ಕರ್ನಾಟಕಕ್ಕೆ ಕೇವಲ 3.65% ತೆರಿಗೆ ಪಾಲು: ಯುಪಿಗೆ 5 ಪಟ್ಟು ಹೆಚ್ಚು!” 15ನೇ ಹಣಕಾಸು ಆಯೋಗದಿಂದ ಕರ್ನಾಟಕಕ್ಕೆ ನಷ್ಟ” ಹೆಚ್ಚು ತೆರಿಗೆ ಕಟ್ಟಿದ ಕರ್ನಾಟಕಕ್ಕೆ ಕಡಿಮೆ ಪಾಲು ಕೇಂದ್ರದ ಹಂಚಿಕೆ ಸೂತ್ರದ ವಿರುದ್ಧ ಕರುನಾಡ ಜನ ಕರುಣೆ ಬಿಟ್ಟು ರೊಚ್ಚಿಗೇಳುವ ಸ್ಥಿತಿ…

ಬೆಂಗಳೂರು: ಕೇಂದ್ರ ಸರ್ಕಾರದ ತೆರಿಗೆ ಹಂಚಿಕೆಯಲ್ಲಿ ಕರ್ನಾಟಕಕ್ಕೆ ಮತ್ತೊಮ್ಮೆ ಅನ್ಯಾಯವಾಗಿರುವುದು ಬಹಿರಂಗವಾಗಿದೆ. 2025-26 ಹಣಕಾಸು ವರ್ಷದಲ್ಲಿ ರಾಜ್ಯಕ್ಕೆ ಕೇಂದ್ರದಿಂದ ₹46,185 ಕೋಟಿ ಮಾತ್ರ ಸಿಕ್ಕಿದ್ದು, ಇದು ದೇಶದ ಒಟ್ಟು ತೆರಿಗೆ ಹಂಚಿಕೆಯ ಕೇವಲ 3.65%ಆಗಿದೆ.
ಇದಕ್ಕೆ ವಿರುದ್ಧವಾಗಿ ಉತ್ತರ ಪ್ರದೇಶಕ್ಕೆ ₹2,27,174 ಕೋಟಿ ಸಿಕ್ಕಿದ್ದು, ಇದು ಕರ್ನಾಟಕಕ್ಕಿಂತ ಸುಮಾರು 5 ಪಟ್ಟು ಹೆಚ್ಚು.
ಅದೇ ವೇಳೆ ಮಧ್ಯಪ್ರದೇಶ (₹99,410 ಕೋಟಿ) ಮತ್ತು ಪಶ್ಚಿಮ ಬಂಗಾಳ (₹95,269 ಕೋಟಿ) ರಾಜ್ಯಗಳಿಗೆ ಕರ್ನಾಟಕಕ್ಕಿಂತ ಎರಡು ಪಟ್ಟು ಹೆಚ್ಚು ಪಾಲು ದೊರೆತಿದೆ.

Also Read “ಗ್ಯಾರಂಟಿ “ಹಣದ ಮೇಲೆ ಆಯೋಗದ ಕಣ್ಣು: ಸಿಎಂ ಸಿಡಿಮಿಡಿ ..ರಾಜಕೀಯ ಕಿಡಿ!

ತಜ್ಞರ ಪ್ರಕಾರ, 15ನೇ ಹಣಕಾಸು ಆಯೋಗದ ಸೂತ್ರದ ಕಾರಣದಿಂದ ಕರ್ನಾಟಕದ ಪಾಲು 14ನೇ ಆಯೋಗದ 4.71% ರಿಂದ 3.64% ಗೆ ಇಳಿದಿದೆ. ಇದರಿಂದ ರಾಜ್ಯವು ಸುಮಾರು ₹62 ಸಾವಿರ ಕೋಟಿ ನಷ್ಟ ಅನುಭವಿಸಿದೆ.

ಇನ್ನೊಂದೆಡೆ, ಜಿಎಸ್‌ಟಿ ಪರಿಹಾರ ನಿಲ್ಲಿಕೆ ಮತ್ತು ದರ ಸಡಿಲಿಕೆಗಳಿಂದ ರಾಜ್ಯಕ್ಕೆ ಹೆಚ್ಚುವರಿ ₹19 ಸಾವಿರ ಕೋಟಿ ನಷ್ಟ ಆಗಿದೆ ಎಂದು ಅಂದಾಜಿಸಲಾಗಿದೆ.

ಆರ್ಥಿಕ ತಜ್ಞರು ಹೇಳುವಂತೆ, “ಕರ್ನಾಟಕ ದೇಶದ ಆರ್ಥಿಕತೆಗೆ ದೊಡ್ಡ ಕೊಡುಗೆ ನೀಡುತ್ತದಾದರೂ, ಕೇಂದ್ರದ ತೆರಿಗೆ ಹಂಚಿಕೆಯಲ್ಲಿ ರಾಜ್ಯಕ್ಕೆ ನ್ಯಾಯಯುತ ಪಾಲು ಸಿಗುತ್ತಿಲ್ಲ” ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.