ಅಮೆರಿಕದ ಮಾಜಿ ಅಧ್ಯಕ್ಷ Donald Trump ಮಾತಿನ ಯು-ಟರ್ನ್… ಬೆಳಗ್ಗೆ ಭಾರತ ವಿರುದ್ಧ ಹೇಳಿಕೆ ನಿಂದನೆ ..ಬಳಿಕ ತಿದ್ದುಪಡಿ ,ಸಂಜೆ ಹೊತ್ತಿಗೆ ಹೊಗಳಿಕೆ.!… ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಿಂದ ರಾಜತಾಂತ್ರಿಕ ವಿವಾದ.

ಭಾರತ ಮತ್ತು ಚೀನಾ ಕುರಿತು ವಿವಾದಾತ್ಮಕ ಹೇಳಿಕೆಗಳನ್ನು ಪರೋಕ್ಷವಾಗಿ ಬೆಂಬಲಿಸಿ ನಂತರ ತಮ್ಮ ಮಾತು ಬದಲಿಸಿಕೊಂಡ ಘಟನೆ ರಾಜತಾಂತ್ರಿಕವಾಗಿ ಚರ್ಚೆಗೆ ಕಾರಣವಾಗಿದೆ.

ಅಮೆರಿಕದ ರೇಡಿಯೋ ನಿರೂಪಕ Michael Savage ತಮ್ಮ ‘Savage Nation’ ಕಾರ್ಯಕ್ರಮದಲ್ಲಿ ಭಾರತ ಮತ್ತು ಚೀನಾವನ್ನು “ನರಕದ ಕೂಪ” ಎಂದು ಅವಹೇಳನ ಮಾಡಿದ್ದರು. ಈ ಹೇಳಿಕೆಯನ್ನು ಟ್ರಂಪ್ ತಮ್ಮ ಸಾಮಾಜಿಕ ಜಾಲತಾಣ Truth Social ನಲ್ಲಿ ಹಂಚಿಕೊಂಡರು. ಜೊತೆಗೆ ವಲಸಿಗರ ಬಗ್ಗೆ ಅವಹೇಳನಕಾರಿ ಟಿಪ್ಪಣಿಗಳೂ ಇದ್ದವು.

ಈ ಹೇಳಿಕೆಗಳಿಗೆ ಭಾರತ ಸರ್ಕಾರ ತೀವ್ರ ಪ್ರತಿಕ್ರಿಯೆ ನೀಡದೇ, “ಇಂತಹ ಮಾತುಗಳಿಗೆ ಮಹತ್ವ ನೀಡುವುದಿಲ್ಲ” ಎಂದು ಹೇಳಿತು. ಆದರೆ ವಿವಾದ ತೀವ್ರಗೊಂಡಂತೆ, ಟ್ರಂಪ್ ನಂತರ ತಮ್ಮ ನಿಲುವು ಬದಲಿಸಿ “ಭಾರತ ಒಂದು ಶ್ರೇಷ್ಠ ರಾಷ್ಟ್ರ, ಅದರ ನಾಯಕ ನನ್ನ ಸ್ನೇಹಿತ” ಎಂದು ಹೇಳಿದರು.

ಟ್ರಂಪ್ ನಡೆಗೆ ಟೀಕೆ

ಈ ಘಟನೆ ಟ್ರಂಪ್ ಅವರ ಹೇಳಿಕೆಗಳ ಅಸ್ಥಿರತೆ ಮತ್ತು ಜವಾಬ್ದಾರಿಯ ಕೊರತೆಯನ್ನು ತೋರಿಸುತ್ತದೆ.

ಮೊದಲಿಗೆ ಅವಹೇಳನಕಾರಿ ವಿಷಯವನ್ನು ಹಂಚಿಕೊಳ್ಳುವುದು ಜಾಗತಿಕ ನಾಯಕನಿಗೆ ತಕ್ಕದ್ದು ಅಲ್ಲ.

ಭಾರತಂಥ ದೀರ್ಘಕಾಲದ ಮಿತ್ರ ರಾಷ್ಟ್ರದ ಬಗ್ಗೆ ಇಂತಹ ಭಾಷೆ ಬಳಸುವುದು ರಾಜತಾಂತ್ರಿಕ ಸಂಬಂಧಗಳಿಗೆ ಧಕ್ಕೆಯಾಗಿದೆ.

ನಂತರ ಒತ್ತಡಕ್ಕೆ ಮಣಿದು ಮಾತು ಬದಲಿಸುವುದು ನಂಬಿಕೆಯನ್ನು ಕುಗ್ಗಿಸುತ್ತದೆ.

ಜಾತ್ಯಾತೀತ ಮತ್ತು ವಲಸೆ ವಿರೋಧಿ ಭಾವನೆಗಳನ್ನು ಉತ್ತೇಜಿಸುವ ಹೇಳಿಕೆಗಳು ಸಮಾಜದಲ್ಲಿ ವಿಭಜನೆ ಉಂಟುಮಾಡಬಹುದು.ಈ ಘಟನೆ ಅವರ ಹೇಳಿಕೆಗಳ ವಿಶ್ವಾಸಾರ್ಹತೆ ಮತ್ತು ರಾಜತಾಂತ್ರಿಕ ಹೊಣೆಗಾರಿಕೆಯನ್ನು ಪ್ರಶ್ನಿಸುವಂತೆ ಮಾಡುತ್ತದೆ.