ಉಡುಪಿ ಜಿಲ್ಲೆಯಲ್ಲಿ ಬೆಟ್ಟಿಂಗ್ ವ್ಯವಹಾರ ನಡೆಸುತ್ತಿರುವವರ ಒಂದು ತಂಡ ವ್ಯವಸ್ಥಿತವಾಗಿ ಕಾರ್ಯಚರಿಸುತ್ತಿದೆ ಅನ್ನುವುದು ಮತ್ತೊಂದು ಪ್ರಕರಣದಿಂದ ಬಯಲಿಗೆ ಬಂದಿದೆ.

ಸಾಯಿ ರಾಜ್ ಕೋಆಪರೇಟಿವ್ ಸೊಸೈಟಿಯ ಕಾರ್ಯನಿರ್ವಹಣಾಧಿಕಾರಿ ಸಚಿನ್ ಶೆಟ್ಟಿ ಆತ್ಮಹತ್ಯೆಗೆ ಸಂಬಂಧಿಸಿದಂತೆ ಡೆತ್ ನೋಟ್ ಒಂದು ಸಿಕ್ಕಿದೆಯಂತೆ. ಅದರಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ವಿಚಾರವಾಗಿ ಸಾಕಷ್ಟು ದೊಡ್ಡ ಮೊತ್ತದ ಹಣವನ್ನು ಕಳೆದುಕೊಂಡಿರುವುದಾಗಿ ಆ ಒಂದು ಡೆತ್ ನೋಟ್ ನಲ್ಲಿ ಸಚಿನ್ ಶೆಟ್ಟಿ ಬರೆದಿದ್ದಾರಂತೆ.

ಇದರರ್ಥ ಉಡುಪಿ ಜಿಲ್ಲೆಯಲ್ಲಿ ಕ್ರಿಕೆಟ್ ಹಾಗೂ ಇತರೆ ಬೆಟ್ಟಿಂಗ್ ಮಾಫಿಯಾ ಕಾರ್ಯಾಚರಿಸುತ್ತಿದೆ, ಎಲ್ಲಿಯೋ ಕುಳಿತು ಮೊಬೈಲ್ ಮೂಲಕವೇ ಇದೆಲ್ಲವನ್ನು ಈ ಮಾಫಿಯಾ ಮ್ಯಾನೇಜ್ ಮಾಡುತ್ತಿದೆ ಅನ್ನುವ ಸುದ್ದಿಯು ಮತ್ತೊಮ್ಮೆ ಈ ಪ್ರಕರಣದಿಂದಾಗಿ ಮುನ್ನೆಲೆಗೆ ಬರುತ್ತಿದೆ.

ಕುಂದಾಪುರ ತಾಲೂಕು, ಹಾಗೂ ಬ್ರಹ್ಮಾವರ ತಾಲೂಕು ಮತ್ತು ಹೆಬ್ರಿ ತಾಲೂಕ ವ್ಯಾಪ್ತಿಯಲ್ಲಿ ಅತಿ ಹೆಚ್ಚು ಬೆಟ್ಟಿಂಗ್ ಕಿಂಗ್ ಪಿನ್ಗಳು ಇದ್ದು, ಅವರು ಅತ್ಯಂತ ವ್ಯವಸ್ಥಿತವಾಗಿ ತಮ್ಮ ಜಾಲವನ್ನು ವಿಸ್ತರಿಸಿಕೊಂಡಿದ್ದಾರೆ. ಹಾಗೆಯೇ ಕೋಟ್ಯಾಂತರ ರೂ ಹಣವನ್ನು ಗಳಿಸಿದ್ದಾರೆ ಎನ್ನುವ ಸುದ್ದಿ ಹೊಸತಲ್ಲ. ಈ ಹಿಂದೆ ಎರಡು ಮೂರು ಇನ್ಸಿಡೆಂಟ್ ಈ ಭಾಗದಲ್ಲಿ ಆಗಿದೆ. ಅದೆಲ್ಲವೂ ಬೆಟ್ಟಿಂಗ್ ಮಾಫಿಯಾಕ್ಕೆ ಸಂಬಂಧಪಟ್ಟ ವ್ಯವಹಾರವೇ ಆಗಿತ್ತು ಅನ್ನುವುದು ಇಂಟರ್ನಲ್ ಮಾಹಿತಿಯು ಹೇಳುತ್ತಿತ್ತು.

Also Read ಪೆಟ್ರೋಲ್ ಬಂಕ್‌ನಲ್ಲಿ ಅಳತೆ ಮೋಸ? ಗ್ರಾಹಕರೇ ಎಚ್ಚರ!

ಅದೇನೆ ಇರಲಿ, ಸಚಿನ್ ಶೆಟ್ಟಿ ಸಾವಿಗೆ ಈ ಒಂದು ಬೆಟ್ಟಿಂಗ್ ವಿಚಾರ ಹೊರತುಪಡಿಸಿ ಅವರ ವ್ಯವಹಾರಿಕ ವಿಚಾರವೂ ಅಡಗಿದೆ ಎಂಬ ಸುದ್ದಿಯು ಇರುವುದರಿಂದ ಈ ಬಗ್ಗೆ ಅಮೂಲಾಗ್ರ ತನಿಖೆಯಾಗಬೇಕಿದೆ. ಹಾಗೆಯೇ ಜಿಲ್ಲೆಯಲ್ಲಿ ಈ ಬೆಟ್ಟಿಂಗ್ ಹುಳಗಳನ್ನು ಬಗ್ಗು ಬಡಿಯುವ ಕೆಲಸ ಅತಿ ವೇಗವಾಗಿ ಆಗಬೇಕೆಂಬ ಆಗ್ರಹಾವು ಜನಸಾಮಾನ್ಯರಿಂದ ಕೇಳಿ ಬರುತ್ತಿದೆ. ಇನ್ನೊಬ್ಬ ಸಚಿನ್ ಶೆಟ್ಟಿಯ ಸಾವು ಈ ಬೆಟ್ಟಿಂಗ್ ನಿಂದಾಗಿ ಆಗುವುದು ಬೇಡ ಅನ್ನುವುದು ಸಾರ್ವಜನಿಕರ ಅಭಿಪ್ರಾಯ.