ರಾಜ್ಯದ ಮಾಜಿ ಮುಖ್ಯಮಂತ್ರಿ ಒಬ್ಬರಿಗೆ ದೊಡ್ಡ ಮೊತ್ತದ ಹಣವನ್ನು ಹಿಡಿಸಿದ್ದಾರೆಂಬ ಮಾತುಗಳು ರಾಜಧಾನಿ ಬೆಂಗಳೂರಿನ ಆದ್ಯಂತ ಪಸರಿಸಿಕೊಳ್ಳುತ್ತಿದೆ. ಅವರಿಗೆ ಆಪ್ತರಾಗಿದ್ದ ಸಚಿವರೊಬ್ಬರ ಬಳಿ ತಮಗೆ ಬರಬೇಕಿದ್ದ ಹಣವನ್ನು ಸೇಫ್ಟಿಯ ಕಾರಣಕ್ಕಾಗಿ( ಬ್ಲಾಕ್ ಮನಿ ಅಂಕೊಳಿ)ಇಟ್ಟಿದ್ದರಂತೆ. ಆಪ್ತ ಸಚಿವನೂ ಸಹ, ಆ ಹಣವನ್ನು ತನ್ನ ಸೇಫ್ಟಿಗಾಗಿ ತಮ್ಮದೇ ನಂಬುಗೆಯ ಐದಾರು ವ್ಯಕ್ತಿಗಳ ಬಳಿ ಜೋಪಾನ ಮಾಡಿಡಲು ಹೇಳಿದರಂತೆ.

ಇದೆಲ್ಲವೂ ಕಾಗಕ್ಕ ಗುಬ್ಬಕ್ಕನ ಲೆಕ್ಕದ ಅಮೌಂಟಂತೆ. ಆ ಅಮೌಂಟ್ ಮಾಜಿ ಮುಖ್ಯಮಂತ್ರಿ, ಆಪ್ತ ಸಚಿವನಲ್ಲಿ ಕೇಳಲು ಪ್ರಾರಂಭಿಸಿದಾಗ ಆಪ್ತ ಸಚಿವನ ವರಸೆಯೇ ಬದಲಾಯಿತಂತೆ. ಇದರಿಂದಾಗಿ ಆ ಮಾಜಿ ಮುಖ್ಯಮಂತ್ರಿ ಮತ್ತು ಆಪ್ತ ಸಚಿವ ಆಗಿದ್ದವ, ಇವತ್ತು ಹಾವು ಮುಂಗುಸಿಯಂತೆ ಆಡುತ್ತಿದ್ದಾರಂತೆ. ನಂಬುಗೆಯ ವ್ಯಕ್ತಿ ಕೈ ಕೊಟ್ಟಿದ್ದು ಮಾಜಿ ಮುಖ್ಯಮಂತ್ರಿಗೆ ಸಿಕ್ಕಾಪಟ್ಟೆ ರೋಷವನ್ನು ತಂದಿದೆ. ಹಾಗಾಗಿಯೇ ಅವರಿಗ ತಮ್ಮ ಜೊತೆಗೆ ಎಷ್ಟು ಶಾಸಕರಿದ್ದಾರೆ ಎಂಬುದನ್ನು ಲೆಕ್ಕ ಮಾಡಲು ಶುರು ಮಾಡಿದ್ದಾರಂತೆ. ಪ್ರಾದೇಶಿಕ ಪಕ್ಷದ ಜೊತೆಗೆ ಹೆಜ್ಜೆ ಹಾಕುವುದಕ್ಕೂ ಸೈ ಎಂಬ ನಿರ್ಧಾರಕ್ಕೆ ಆ ಮಾಜಿ ಮುಖ್ಯಮಂತ್ರಿಗಳು ಬಂದಿದ್ದಾರೆ. ಯಾವುದೇ ಕಾರಣಕ್ಕೂ ತನಗೆ ಮೋಸ ಮಾಡಿರುವ ಆ ಆಪ್ತ ಸಚಿವ ಮತ್ತು ಆತನ ಜೊತೆಗೆ ಕೈಜೋಡಿಸಿದವರು ನೆಮ್ಮದಿಯಿಂದ ಇರಲು ಬಿಡುವುದಿಲ್ಲ ಎಂಬ ಶಪಥ ಮಾಡಿದವರಂತೆ ಓಡಾಡುತ್ತಿದ್ದಾರೆ ಎಂಬ ಮಾತುಗಳನ್ನು ಅವರ ಆಪ್ತ ವಲಯದಿಂದಲೇ ಕೇಳಿ ಬರುತ್ತಿದೆ.

ಒಂದು ಸಮಯದಲ್ಲಿ ಪ್ರಭಾವಿ ವ್ಯಕ್ತಿಯಾಗಿದ್ದ ಮಾಜಿ ಮುಖ್ಯಮಂತ್ರಿ ಈಗ ಇದ್ದಕ್ಕಿದ್ದಂತೆ ದುರ್ಬಲ ನಾಯಕರಂತೆ ತೋರುತ್ತಿದ್ದಾರೆ, ಹಾಗಾಗಿಯೇ ಪ್ರಾದೇಶಿಕ ಪಕ್ಷದ ಮುಖಂಡರು ಸಹ ಹಲವು ನಿಯಮ ಮತ್ತು ಕಂಡೀಶನ್ ಹಾಕುತ್ತಿದ್ದಾರೆ ಎನ್ನಲಾಗುತ್ತಿದೆ.

ಒಟ್ಟಿನಲ್ಲಿ ರಾಜಧಾನಿಯ ತುಂಬಾ, ಮಾಜಿ ಮುಖ್ಯಮಂತ್ರಿಯ ತಲೆಗೆ ಟೋಪಿ ಇಟ್ಟ ಆಪ್ತ ಸಚಿವ ಯಾರು? ಮಾಜಿ ಮುಖ್ಯಮಂತ್ರಿ ಯಾರು ಎಂಬೆಲ್ಲ ಚರ್ಚೆಗಳು ತರಹೇವಾರಿಯಾಗಿ ನಡೆಯುತ್ತಿದೆ. ಇದರಲ್ಲಿ ಸತ್ಯವೇ ಎಷ್ಟು ಮಿತ್ಯ ಎಷ್ಟು