ಇತ್ತೀಚೆಗೆ ಚಿನ್ನದ ಬೆಲೆ ಹಿಂದೆಂದೂ ಕಾಣದ ರೀತಿಯಲ್ಲಿ ಗಗನಕ್ಕೇರುತ್ತಿದೆ. ಇದನ್ನೇ ಬಂಡವಾಳ ಮಾಡಿಕೊಂಡಿರುವ ಕೆಲವರು, ಶ್ರಮವಿಲ್ಲದೆ ಕೋಟ್ಯಾಧಿಪತಿಗಳಾಗಲು ಕಳ್ಳತನವನ್ನೇ ಒಂದು ಫುಲ್-ಟೈಮ್ ಬಿಸಿನೆಸ್ (ಅಕ್ರಮ ವ್ಯವಹಾರ) ಮಾಡಿಕೊಂಡಿದ್ದಾರೆ! ಚಿನ್ನದ ದರ ಏರುತ್ತಿರುವ ಈ ಟ್ರೆಂಡ್ ಅನ್ನೇ ನಂಬಿ, ಇದನ್ನೇ ತಮ್ಮ ‘ಇನ್ವೆಸ್ಟ್‌ಮೆಂಟ್ ಪ್ಲಾನ್’ ಮಾಡಿಕೊಂಡಿದ್ದ ಖತರ್ನಾಕ್ ಬೆಂಗಳೂರು ಮೂಲದ ದಂಪತಿಯನ್ನು ಕುಣಿಗಲ್ ಪೊಲೀಸರು ಸಿನಿಮಾ ಸ್ಟೈಲ್‌ನಲ್ಲಿ ಹೆಡೆಮುರಿ ಕಟ್ಟಿದ್ದಾರೆ.

ಮೇ 29 ರಂದು ಕುಣಿಗಲ್‌ನ ಹೌಸಿಂಗ್ ಬೋರ್ಡ್ ಕಾಲೋನಿಯ ರಿಜ್ವಾನ್ ಎಂಬುವವರ ಮನೆಯಲ್ಲಿ ಇಡೀ ಪ್ಲಾನ್ ಎಕ್ಸಿಕ್ಯೂಟ್ ಆಗಿತ್ತು. ರಿಜ್ವಾನ್ ಅವರು ಹೊಸ ನಿವೇಶನ (ಸೈಟ್) ಖರೀದಿಸಲು ಕಷ್ಟಪಟ್ಟು ಕೂಡಿಟ್ಟಿದ್ದ ಹಣ ಮತ್ತು ಚಿನ್ನವನ್ನು ಮನೆಯಲ್ಲಿ ಇಟ್ಟಿದ್ದರು. ಚಿನ್ನದ ಬೆಲೆ ಪೀಕ್‌ನಲ್ಲಿರುವ ಈ ಸಮಯವನ್ನೇ ಹೊಂಚು ಹಾಕಿದ ಬೆಂಗಳೂರಿನ ರಾಮಚಂದ್ರಾಪುರದ ಮಂಜುನಾಥ್ ಮತ್ತು ಅನಿತಾ ದಂಪತಿ, ಮನೆ ಬೀಗ ಮುರಿದು ಕ್ಷಣಾರ್ಧದಲ್ಲಿ ಕೋಟ್ಯಂತರ ರೂಪಾಯಿ ಮೌಲ್ಯದ ಆಸ್ತಿಯನ್ನು ದೋಚಿ ಪರಾರಿಯಾಗಿದ್ದರು.

ಖತರ್ನಾಕ್ ಕಿಂಗ್‌ಪಿನ್ ಮಂಜುನಾಥ್: ಈತ ಸಾಮಾನ್ಯ ಕಳ್ಳನಲ್ಲ, ಕಳ್ಳತನದ ಲೋಕದ ಪಿಎಚ್‌ಡಿ ಹೋಲ್ಡರ್! ಈತನ ಮೇಲೆ ಈಗಾಗಲೇ ಬರೋಬ್ಬರಿ 35 ಕಳವು ಪ್ರಕರಣಗಳು ದಾಖಲಾಗಿವೆ ಎಂದರೆ ಈತನ “ನೆಟ್‌ವರ್ಕ್” ಮತ್ತು “ಎಕ್ಸ್‌ಪೀರಿಯೆನ್ಸ್” ಎಷ್ಟಿರಬಹುದು ಊಹಿಸಿ…!

ಸಾಮಾನ್ಯವಾಗಿ ಗಂಡ ತಪ್ಪು ದಾರಿ ಹಿಡಿದರೆ ಹೆಂಡತಿ ಬುದ್ಧಿ ಹೇಳುತ್ತಾಳೆ, ಆದರೆ ಇಲ್ಲಿ ಸೀನ್ ಉಲ್ಟಾ ಇತ್ತು. ಗಂಡ ಕಷ್ಟಪಟ್ಟು ಕನ್ನ ಹಾಕಿ ತರುತ್ತಿದ್ದ ಒಡವೆಗಳನ್ನು, ಇಂದಿನ ಬಂಗಾರದ ಗರಿಷ್ಠ ದರಕ್ಕೆ ಮಾರ್ಕೆಟ್‌ನಲ್ಲಿ ಮಾರಿ ಅಥವಾ ಅಡವಿಟ್ಟು ಐಷಾರಾಮಿ ಜೀವನ ನಡೆಸುವುದು ಪತ್ನಿ ಅನಿತಾಳ ಮುಖ್ಯ ಕೆಲಸವಾಗಿತ್ತು. ಅಂದರೆ, ಇದೊಂದು ಪಕ್ಕಾ ವೆಲ್-ಪ್ಲಾನ್ಡ್ “ಫ್ಯಾಮಿಲಿ ಬಿಸಿನೆಸ್” ತರಹ ನಡೆದುಕೊಂಡು ಬರುತ್ತಿತ್ತು., ಲಕ್ಸುರಿ ಲೈಫ್ ಲೀಡ್ ಮಾಡುತ್ತಿದ್ದ “ಬಿಸಿನೆಸ್ ಪಾರ್ಟ್ನರ್” ಈಕೆ.

ಆದರೆ, ಈ ಖದೀಮ ಜೋಡಿಯ ಆಟ ಸದಾ ನಡೆಯಲಿಲ್ಲ. 35 ಕೇಸ್‌ಗಳಲ್ಲಿ ಪೊಲೀಸರ ಕಣ್ಣು ತಪ್ಪಿಸಿದ್ದ ಈ ಜೋಡಿಯನ್ನು, ಕುಣಿಗಲ್ ಪೊಲೀಸರು ಖಚಿತ ಮಾಹಿತಿ ಮೇರೆಗೆ ಭರ್ಜರಿ ಕಾರ್ಯಾಚರಣೆ ನಡೆಸಿ ಈ ದಂಪತಿಯನ್ನು ಹೆಡೆಮುರಿ ಕಟ್ಟಿದ್ದಾರೆ. ಬಂಧಿತರಿಂದ ಬರೋಬ್ಬರಿ 25 ಲಕ್ಷ ರೂಪಾಯಿ ನಗದು, ಇಂದಿನ ಪೀಕ್ ರೇಟ್‌ನಲ್ಲಿ ಭಾರಿ ಮೌಲ್ಯ ಬಾಳುವ 31 ಗ್ರಾಂ ಚಿನ್ನಾಭರಣ ಹಾಗೂ ಕೃತ್ಯಕ್ಕೆ ಬಳಸಿದ್ದ ಬೈಕನ್ನು ವಶಪಡಿಸಿಕೊಳ್ಳಲಾಗಿದೆ. ಚಿನ್ನದ ಬೆಲೆ ಏರಿದಂತೆ ಕಳ್ಳರ ಹಸಿವು ಮತ್ತು ಅವರ ಅಕ್ರಮ ಬಿಸಿನೆಸ್ ಹೇಗೆ ಸ್ಕೇಲ್ ಅಪ್ ಆಗುತ್ತಿದೆ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ!

ಕಷ್ಟಪಟ್ಟು ಸಂಪಾದಿಸಿದ ಹಣ, ಒಡವೆಗಳನ್ನು ಮನೆಯಲ್ಲಿಡುವಾಗ ಸಾರ್ವಜನಿಕರು ಹತ್ತು ಬಾರಿ ಯೋಚಿಸಬೇಕಾದ ಅನಿವಾರ್ಯತೆ ಎದುರಾಗಿದೆ. ಸದ್ಯಕ್ಕಂತೂ ಈ “ಖತರ್ನಾಕ್ ಬಿಸಿನೆಸ್ ಜೋಡಿ” ಕಂಬಿ ಎಣಿಸುತ್ತಿದೆ!

##ತುಮಕೂರುಬ್ರೇಕಿಂಗ್ #ಕ್ರೈಂಸುದ್ದಿ #ಚಿನ್ನದಬೆಲೆ #ಕುಣಿಗಲ್ #ಕಳ್ಳದಂಪತಿ