ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಕಳೆದ 10 ವರ್ಷದಿಂದ ಕೇಂದ್ರ ಸಚಿವರಾಗಿದ್ದಾರೆ. ಕೇಂದ್ರ ಸಚಿವರಾಗಿ ಅವರ ಸಾಧನೆ ಏನು ಅನ್ನುವುದರ ಬಗ್ಗೆ, ಅವರ ಕೊಡುಗೆ ಏನು ಸಮಾಜಕ್ಕೆ ಎನ್ನುವುದರ ಬಗ್ಗೆ, ಇಲ್ಲಿಯವರೆಗೆ ಒಮ್ಮೆಯೂ ರಿಪೋರ್ಟ್ ನೀಡುವ ಕೆಲಸ ಮಾಡಿಲ್ಲ. ಆದರೆ ರಾಜಕೀಯವಾಗಿ ಎದುರಾಳಿ ಪಕ್ಷದ ವಿರುದ್ಧ ,ರಾಜ್ಯ ಸರ್ಕಾರದ ವಿರುದ್ಧ ಆರೋಪ ಮಾಡುವುದರ ವಿಚಾರದಲ್ಲಿ ಯಾವತ್ತೂ ಮುಂದಿರುತ್ತಾರೆ.

ಅಡುಗೆ ಅನಿಲದ ದರ ಏರಿಕೆಯ ವಿಚಾರದಲ್ಲಿ, ಕೇಂದ್ರ ಸಚಿವರಾದ ಪ್ರಹಲ್ಲಾದ್ ಜೋಶಿಯವರು ಸುಮ್ಮನೆ ಕೂರಲಾಗದೇ. ಸ್ಟೇಟ್ಮೆಂಟ್ ಒಂದನ್ನು ಪಾಸ್ ಮಾಡಿ ನಗೆ ಪಾಟಲಿಗೀಡಾಗುತ್ತಿದ್ದಾರೆ. ಅನಿಲ ಕಂಪನಿಗಳು ದರ ಏರುಸುತ್ತಿವೆ, ನಾವಲ್ಲ ಎನ್ನುವ ಸ್ಟೇಟ್ಮೆಂಟ್ ಸನ್ಮಾನ್ಯ ಪ್ರಹ್ಲಾದ್ ಜೋಶಿಯವರದ್ದು.

ಕೇಂದ್ರ ಸರ್ಕಾರಕ್ಕೆ ಈ ಕಂಪನಿಗಳ ಮೇಲೆ ಯಾವುದೇ ಹಿಡಿತ ಇಲ್ಲವೇ ಹಾಗಾದರೆ? ಅಷ್ಟಕ್ಕೂ ಕೇಂದ್ರ ಸರ್ಕಾರದ ಕೆಲಸ ಏನು? ಪೆಟ್ರೋಲಿಯಂ ಸಚಿವರು ಇರುವುದಾದರೂ ಯಾಕೆ? ಕಂಪನಿಗಳು ಬೆಲೆ ಜಾಸ್ತಿ ಮಾಡಿವೆ ಅಂತ ಹೇಳಿಕೆ ನೀಡುವ ಮೂಲಕ, ತಮ್ಮ ಸ್ಥಾನದ ಮೌಲ್ಯವನ್ನು ಪ್ರಹಲ್ಲಾದ್ ಜೋಶಿ ಅವರು ಕಳೆದುಕೊಂಡಿದ್ದಾರೆ.

Also Read “ಒಂದು ಫಾರ್ವರ್ಡ್... ಒಂದು ಎಫ್‌ಐಆರ್!”ಲಾವಣ್ಯ ಕೊಲೆ ಪ್ರಕರಣ ಆರೋಪಿಗೆ ಕೋಮು ಬಣ್ಣ ಹಚ್ಚಿದ – 6 ಸಾಮಾಜಿಕ ಜಾಲತಾಣ ಖಾತೆಗಳು/ಗ್ರೂಪ್‌ಗಳ ವಿರುದ್ಧ FIR..!

ಇದರ ಜೊತೆಗೇನೆ, ಇನ್ನೊಂದು ಸ್ಟೇಟ್ಮೆಂಟ್ ನೀಡುತ್ತಾರೆ. ಅಮೇರಿಕಾ ಹಾಗೂ ಇರಾನ್ ಯುದ್ಧ ಮುಗಿಯುತಿದ್ದಂತೆಯೇ ಏರಿದ ಬೆಲೆಯಲ್ಲಿ ಗಣನೀಯ ಇಳಿಕೆ ಕಾಣಬಹುದು ಎಂಬುದು ಸಚಿವ ಜೋಶಿಯವರ ಮುಂದುವರಿದ ಸ್ಟೇಟ್ಮೆಂಟ್. ಇಂತಹ ಸ್ಟೇಟ್ಮೆಂಟ್ ಗಳನ್ನು ಸಾಮಾನ್ಯ ಜನರೂ ನೀಡುತ್ತಾರೆ ಜೋಶಿಯವರೆ. ಕೇಂದ್ರ ಸಚಿವರಾಗಿ ಅಡ್ಡಗೋಡೆಯ ಮೇಲೆ ದೀಪ ಇಟ್ಟಂತೆ ಮಾತು ಆಡುವುದನ್ನು ನಿಲ್ಲಿಸಬೇಕು. ನಿಮ್ಮ ಬಾಯಿಯಿಂದ ಸರ್ಕಾರದ ಅಧಿಕೃತ ಸ್ಟೇಟ್ಮೆಂಟ್ ನ್ನು ಕೇಳಲು ಜನರು ಬಯಸುತ್ತಾರೆಯ ವಿನಹ ಈ ತರಹದ ಸ್ಟೇಟ್ಮೆಂಟ್ಗಳನ್ನಲ್ಲ. ನಿಮ್ಮ ಈ ರೀತಿಯ ಸ್ಟೇಟ್ಮೆಂಟ್ ಗಳಿಂದ ಸರ್ಕಾರದ ಮರ್ಯಾದೆಯ ಹೋಗುತ್ತದೆ. ಸರ್ಕಾರಕ್ಕೆ ಯಾವುದೇ ಹಿಡಿತ ಇಲ್ಲ ಅನ್ನುವ ಮೆಸೇಜ್ ಪಾಸಾಗುತ್ತದೆ. ಈಗ ಉತ್ತರ ಕೊಡಿ, ಸರ್ಕಾರಕ್ಕೆ ತೈಲ ಕಂಪನಿಗಳ ಮೇಲೆ ಹಿಡಿತ ಇದೆಯೇ ಅಥವಾ ಇಲ್ಲವೇ ? ಪ್ರಹ್ಲಾದ್ ಜೋಶಿಯವರ ನಿನ್ನೆಯ ಸ್ಟೇಟ್ಮೆಂಟ್ ಪ್ರಕಾರ ಹಿಡಿತ ಇಲ್ಲ. ಇದು ನಿಜವಾದರೆ ಇದಕ್ಕಿಂತ ಕೆಟ್ಟದ್ದು ಇನ್ನೇನಿದೆ? ಈ ಕಾರಣಕ್ಕಾಗಿಯಾ ಹೆಮ್ಮೆಯ ನಮ್ಮ ಹೋರಾಟಗಾರರು ಸ್ವಾತಂತ್ರ್ಯವನ್ನು ತಂದು ಕೊಟ್ಟದ್ದು?

Also Read ಸೆಪ್ಟೆಂಬರ್‌ನಲ್ಲಿ ಚಿನ್ನ-ಬೆಳ್ಳಿ ಭಾರಿ ಕುಸಿತ: ಮುಂದಿನ ದಿನಗಳಲ್ಲೂ ಏರಿಳಿತ ಸಾಧ್ಯತೆ