ಕರ್ನಾಟಕದಲ್ಲಿ ಇದೀಗ ದೊಡ್ಡ ವಿವಾದಕ್ಕೆ ಕಾರಣವಾಗಿರುವ ಪ್ರಕರಣದಲ್ಲಿ, ಅಮೆರಿಕ ಮೂಲದ ಮಿಷನರಿ ಸಂಸ್ಥೆ The Timothy Initiative (TTI) ಹಾಗೂ ಅದರೊಂದಿಗೆ ಸಂಬಂಧ ಹೊಂದಿದ್ದಾರೆ ಎನ್ನಲಾದ ಆರು ಮಂದಿಯ ವಿರುದ್ಧ ಬೆಂಗಳೂರು ನಗರದ ಕೊತ್ತನೂರು ಪೊಲೀಸ್ ಠಾಣೆಯಲ್ಲಿ ಯುಎಪಿಎ (UAPA) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಪ್ರಕರಣವನ್ನು ಜಾರಿ ನಿರ್ದೇಶನಾಲಯ (ED) ನೀಡಿದ ದೂರಿನ ಆಧಾರದ ಮೇಲೆ ದಾಖಲಿಸಲಾಗಿದೆ.

ATMಗಳಿಂದ ₹95 ಕೋಟಿ ಡ್ರಾ! 1000 ಕಾರ್ಡ್‌ಗಳ ಹಿಂದೆ ಏನಿದೆ ರಹಸ್ಯ?

ಇಡಿ ತನಿಖೆಯ ಪ್ರಕಾರ, 2025ರ ನವೆಂಬರ್‌ನಿಂದ 2026ರ ಏಪ್ರಿಲ್‌ವರೆಗೆ ಸುಮಾರು ₹92.55 ಕೋಟಿ ರಿಂದ ₹95 ಕೋಟಿ ವರೆಗೆ ವಿದೇಶಿ ಹಣವನ್ನು ಭಾರತದಲ್ಲಿ ಅಕ್ರಮವಾಗಿ ಬಳಸಲಾಗಿದೆ ಎಂಬ ಆರೋಪ ಕೇಳಿಬಂದಿದೆ. ಈ ಹಣವನ್ನು ನೇರ ಬ್ಯಾಂಕಿಂಗ್ ವ್ಯವಸ್ಥೆಯ ಬದಲು ವಿದೇಶಿ ಡೆಬಿಟ್ ಕಾರ್ಡ್‌ಗಳ ಮೂಲಕ ಎಟಿಎಂನಲ್ಲಿ ಹಣ ತೆಗೆಯುವ ಮೂಲಕ ಬಳಕೆ ಮಾಡಲಾಗಿದೆ ಎಂದು ತನಿಖಾ ಸಂಸ್ಥೆಗಳು ಹೇಳಿವೆ.

1,000ಕ್ಕೂ ಹೆಚ್ಚು ಡೆಬಿಟ್ ಕಾರ್ಡ್‌ಗಳ ಜಾಲ!

ಇಡಿ ತನಿಖೆಯಲ್ಲಿ ಅತ್ಯಂತ ಅಚ್ಚರಿಯ ಸಂಗತಿ ಎಂದರೆ, ಅಮೆರಿಕದ ಬ್ಯಾಂಕ್‌ನಿಂದ ನೀಡಲಾಗಿದ್ದ 1,000ಕ್ಕೂ ಹೆಚ್ಚು ಡೆಬಿಟ್ ಕಾರ್ಡ್‌ಗಳನ್ನು ಬಳಸಲಾಗಿದೆ ಎನ್ನುವ ಆರೋಪ. ಹಲವಾರು ಕಾರ್ಡ್‌ಗಳಲ್ಲಿ “Santosh Kumar” ಎಂಬ ಒಂದೇ ಹೆಸರು ಕಂಡುಬಂದಿದ್ದು, ಬೇರೆ ಬೇರೆ ಪ್ರದೇಶಗಳ ಗುರುತುಗಳನ್ನು ಬಳಸಿ ಹಣ ವಹಿವಾಟು ನಡೆಸಲಾಗಿದೆ ಎಂದು ಆರೋಪಿಸಲಾಗಿದೆ.

ಕರ್ನಾಟಕದ ಸಂಪರ್ಕ ಮತ್ತು ಆರೋಪ?

ಈ ಪ್ರಕರಣದಲ್ಲಿ ಬೆಂಗಳೂರಿನ ಕೆಲ ವ್ಯಕ್ತಿಗಳ ಹೆಸರು ಕೂಡ ಕೇಳಿಬಂದಿದೆ. ಹಣಕಾಸು ನಿರ್ವಹಣೆ, ವಿದೇಶಿ ಹಣದ ವಹಿವಾಟು ಹಾಗೂ ಶೆಲ್ ಕಂಪನಿಗಳ ಮೂಲಕ ಹಣ ಸಾಗಣೆ ನಡೆದಿರಬಹುದು ಎಂಬ ಶಂಕೆಯನ್ನು ತನಿಖಾ ಸಂಸ್ಥೆಗಳು ವ್ಯಕ್ತಪಡಿಸಿವೆ. ಈ ಹಿನ್ನೆಲೆಯಲ್ಲಿ ವಿಶೇಷ ತನಿಖಾ ತಂಡ (SIT) ಕೂಡ ತನಿಖೆ ನಡೆಸುತ್ತಿದೆ.

ಇಡಿ ಮತ್ತು ಪೊಲೀಸರ ಆರೋಪದ ಪ್ರಕಾರ, ಈ ಹಣದ ಒಂದು ಭಾಗವನ್ನು ಮತಾಂತರ ಚಟುವಟಿಕೆಗಳಿಗೆ ಹಾಗೂ ಮತ್ತೊಂದು ಭಾಗವನ್ನು ನಕ್ಸಲ್ ಪ್ರಭಾವಿತ ಪ್ರದೇಶಗಳಲ್ಲಿ ಬಳಸಲಾಗಿದೆ. ವಿಶೇಷವಾಗಿ ಛತ್ತೀಸ್‌ಗಢದ ಬಸ್ತರ್ ಮತ್ತು ಧಮ್ತಾರಿ ಭಾಗಗಳಲ್ಲಿ ಕೋಟಿ ಕೋಟಿ ರೂಪಾಯಿ ಹಣ ಹಿಂಪಡೆಯಲಾಗಿದೆ ಎಂಬ ಮಾಹಿತಿ ತನಿಖೆಯಲ್ಲಿ ಹೊರಬಂದಿದೆ.

ವಿದೇಶಿ ಹಣವನ್ನು ನಿಯಮಗಳನ್ನು ಮೀರಿ ಭಾರತಕ್ಕೆ ತರಲು ಸಾಧ್ಯವಾಗುತ್ತದೆ.ಹಣದ ಮೂಲವನ್ನು ಮರೆಮಾಚಬಹುದು.ಸ್ಥಳೀಯ ಮಟ್ಟದಲ್ಲಿ ಪ್ರಭಾವ ವಿಸ್ತರಿಸಲು ಬಳಸಬಹುದು.ಮತಾಂತರ ಅಥವಾ ಇತರ ಸಂಘಟನಾ ಚಟುವಟಿಕೆಗಳಿಗೆ ಹಣಕಾಸು ಒದಗಿಸಬಹುದು.ನಕ್ಸಲ್ ಅಥವಾ ಇತರ ಕಾನೂನುಬಾಹಿರ ಚಟುವಟಿಕೆಗಳಿಗೆ ಹಣ ತಲುಪಿಸುವ ಸಾಧ್ಯತೆ ಉಂಟಾಗುತ್ತದೆ ಎಂದು ತನಿಖಾ ಸಂಸ್ಥೆಗಳು ಶಂಕಿಸಿವೆ.

UAPA ಯಾಕೆ ಹಾಕಲಾಗಿದೆ?

ಯುಎಪಿಎ (Unlawful Activities Prevention Act) ಭಾರತದಲ್ಲಿ ರಾಷ್ಟ್ರದ ಭದ್ರತೆಗೆ ಧಕ್ಕೆ ಉಂಟುಮಾಡುವ ಅಥವಾ ಭಯೋತ್ಪಾದನೆ, ನಿಷೇಧಿತ ಸಂಘಟನೆಗಳಿಗೆ ನೆರವು, ರಾಷ್ಟ್ರವಿರೋಧಿ ಚಟುವಟಿಕೆಗಳಿಗೆ ಸಂಬಂಧಿಸಿದ ಪ್ರಕರಣಗಳಲ್ಲಿ ಬಳಸುವ ಕಠಿಣ ಕಾನೂನು. ಈ ಪ್ರಕರಣದಲ್ಲಿ ಹಣದ ಹರಿವು ನಕ್ಸಲ್ ಪ್ರಭಾವಿತ ಪ್ರದೇಶಗಳಿಗೆ ಹೋಗಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಯುಎಪಿಎ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

##NaxalFundingCase #EDInvestigation #KarnatakaNews #BreakingNewsKannada #UAPAcase #CrimeAlertIndia