಿಕರಲ್ಲಿ ಏಕೆ ಹೆಚ್ಚುತ್ತಿದೆ ಅನುಮಾನ?ಉಡುಪಿ ಜಿಲ್ಲಾ ಸರ್ಜನ್ ಅಶೋಕ್ ಕುಮಾರ್ ಸುತ್ತ ರಾಜಕೀಯ, ವರ್ಗಾವಣೆ ಮತ್ತು ಪ್ರಶ್ನೆಗಳ ಸುಳಿಗಾಳಿ!

ಉಡುಪಿ ಅಶೋಕ್ ಅವರನ್ನು ಅವರ ಹುಟ್ಟಿದ ಸಮಾಜದ ಕಾರಣಕ್ಕಾಗಿ ಸಹಿಸಿಕೊಳ್ಳಲಾಗುತ್ತಿದೆಯಾ ಎಂಬ ಸಂಶಯವಿದೆ. ಪಕ್ಷ ಭೇದ ಮರೆತು ಆ ಸಮಾಜದ ಮುಖಂಡರು ಈ ವ್ಯಕ್ತಿಯ ಜೊತೆಗೆ ಅನ್ಯೋನ್ಯತೆಯಿಂದ ಇದ್ದಾರೆ ಎನ್ನುವುದು ಸಾರ್ವಜನಿಕರ ಆರೋಪವಾಗಿದೆ. ತೀರಾ ಇತ್ತೀಚೆಗೆ ಈ ವ್ಯಕ್ತಿಗೆ ಆಡಳಿತ ಪಕ್ಷದ ಉಡುಪಿ ಬ್ಲಾಕ್ ನಿಂದ ಸನ್ಮಾನ ಬೇರೆ ಆಗಿದೆ ಅನ್ನುವುದು ಸಾರ್ವಜನಿಕರ ಬೇಗುದಿಯಾಗಿದೆ.

Also Read 14ರ ಸೊಂಟಕ್ಕೆ ಕೈ ಹಾಕಿದ ಮದರಸಾ ಮೌಲ್ವಿಗೆ 20 ವರ್ಷ ಕಠಿಣ ಶಿಕ್ಷೆ

ನಿಜ ಹೇಳಬೇಕು ಎಂದರೆ ಜಿಲ್ಲಾ ಸರ್ಜನ್ ಅಶೋಕ್ ಕುಮಾರ್ ಗೆ ಇಲ್ಲಿಂದ ವರ್ಗಾವಣೆಯಾಗಿತ್ತು .ಆದರೆ ಇಲ್ಲಿಂದ ಹೋಗಲು ಸುತಾರಾಂ ಒಪ್ಪುತ್ತಿಲ್ಲವಂತೆ ಎಲ್ಲೆಲ್ಲಿ ಯಾರ್ಯಾರನ್ನಾದರೂ ಹಿಡಿದು ಮತ್ತೆ ವಾಪಸ್ ಬಂದು ಇಲ್ಲಿಯೇ ಕೂರುತ್ತಾನೆ ಅನ್ನೋದು ಸಾರ್ವಜನಿಕವಾಗಿ ಹರಡಿಕೊಂಡಿರುವ ಸುದ್ದಿ. ಆ ಸುದ್ದಿ ನಿಜವೇ ಆಗಿರಬಹುದು ಅನ್ನುತ್ತದೆ ಅವರ ಇಲ್ಲಿನ ಜಂಡಾ ಸ್ಟೋರಿ..!