ಕಳೆದ ಮೂರು ನಾಲ್ಕು ವರ್ಷದಿಂದ ಕೋವಿಡ್ ಲಸಿಕೆಯಿಂದ ಏನೋ ಒಂದು ಸಮಸ್ಯೆ ಇದೆ ಎಂಬ ಅನುಮಾನವೂ ಇಡೀ ದೇಶದ ತುಂಬಾ ಹಬ್ಬಿದ್ದದ್ದು ಸುಳ್ಳಲ್ಲ. ಈ ರೀತಿಯ ಅನುಮಾನಗಳ ವಿರುದ್ಧ ಅನೇಕ ಡಾಕ್ಟರ್ಸ್ಗಳು ಕೂಡ ಕೆಂಡಕಾರಿದ್ದರು. ಸರ್ಕಾರದ ಪರ ಇರುವವರು ಈ ಅನುಮಾನದ ಹಿಂದೆ ಸರ್ಕಾರಿ ವಿರೋಧಿ ಚಟುವಟಿಕೆಗಳ ಕೈವಾಡ ಇದೆ ಎಂದು ಆರೋಪಿಸಿದ್ದರು ಕೂಡ.

ಆದರೆ ಈಗ ಮೊದಲ ಬಾರಿಗೆ ಕೋವಿಡ್ ಶೀಲ್ಡ್ ಲಸಿಕೆ ಇಂದ ಸೈಡ್ ಎಫೆಕ್ಟ್ ಇದೆ ಅನ್ನುವುದನ್ನು ಮೂಲ ಕಂಪನಿಯು ಒಪ್ಪಿಕೊಂಡಿದೆ. ಯಾವ ಯಾವ ಸಮಸ್ಯೆ ಇದೆ ಅನ್ನುವುದನ್ನೂ ಸಹ ಈ ಸಂದರ್ಭದಲ್ಲಿ ಆ ಕಂಪನಿಯು ಹೇಳಿದೆ.

ಬ್ರಿಟನ್ ಮೂಲದ “ಆಸ್ಟ್ರಾ ಜನಿಕ” ಕಂಪನಿಯು ಕೋವಿಡ್ ಶೀಲ್ಡ್ ಲಸಿಕೆಯ ಜನಕ. ಕಂಪನಿಯು ಲಸಿಕೆಯಿಂದ ಇರುವ ಸೈಡ್ ಎಫೆಕ್ಟ್ ನ್ನು ಲೇಟ್ ಆಗಿಯಾದರೂ ಒಪ್ಪಿಕೊಂಡಿದೆ. ರಕ್ತ ಹೆಪ್ಪುಗಟ್ಟುವಿಕೆಯ ಜೊತೆಗೆ ಪ್ಲೇಟ್ಲೆಟ್ ಕೌಂಟ್ ಕಡಿಮೆಯಾಗುವ ಸಮಸ್ಯೆಯು ಈ ಒಂದು ಲಸಿಕೆಯಿಂದ ಉಂಟಾಗಲಿದೆ ಎಂದು ಕಂಪನಿಯು ಹೇಳಿದೆ. ಈ ಲಸಿಕೆಯಿಂದ ತ್ರೋಂಬೋಸಿಸ್ ಎಂಬ ರೋಗದ ಸಮಸ್ಯೆಯನ್ನು ಕಾಣಬಹುದು ಅಂತಲೂ, ಕಂಪನಿಯು ಇದೇ ಮೊದಲ ಬಾರಿಗೆ ಒಪ್ಪಿಕೊಂಡಿದೆ.

Also Read ಇಂದು ಮಾಜಿ ಸಚಿವರಿಂದ ಸೌಹಾರ್ದ ಇಫ್ತಾರ್ ಕೂಟ

ಕೋವಿಡ್ ಶೀಲ್ಡ್ ಲಸಿಕೆಯನ್ನು ಭಾರತದಲ್ಲಿ ಪುಣೆಯ ಮೂಲದ ಸೀರಂ ಇನ್ಸ್ಟಿಟ್ಯೂಟ್ ಸಂಸ್ಥೆಯು ತಯಾರು ಮಾಡಿ ಭಾರತದಲ್ಲಿ ಬಿಡುಗಡೆ ಮಾಡಿತ್ತು. ಹಾಗೆಯೇ ಇಲ್ಲಿಂದ ಹೊರದೇಶಗಳಿಗೂ ರಫ್ತು ಮಾಡಿತು ಅನ್ನುವುದನ್ನು ನೆನಪಿಸಿಕೊಳ್ಳಬಹುದಾಗಿದೆ. ಈ ಲಸಿಕೆಯ ಮೂಲ ಮಾಲಿಕ ಬ್ರಿಟನ್ ಮೂಲದ “ಆಸ್ಟ್ರಾಜನಿಕ” ಸಂಸ್ಥೆ ಅನ್ನುವುದು ಸಹ ಇಷ್ಟು ಸಮಯ ಅನೇಕರಿಗೆ ತಿಳಿದಿರಲಿಲ್ಲ.