ಬೆಂಗಳೂರು: ಮದ್ಯದ ಚಟ ಹಾಗೂ ಆಸ್ತಿ ವಿವಾದ ಕೊನೆಗೆ ಹೆತ್ತ ತಾಯಿಯನ್ನೇ ಬಲಿಪಡೆದಿರುವ ಧೋರಣೆಯ ಘಟನೆ ಕೆಂಗೇರಿ ಪೊಲೀಸ್ ಠಾಣೆ ವ್ಯಾಪ್ತಿಯ ಸುಭಾಷ್ ನಗರದಲ್ಲಿ ಭಾನುವಾರ ರಾತ್ರಿ ನಡೆದಿದೆ. 75 ವರ್ಷದ ವೃದ್ಧೆ ಜಯಮ್ಮ ಕೊಲೆಯಾದ ದುರ್ದೈವಿ.

ಮದ್ಯದ ಚಟ ಮತ್ತು ಆಸ್ತಿ ಜಗಳ: ಮಗಳು ಭಾಗ್ಯಲಕ್ಷ್ಮಿಗೆ ಕುಡಿತದ ತೀವ್ರ ಚಟವಿತ್ತು. ಕುಟುಂಬದ ಆಸ್ತಿಯನ್ನು ಮಾರಿ ಆ ಹಣವನ್ನು ಕುಡಿತಕ್ಕೆ ಬಳಸುವ ವಿಚಾರವಾಗಿ ತಾಯಿ ಜಯಮ್ಮ ಮತ್ತು ಮಗಳ ನಡುವೆ ಗಲಾಟೆ ಶುರುವಾಗಿದೆ. ಈ ಮಾತಿನ ಚಕಮಕಿ ಜೋರಾದಾಗ, ಭಾಗ್ಯಲಕ್ಷ್ಮಿ ಮಗ (ಮೊಮ್ಮಗ) ಕುಶಾಲ್ ಕೂಡ ತಾಯಿಯ ಪರವಾಗಿ ಜಗಳಕ್ಕೆ ನಿಂತಿದ್ದಾನೆ. ವಿಕೋಪಕ್ಕೆ ತಿರುಗಿದ ಜಗಳದಲ್ಲಿ ಮನೆಯಲ್ಲಿದ್ದ ಭಾರವಾದ ವಸ್ತುವಿನಿಂದ ಜಯಮ್ಮ ಅವರ ತಲೆಗೆ ಹೊಡೆದಿದ್ದು, ತೀವ್ರ ರಕ್ತಸ್ರಾವದಿಂದ ವೃದ್ಧೆ ಸ್ಥಳದಲ್ಲೇ ಪ್ರಾಣ ಬಿಟ್ಟಿದ್ದಾರೆ.

Also Read “ಜೆನ್‌ ಜಿಯ ಧ್ವನಿ ದೇಶದ್ರೋಹವಲ್ಲ” – ಶಿಕ್ಷಣ ಸುಧಾರಣೆಗೆ ಎದ್ದ ಯುವ ಆಕ್ರೋಶಕ್ಕೆ RSS ಮೋಹನ್ ಭಾಗವತ್ ಬೆಂಬಲ…..

ಸ್ನೇಹಿತನ ಜಾಗರೂಕತೆಯಿಂದ ಬಯಲಾದ ರಹಸ್ಯ: ಕೊಲೆಯಾದ ನಂತರ ತಾಯಿ-ಮಗ ಇಬ್ಬರೂ ಸೇರಿ ಸತ್ಯವನ್ನು ಮುಚ್ಚಿಟ್ಟು, ಇದೊಂದು ಸಹಜ ಸಾವು ಎಂದು ಬಿಂಬಿಸಲು ಪ್ಲಾನ್ ಮಾಡಿದ್ದರು. ಆದರೆ ಮೊಮ್ಮಗ ಕುಶಾಲ್ ಗಾಬರಿಯಲ್ಲಿ ತನ್ನ ಸ್ನೇಹಿತನಿಗೆ ಫೋನ್ ಮಾಡಿ ವಿಷಯ ತಿಳಿಸಿದ್ದಾನೆ. ಅನುಮಾನಗೊಂಡ ಆ ಸ್ನೇಹಿತ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಿದ್ದಾನೆ. ಅಲರ್ಟ್ ಆದ ಕೆಂಗೇರಿ ಪೊಲೀಸರು ಸ್ಥಳಕ್ಕೆ ಧಾವಿಸಿ, ತಾಯಿ-ಮಗ ಇಬ್ಬರನ್ನೂ ವಶಕ್ಕೆ ಪಡೆದು ಸದ್ಯ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಮದ್ಯದ ವ್ಯಸನ ಮನುಷ್ಯನನ್ನು ಎಷ್ಟು ಕ್ರೂರಿಯನ್ನಾಗಿ ಮಾಡುತ್ತದೆ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ಕುಡಿತದ ಅಮಲಿನಲ್ಲಿ ಆಸ್ತಿಗಾಗಿ ಹೆತ್ತ ಕರುಳನ್ನೇ ಕತ್ತರಿಸುವ ಕೃತ್ಯಗಳು ಸಮಾಜ ತಲೆತಗ್ಗಿಸುವಂತೆ ಮಾಡಿದೆ.

##KengeriMurderCase #CrimeInBengaluru #AlcoholAddictionCrime #MotherMurdered #ಬೆಂಗಳೂರುಕೊಲೆಪ್ರಕರಣ