ಸುಪ್ರೀಂ ಕೋರ್ಟ್ ಮಹತ್ವದ ತೀರ್ಪು: ದಯಾ ಮರಣಕ್ಕೆ ಅನುಮತಿ

Karavali Maruta | 7 months ago | 11 March 2026

ಭಾರತದ ಸುಪ್ರೀಂ ಕೋರ್ಟ್ ಮಾನವೀಯ ಮತ್ತು ಕಾನೂನು ದೃಷ್ಟಿಯಿಂದ ಮಹತ್ವದ ತೀರ್ಪು ನೀಡಿದೆ. 12 ವರ್ಷಗಳಿಂದ ವೇಜಿಟೇಟಿವ್ ಸ್ಥಿತಿಯಲ್ಲಿ ಇದ್ದ 31 ವರ್ಷದ ವ್ಯಕ್ತಿಗೆ ಪ್ಯಾಸಿವ್ ಯೂಥನೇಷಿಯಾ (Passive Euthanasia) ಅಡಿಯಲ್ಲಿ ಲೈಫ್ ಸಪೋರ್ಟ್ ಹಿಂಪಡೆಯಲು ಅನುಮತಿ ನೀಡಲಾಗಿದೆ. ಈ ತೀರ್ಪು “ಗೌರವಯುತ ಮರಣದ ಹಕ್ಕು” ಕುರಿತ ರಾಷ್ಟ್ರೀಯ ಚರ್ಚೆಗೆ ಮತ್ತಷ್ಟು ಮಹತ್ವ ತಂದಿದೆ.

ಪ್ರಕರಣದ ಹಿನ್ನೆಲೆ

2013ರಲ್ಲಿ ಸಂಭವಿಸಿದ ಅಪಘಾತದಲ್ಲಿ ಯುವಕನಿಗೆ ತೀವ್ರ ತಲೆಗಾಯವಾಗಿದ್ದು, ನಂತರದಿಂದ ಅವನು ಸ್ಥಿರ ವೇಜಿಟೇಟಿವ್ ಸ್ಥಿತಿ (Persistent Vegetative State) ಯಲ್ಲಿ ಇದ್ದನು.
ಅವನಿಗೆ ಸ್ವತಃ ಮಾತನಾಡಲು ಅಥವಾ ಚಲಿಸಲು ಸಾಧ್ಯವಾಗುತ್ತಿರಲಿಲ್ಲ.
ದೈನಂದಿನ ಜೀವನ ಸಂಪೂರ್ಣವಾಗಿ ವೈದ್ಯಕೀಯ ಸಾಧನಗಳ ಮೇಲೆ ಅವಲಂಬಿತವಾಗಿತ್ತು.
ಚಿಕಿತ್ಸೆ ದೀರ್ಘಕಾಲ ಮುಂದುವರೆದರೂ ಆರೋಗ್ಯದಲ್ಲಿ ಯಾವುದೇ ಸುಧಾರಣೆ ಕಂಡುಬರಲಿಲ್ಲ.

Also Read ದೆಹಲಿ ಕೆಂಪುಕೋಟೆ ಸ್ಫೋಟಕ್ಕೆ AQIS ಸಂಪರ್ಕ: UNSC ವರದಿಯಿಂದ ಬೆಚ್ಚಿಬಿದ್ದ ಭದ್ರತಾ ವಲಯ

ಈ ಪರಿಸ್ಥಿತಿಯಲ್ಲಿ ಯುವಕನ ತಂದೆ ಸುಪ್ರೀಂ ಕೋರ್ಟ್‌ಗೆ ಮನವಿ ಸಲ್ಲಿಸಿ, ಮಗನಿಗೆ ಗುಣಮುಖವಾಗುವ ಸಾಧ್ಯತೆ ಇಲ್ಲದ ಕಾರಣ ಜೀವನಾಧಾರ ವ್ಯವಸ್ಥೆಗಳನ್ನು
ವೆಂಟಿಲೇಟರ್
ಫೀಡಿಂಗ್ ಟ್ಯೂಬ್
ಇತರ ಜೀವಸಹಾಯಕ ವೈದ್ಯಕೀಯ ಸಾಧನಗಳನ್ನ
ಹಿಂತೆಗೆದುಕೊಳ್ಳಲು ಅನುಮತಿ ನೀಡಬೇಕು ಎಂದು ಕೋರಿದರು.

ಸ್ಪಂದಿಸಿದ ವೈದ್ಯಕೀಯ ಮಂಡಳಿಯ ಪರಿಶೀಲನೆ ನಡಿಸಿ
ಸುಪ್ರೀಂ ಕೋರ್ಟ್ ಸೂಚನೆಯ ಮೇರೆಗೆ ವೈದ್ಯಕೀಯ ತಜ್ಞರ ಮಂಡಳಿ ಯುವಕನ ಆರೋಗ್ಯವನ್ನು ಪರಿಶೀಲಿಸಿತು.

ಮಂಡಳಿಯ ವರದಿಯ ಪ್ರಮುಖ ಅಂಶಗಳು:
ರೋಗಿ ದೀರ್ಘಕಾಲದ ವೇಜಿಟೇಟಿವ್ ಸ್ಥಿತಿಯಲ್ಲಿ ಇದ್ದಾನೆ
ಮೆದುಳಿನ ಕಾರ್ಯಚಟುವಟಿಕೆಗಳಲ್ಲಿ ಸುಧಾರಣೆ ಕಾಣುವ ಸಾಧ್ಯತೆ ಅತ್ಯಂತ ಕಡಿಮೆ
ವೈದ್ಯಕೀಯ ಚಿಕಿತ್ಸೆ ಮುಂದುವರೆದರೂ ಪುನಃ ಚೇತರಿಕೆಯ ನಿರೀಕ್ಷೆ ಇಲ್ಲ ಅನ್ನೋದನ್ನ ಮನಗಂಡು ,
ನ್ಯಾಯಾಲಯ ಅಂತಿಮ ತೀರ್ಪು ನೀಡಿತು.

Also Read 2026 ವಿಧಾನಸಭೆ ಚುನಾವಣೆ – ಮುಖ್ಯ ಮಾಹಿತಿ

ಸುಪ್ರೀಂ ಕೋರ್ಟ್ ತೀರ್ಪಿನ ಪ್ರಮುಖ ಅಂಶಗಳು

ನ್ಯಾಯಮೂರ್ತಿಗಳಾದ ಜಸ್ಟಿಸ್ ಜೇ.ಬಿ. ಪರ್ಡಿವಾಲಾ ಮತ್ತು ಜಸ್ಟಿಸ್ ಕೆ.ವಿ. ವಿಶ್ವನಾಥನ್ ನೇತೃತ್ವದ ಪೀಠ ಈ ಪ್ರಕರಣದಲ್ಲಿ ಕೆಲವು ಮಹತ್ವದ ನಿರ್ದೇಶನಗಳನ್ನು ನೀಡಿದೆ.
ನಿರ್ದಿಷ್ಟ ಸಂದರ್ಭಗಳಲ್ಲಿ ಪ್ಯಾಸಿವ್ ಯೂಥನೇಷಿಯಾ ಅನುಮತಿಸಬಹುದು
ವೈದ್ಯಕೀಯ ಮಂಡಳಿಯ ಅನುಮತಿ ಮತ್ತು ಮೇಲ್ವಿಚಾರಣೆಯೊಂದಿಗೆ ಲೈಫ್ ಸಪೋರ್ಟ್ ಹಿಂತೆಗೆದುಕೊಳ್ಳಬಹುದು
,ಪ್ರಕ್ರಿಯೆ 2018ರ ಸುಪ್ರೀಂ ಕೋರ್ಟ್ ಮಾರ್ಗಸೂಚಿಗಳ ಪ್ರಕಾರ ನಡೆಯಬೇಕು.

ರೋಗಿಯ ಗೌರವಯುತ ಅಂತಿಮ ಕ್ಷಣಗಳನ್ನು ಕಾಪಾಡುವುದು ಪ್ರಮುಖ ಉದ್ದೇಶ

ಪ್ಯಾಸಿವ್ ಯೂಥನೇಷಿಯಾ ಎಂದರೇನು?

ಪ್ಯಾಸಿವ್ ಯೂಥನೇಷಿಯಾ ಎಂದರೆ ರೋಗಿಯ ಜೀವನವನ್ನು ಕೃತಕವಾಗಿ ಮುಂದುವರಿಸುತ್ತಿರುವ

ವೆಂಟಿಲೇಟರ್
ಫೀಡಿಂಗ್ ಟ್ಯೂಬ್
ಇತರ ಜೀವಸಹಾಯಕ
ವೈದ್ಯಕೀಯ ಸಾಧನಗಳನ್ನು ಹಿಂತೆಗೆದುಕೊಳ್ಳುವುದು.ಇದು ರೋಗಿಯ ಮರಣವನ್ನು ನೇರವಾಗಿ ಉಂಟುಮಾಡುವುದಲ್ಲ; ಬದಲಿಗೆ ಪ್ರಕೃತಿಯ ಪ್ರಕ್ರಿಯೆ ನಡೆಯಲು ಅವಕಾಶ ನೀಡುವುದು.

Also Read ನೂರರ ಸಂಭ್ರಮದಲ್ಲಿ "ಜೈ" ತುಳು ಸಿನಿಮಾ

ಈ ತೀರ್ಪು ಹಲವು ಕಾರಣಗಳಿಂದ ಪ್ರಮುಖವಾಗಿದೆ:

ಭಾರತದಲ್ಲಿ ಗೌರವಯುತ ಮರಣದ ಹಕ್ಕು ಕುರಿತು ಕಾನೂನು ಸ್ಪಷ್ಟತೆ ಹೆಚ್ಚಿಸಿದೆ
ಕುಟುಂಬ ಮತ್ತು ವೈದ್ಯರಿಗೆ ಜೀವನದ ಕೊನೆಯ ಹಂತದ ನಿರ್ಧಾರಗಳಲ್ಲಿ ಮಾರ್ಗದರ್ಶನ ನೀಡುತ್ತದೆ

ಪ್ಯಾಸಿವ್ ಯೂಥನೇಷಿಯಾ ಕುರಿತಾಗಿ ನ್ಯಾಯಾಂಗದ ಮಾನವೀಯ ನಿಲುವುವನ್ನು ತೋರಿಸುತ್ತದೆ

ಸುಪ್ರೀಂ ಕೋರ್ಟ್ ನೀಡಿದ ಈ ತೀರ್ಪು ವೈದ್ಯಕೀಯ ವಿಜ್ಞಾನ, ಕಾನೂನು ಮತ್ತು ಮಾನವೀಯ ಮೌಲ್ಯಗಳ ನಡುವೆ ಸಮತೋಲನ ಸಾಧಿಸಲು ಮಾಡಿದ ಮಹತ್ವದ ಪ್ರಯತ್ನವೆಂದು ಪರಿಗಣಿಸಲಾಗಿದೆ. ಗುಣಮುಖವಾಗುವ ಸಾಧ್ಯತೆ ಇಲ್ಲದ ಸಂದರ್ಭದಲ್ಲಿ ರೋಗಿಗೆ ಗೌರವಯುತ ಮತ್ತು ಶಾಂತಿಯುತ ಅಂತ್ಯ ದೊರಕುವ ಹಕ್ಕನ್ನು ನ್ಯಾಯಾಲಯ ಮತ್ತೊಮ್ಮೆ ಒತ್ತಿ ಹೇಳಿದೆ.