ಬಹುತೇಕ ಒಂದು ವರ್ಷದ ಹಿಂದೆ ಹೊತ್ತಿಕೊಂಡಿದ್ದ ಕಿಡಿಯು ದಗ ದಗ ಉರಿಯಲು ಶುರು ಮಾಡುತ್ತಿದ್ದಂತೆಯೇ ಅಕ್ಕ ಪಕ್ಕದವರು ಶತ ಪ್ರಯತ್ನ ಪಟ್ಟು ಬೆಂಕಿಯನ್ನು ಆರಿಸಿದ್ದಾರೆ.

ಎಸ್, ಜಾಗತಿಕ ಬಂಟರ ಸಂಘದ ಅಧ್ಯಕ್ಷರಾದ ಐಕಳ ಹರೀಶ್ ಶೆಟ್ಟಿ ಮತ್ತು ಅದೇ ಸಂಘದಲ್ಲಿ ಗುರುತಿಸಿಕೊಂಡಿದ್ದ ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿಯವರ ಮಧ್ಯ ಉಂಟಾಗಿದ್ದ ಬಹುದೊಡ್ಡ ಕಂದಕಕ್ಕೆ ನಿನ್ನೆ ಮುಂಬೈನಲ್ಲಿ ಸಮಾಜದ ಗಣ್ಯರೆಲ್ಲರೂ ಸೇರಿಕೊಂಡು ತೆಪೆ ಹಚಿದ್ದರಿಂದ ತಾತ್ಕಾಲಿಕವಾಗಿ ಸರಿಯಾಗಿದೆ. ಇದುವೇ ಖಾಯಂ ಆಗಿರಲೆಂದು ಹಾರೈಸಲಾಗುತ್ತಿದೆ

ಬಹುತೇಕವಾಗಿ ಒಂದು ವರ್ಷದ ಹಿಂದೆ ಸುಪ್ರಸಿದ್ದ ಗಣಪತಿ ದೇವಸ್ಥಾನದ ಬ್ರಹ್ಮಕಲಶದ ಸಂದರ್ಭದಲ್ಲಿ ಪ್ರಾರಂಭವಾದ ಸಂಘರ್ಷ, ತೀರಾ ಇತ್ತೀಚೆಗೆ ತುತ್ತ ತುದಿಗೆ ಹೋಗಿತ್ತು. ಸ್ವತಹ ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿ ಅವರು ನೇರವಾಗಿ ಮಾಧ್ಯಮದ ಎದುರೇ ಬಂದು ಹಲವು ಗುರುತರವಾದ ಆರೋಪಗಳ ಮೂಲಕ ತಮ್ಮ ಸಾರ್ವಜನಿಕ ಸೇವಾ ಕೈನಂಕರ್ಯಗಳಿಗೆ ತಿಲಾಂಜಲಿ ನೀಡುವ ಘೋಷಣೆಯನ್ನು ಮಾಡುತ್ತಾರೆ.

ಈ ವಿಚಾರವು ಬಂಟ ಸಮಾಜದಲ್ಲಿ ಸಾಕಷ್ಟು ಬಿರುಸಿನ ಚಟುವಟಿಕೆಗೆ ಕಾರಣವಾಗಿತ್ತು. ಅವೆಲ್ಲವುಗಳ ಪರಿಣಾಮ ಮತ್ತು ಸಮಾಜದ ಕೆಲವು ಹಿರಿಯರು ಗಣ್ಯರು ಒಟ್ಟಾಗಿ ಪ್ರಯತ್ನಿಸಿದ್ದರ ಫಲವಾಗಿ, ಜಾಗತಿಕ ಬಂಟರ ಸಂಘದ ಅಧ್ಯಕ್ಷರು ಮತ್ತು ಉದ್ಯಮಿ ಕನ್ಯಾನರ ನಡುವಿನ ವೈ ಮನಸ್ಸು, ಗೊಂದಲ ಹಾಗೂ ಆರೋಪ ಪ್ರತ್ಯಾರೋಪಗಳಿಗೆ ತೆರೆ ಬಿದ್ದಿದೆ. ಇದು ಒಳ್ಳೆಯ ಬೆಳವಣಿಗೆಯೇ ಹೌದು. ಆದರೆ ಇವರಿಬ್ಬರ ನಡುವಿನ ಗುದ್ದಾಟದ ಸಂದರ್ಭದಲ್ಲಿ ಬಂದಂತಹ ಆರೋಪ ಪ್ರತ್ಯಾರೋಪಗಳ ವಿಚಾರದಲ್ಲಿ ಅನೇಕ ವಿಚಾರಗಳು ಸಮಾಜದ ಜನಸಾಮಾನ್ಯರ ಮಾನಸದಲ್ಲಿ ಉಳಿದು ಹೋಗಿದ್ದು ಮಾತ್ರ ಸುಳ್ಳಲ್ಲ. ಅವುಗಳಿಗೂ ತೆರೆ ಬೀಳಲಿ ಅನ್ನುವುದು ಹಿರಿಯರ ಹಾರೈಕೆ