ಬೆಳ್ತಂಗಡಿ ತಾಲೂಕು ಇಳಂತಿಲ ಗ್ರಾಮದ ನಿವಾಸಿ ಯಶೋಧರ ಸಿಂಗ್ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದು, ಚಿಕಿತ್ಸೆಗಾಗಿ ಆರ್ಥಿಕ ನೆರವಿನ ಅಗತ್ಯವಿತ್ತು. ಈ ಹಿನ್ನೆಲೆಯಲ್ಲಿ ಸಮಾಜದವರು ಸಾಮಾಜಿಕ ಜಾಲತಾಣಗಳ ಮೂಲಕ ಸಹಾಯ ಕೋರಿ ಸಂದೇಶಗಳನ್ನು ಹಂಚಿಕೊಂಡಿದ್ದರು.

ಈ ಘಟನೆ ಓದಿದಾಗ ಮೊದಲಿಗೆ ಮೂಡುವ ಭಾವನೆ , ಬೇಸರ ಮತ್ತು ಅಸಹನೆ. ಅನಾರೋಗ್ಯದಿಂದ ಬಳಲುತ್ತಿರುವ ವ್ಯಕ್ತಿಯೊಬ್ಬರು ಸಹಾಯ ಕೇಳಿದಾಗ, ಅದನ್ನೇ ಅವಕಾಶ ಮಾಡಿಕೊಂಡು ವಂಚನೆ ಮಾಡುವವರು ಯಾವ ಮಟ್ಟದ ಮನೋಭಾವ ಹೊಂದಿರಬಹುದು ಎಂಬುದು ಪ್ರಶ್ನೆಯಾಗಿದೆ. ದುರ್ಬಲ ಸ್ಥಿತಿಯಲ್ಲಿ ಇದ್ದಾಗ, ಅವರ ಮಾನಸಿಕ ಸ್ಥಿತಿಯನ್ನು ಬಳಸಿಕೊಂಡು ವಂಚನೆ ಮಾಡಲಾಗಿದೆ. ಮಠ”, “ಧಾರ್ಮಿಕ ಸಂಸ್ಥೆ” ಎಂಬ ಹೆಸರು ಬಳಸುವುದು ಜನರ ವಿಶ್ವಾಸವನ್ನು ನಂಬಿಕೆಯನ್ನ ಸುಲಭವಾಗಿ ಗೆಲ್ಲಲು ಆದ್ದರಿಂದ ಆದಷ್ಟು ಎಚ್ಚರ ವಾಗಿರಬೇಕು.

Also Read ಒಂದೆಡೆ ‘ನಶಾ ಮುಕ್ತ ಯುವ ಭಾರತ’ ಅಭಿಯಾನ; ಮತ್ತೊಂದೆಡೆ ಪಬ್ ಸಂಸ್ಕೃತಿಯ ಸೆಳೆತ..! ಮಣಿಪಾಲದಲ್ಲಿ ಅಪ್ರಾಪ್ತರ ಮದ್ಯಪಾನ ಬಯಲು

ಉಪ್ಪಿನಂಗಡಿ: ಅನಾರೋಗ್ಯದಿಂದಾಗಿ ಆರ್ಥಿಕ ಸಂಕಷ್ಟ ಎದುರಿಸುತ್ತಿದ್ದ ವ್ಯಕ್ತಿಯೊಬ್ಬರನ್ನು ಸಹಾಯದ ನೆಪದಲ್ಲಿ ವಂಚಿಸಿದ ಘಟನೆ ಬೆಳಕಿಗೆ ಬಂದಿದೆ. ಈ ಸಂಬಂಧ ಸಂತ್ರಸ್ತರು ಉಪ್ಪಿನಂಗಡಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಈ ಮಾಹಿತಿಯನ್ನು ದುರುಪಯೋಗಪಡಿಸಿಕೊಂಡ ಅಪರಿಚಿತ ವಂಚಕರು, ಯಶೋಧರ ಸಿಂಗ್ ಅವರ ಪುತ್ರ ಸುಧಾನುಷ್ ಅವರನ್ನು ಸಂಪರ್ಕಿಸಿ, “ಮಂತ್ರಾಲಯದ ಮಠದಿಂದ 3 ಲಕ್ಷ ರೂಪಾಯಿ ಸಹಾಯ ನೀಡಲಾಗುವುದು. ಆದರೆ ಸರ್ಕಾರದ ನಿಯಮದಂತೆ 10% ತೆರಿಗೆ ಮೊದಲು ಪಾವತಿಸಬೇಕು” ಎಂದು ನಂಬಿಸಿದ್ದಾರೆ.

Also Read ಸೈಡ್ ಕೊಡಲಿಲ್ಲ ಎಂಬ ಸಣ್ಣ ವಿಚಾರ... ದೊಡ್ಡ ಜಗಳದ ವೈರಲ್ ವಿಡಿಯೋ... ಪೊಲೀಸ್ ಕೇಸ್... ಕೊನೆಗೆ ಬಂಧನ!

ಇದನ್ನು ನಂಬಿದ ಸುಧಾನುಷ್ ತಮ್ಮ ಬಳಿ ಇದ್ದ ₹28 ಸಾವಿರವನ್ನು ವಂಚಕರಿಗೆ ಕಳುಹಿಸಿದ್ದಾರೆ. ಆದರೆ ನಂತರ ಯಾವುದೇ ಸಹಾಯ ದೊರೆಯದೇ ಇರುವುದರಿಂದ ತಾವು ಮೋಸ ಹೋಗಿರುವುದು ತಿಳಿದುಬಂದಿದೆ.

ಘಟನೆ ಕುರಿತು ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಧಾರ್ಮಿಕ ಸಂಸ್ಥೆಗಳ ಹೆಸರನ್ನು ದುರುಪಯೋಗಪಡಿಸಿಕೊಂಡು ವಂಚನೆ ನಡೆಸುತ್ತಿರುವ ಆರೋಪಿಗಳನ್ನು ಪತ್ತೆಹಚ್ಚಲು ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

ಇದು ನಿಜಕ್ಕೂ ವಿಪರ್ಯಾಸ — ಸಹಾಯ ಬೇಕಿರುವ ವ್ಯಕ್ತಿಯನ್ನೇ ಗುರಿಯಾಗಿಸಿ ಮೋಸ ಮಾಡುವವರು, ಮಾನವೀಯತೆ ಕಳೆದುಕೊಂಡವರಂತೆ ಕಾಣುತ್ತಾರೆ.

#crime news#Manthralaya Matt misused#online fraud#stay safe from online scam