ಪ್ರಥಮ ಪ್ರಯತ್ನದಲ್ಲೇ ಯಶಸ್ಸಿನ ಕಿರೀಟ ಹೊತ್ತ ನಟ ವಿಜಯ್, ಇದೀಗ ಅಕ್ಷರಶಹ ಹೈರಾಣಗುತ್ತಿದ್ದಾರೆ. ರಾಜಕಾರಣ ಹೀಗೂ ಇರುತ್ತದಾ ಎಂದು ಆಶ್ಚರ್ಯಯಿಂದ ನೋಡುವಂತೆ ಮಾಡುತ್ತಿದೆ ತಮಿಳ್ನಾಡು ರಾಜಕಾರಣ.

ಚುನಾವಣಾ ರಾಜಕಾರಣಕ್ಕಿಂತಲೂ, ಈಗ ಚುನಾವಣೆ ಮುಗಿದ ಮೇಲೆ ನಡೆಯುತ್ತಿರುವ ರಾಜಕಾರಣವೇ ಅತ್ಯಂತ ಬಿಸಿಯ ವಾತಾವರಣವನ್ನು ಇಡೀ ರಾಜ್ಯದಲ್ಲಿ ಕ್ರಿಯೇಟ್ ಮಾಡಿದೆ. ಒಂದು ಕಡೆ ಬಿಸಿಲಿನ ಶಾಖಕ್ಕೆ ಚೆನ್ನೈ ತತ್ತರಿಸುತ್ತಿದ್ದರೆ, ಮತ್ತೊಂದು ಕಡೆ, ರಾಜಕಾರಣದ ಬಿಸಿ ಅದಕ್ಕಿಂತಲೂ ಹೆಚ್ಚು ತತ್ತರಿಸುವಂತೆ ಮಾಡುತ್ತಿದೆ. ಸ್ವತಹ ನಟ ವಿಜಯ್, ಈ ಅನುಭವಿ ರಾಜಕಾರಣಿಗಳ ನಡುವೆ ದಣಿದು ಬಸವಳಿಯುತ್ತಿದ್ದಾರೆ.

ನಿಮಿಷ ನಿಮಿಷಕ್ಕೂ ಹೊಸ ಹೊಸ ಬೆಳವಣಿಗೆ, ಹೊಸ ಹೊಸ ಸುದ್ದಿಗಳು, ಸತ್ಯವೋ- ಸುಳ್ಳೋ ಗೊತ್ತಿಲ್ಲ. ಡಿಎಂಕೆ ಹಾಗೂ ಎಐಡಿಎಂಕೆ ಇವೆರಡೂ ಪಕ್ಷವು ತಮ್ಮ ಅನುಭವದ ರಾಜಕಾರಣವನ್ನು ಆರಾಮವಾಗಿ ಮನೆಯಲ್ಲಿ ಕೂತು ಪ್ಲೇ ಮಾಡುತ್ತಿವೆ.

Also Read ಸ್ಮಾರ್ಟ್‌ಫೋನ್ ಅಗ್ಗವಾಗುತ್ತಾ? ಮೊಬೈಲ್ ಖರೀದಿಗೆ ಇದು ‘Wait & Watch’ ಟೈಮ್!

ಬಹುಶಹ, ರಾಜಕಾರಣದ ಸ್ವಲ್ಪ ಮಟ್ಟಿಗಿನ ಅನುಭವವು ವಿಜಯ್ ಅಥವಾ ಆ ಪಕ್ಷದ ಇತರ ನಾಯಕರುಗಳಿಗೆ ಇದ್ದಿದ್ದರೆ, ಇವತ್ತು ಬಹಳ ಈಸಿಯಾಗಿ ತಮಿಳನಾಡಿನಲ್ಲಿ ಸರ್ಕಾರವನ್ನು ರಚನೆ ಮಾಡುತ್ತಿದ್ದರು. ಅದು ವಿಜಯ್ ಅವರಿಂದ ಸಾಧ್ಯವಾಗುತ್ತಿಲ್ಲ ಅಂತಲ್ಲ, ಬಟ್ ಅವರನ್ನು ತಕ ತೈ ಅಂತ ಅನುಭವಿ ರಾಜಕಾರಣವು ಕುಣಿಸುತ್ತಿದೆ. ಆ ಮೂಲಕ ಅವರು ಎಂಜಾಯ್ ಪಡುತ್ತಿದ್ದಾರೆ.

ವಿಜಯ್ ಗಂಭೀರವಾಗಬೇಕಿದೆ, ಸಂಯಮ ಅತ್ಯವಶ್ಯಕ ಅನ್ನೋದನ್ನು ಅರಿಯಬೇಕಿದೆ. ಸರ್ಕಾರ ರಚನೆಗೆ ಅವಸರ ಮಾಡುವುದಕ್ಕಿಂತ ಬಲಿಷ್ಠವಾದ ಸರ್ಕಾರವನ್ನು ರಚಿಸುವುದರ ಕಡೆ, ತಂತ್ರಗಾರಿಕೆಯನ್ನು ಹೆಣೆಯಬೇಕಿದೆ. ಹೊರಗಿನ ಮೆಸೇಜ್ಗಳು, ಗಾಸಿಪ್ ಸುದ್ದಿಗಳು ಏನೇ ಬರಲಿ ಹೆಚ್ಚು ತಲೆ ಕೆಡಿಸಿಕೊಳ್ಳದೆ ಜನತೆಯು ನೀಡಿದ ಆದೇಶವನ್ನು ಗಮನದಲ್ಲಿಟ್ಟುಕೊಂಡು ಯಾವುದೇ ಅನುಭವಿ ರಾಜಕಾರಣಕ್ಕಿಂತಲೂ ಕಡಿಮೆ ಇಲ್ಲ ಅನ್ನುವುದನ್ನು ತೋರಿಸುವ ಕೆಲಸ ವಿಜಯ ಕಡೆಯಿಂದ ಆಗಬೇಕಿದೆ. ಹಾಗೆಯೇ ವಿಜಯ್ ಹೊರತುಪಡಿಸಿ ಇನ್ಯಾವುದೋ ವ್ಯಕ್ತಿಯನ್ನು ಮುಖ್ಯಮಂತ್ರಿ ಸ್ಥಾನಕ್ಕೆ ಕೂರಿಸುವುದರ ಬಗ್ಗೆ ಚಿಂತಿಸಲೂ ಬಾರದು. ಯಾರಾದರೂ ಅಂತಹ ಸಲಹೆ ನೀಡಿದರೆ ಯಾವ ಮುಲಾಜೂ ಇಲ್ಲದೆ ತಿರಸ್ಕರಿಸಬೇಕು. ಅಂತಹ ನಡೆ, ನೂರಕ್ಕೆ ನೂರರಷ್ಟು ಜನಾದೇಶಕ್ಕೆ ವಿರುದ್ಧವಾಗಿರುತ್ತದೆ ಅನ್ನೋದನ್ನ ಮರೆಯಬಾರದು. ವಿಜಯ್ ಬೆವತುಕೊಳ್ಳದೆ ಕೂಲಾಗೆ ಮುಂದುವರೆದರೆ ಎಲ್ಲವೂ ಸಾಧ್ಯ.

Also Read ಬಿಹಾರದಲ್ಲಿ ಭೀಕರ ನೆರೆ: 12 ಜಿಲ್ಲೆಗಳ 22 ಲಕ್ಷ ಜನ ಸಂಕಷ್ಟದಲ್ಲಿ; ಗಂಗಾ ಅಪಾಯದ ಮಟ್ಟ ಮೀರಿ ಹರಿವು