ಮಾಜಿ ಐಪಿಎಸ್ ಅಧಿಕಾರಿ ಕೆ. ಅಣ್ಣಾಮಲೈ ಅವರು ರಾಜಕೀಯದಲ್ಲಿ ಹೊಸ ಹಾದಿ ತುಳಿದಿರುವುದು ತಮಿಳುನಾಡು ರಾಜಕೀಯದಲ್ಲಿ ಒಂದು ದೊಡ್ಡ ಸಂಚಲನ ಮೂಡಿಸಿದೆ. ಯುಪಿಎಸ್‌ಸಿ (UPSC) ಪರೀಕ್ಷೆ ಪಾಸ್ ಮಾಡಿ, ಕರ್ನಾಟಕದಲ್ಲಿ ದಕ್ಷ ಮತ್ತು ಪ್ರಾಮಾಣಿಕ ಐಪಿಎಸ್ ಅಧಿಕಾರಿಯಾಗಿ ಜನಸಾಮಾನ್ಯರ ಸೇವೆಯಲ್ಲೇ ತೊಡಗಿಸಿಕೊಂಡು ಬಂದ ಇಂತಹ ನಾಯಕರ ಮೇಲೆ ಜನರಿಗೆ ಅಪಾರ ನಂಬಿಕೆ ಮತ್ತು ಹೆಮ್ಮೆ ಇದೆ. ಇಂತಹ ಆಡಳಿತಾತ್ಮಕ ತರಬೇತಿ ಮತ್ತು ಶಿಸ್ತು ಹೊಂದಿರುವ ಅಧಿಕಾರಿಗಳು ರಾಜಕೀಯಕ್ಕೆ ಬಂದಾಗ ದೇಶವನ್ನು ಅತ್ಯಂತ ಸನ್ಮಾರ್ಗದಲ್ಲಿ ಮುನ್ನಡೆಸಲು ಅವರು ಸಮರ್ಥರಾಗಿರುತ್ತಾರೆ ಎಂಬ ದೊಡ್ಡ ಭರವಸೆ ಸಾರ್ವಜನಿಕರಲ್ಲಿ ಮೂಡುವುದು ಸಹಜ.

ಬಿಜೆಪಿ ತೊರೆದ ಬಳಿಕ ಅಣ್ಣಾಮಲೈ ಅವರು ಆರಂಭಿಸಿರುವ ‘ವಿ ದಿ ಲೀಡರ್ಸ್’ (ನಾವು ನಾಯಕರು) ಚಳವಳಿಯು ಅತ್ಯಂತ ಶಕ್ತಿಯುತವಾದ ಮತ್ತು ದೂರದೃಷ್ಟಿಯ ನೀಲನಕ್ಷೆಯನ್ನು ಹೊಂದಿದೆ. ತಕ್ಷಣವೇ ಚುನಾವಣೆಗೆ ಧುಮುಕದೆ, ಮುಂದಿನ ಮೂರು ವರ್ಷಗಳ ಕಾಲ ರಾಜ್ಯಾದ್ಯಂತ ಯುವಕರಿಗೆ ನಾಯಕತ್ವ ತರಬೇತಿ ನೀಡಿ, ಒಂದು ಬಲಿಷ್ಠ ಕಾರ್ಯಕರ್ತರ ಪಡೆಯನ್ನು ಸೃಷ್ಟಿಸುವುದು ಇವರ ಮೊದಲ ಗುರಿಯಾಗಿದೆ. ಮಾಜಿ ರಾಷ್ಟ್ರಪತಿ ಎ.ಪಿ.ಜೆ. ಅಬ್ದುಲ್ ಕಲಾಂ ಅವರ ಹೆಸರಿನಲ್ಲಿ ತರಬೇತಿ ಕೇಂದ್ರವನ್ನು ಸ್ಥಾಪಿಸಿ, ಆ ಮೂಲಕ ಸ್ಥಳೀಯ ಸಂಸ್ಥೆಗಳ ಚುನಾವಣೆಗೆ ಯುವ ನಾಯಕರನ್ನು ಸಿದ್ಧಪಡಿಸುವ ಯೋಜನೆ ಇದಾಗಿದೆ. ವಂಶಪಾರಂಪರ್ಯ ರಾಜಕಾರಣ ಮತ್ತು ವ್ಯಕ್ತಿಪೂಜೆಯಿಂದ ದೂರ ಸರಿದು, ರಾಷ್ಟ್ರೀಯ ದೃಷ್ಟಿಕೋನದೊಂದಿಗೆ ತಮಿಳು ಗುರುತನ್ನು ಉಳಿಸುವ ‘ಸ್ವಚ್ಛ ಪ್ರಾಮಾಣಿಕ’ ರಾಜಕೀಯ ವ್ಯವಸ್ಥೆ ರೂಪಿಸುವುದು ಈ ಚಳವಳಿಯ ಮುಖ್ಯ ಸಂಕಲ್ಪವಾಗಿದೆ.

Also Read ಒಂದೇ ಫ್ಲಾಟ್ ಇಬ್ಬಿಬ್ಬಿರ ಹೆಸರಲ್ಲಿ ..!ಡಬಲ್ ಡಾಕ್ಯುಮೆಂಟ್ ದಂಧೆ ಬಯಲು –ಕೋಟಿ ಕೋಟಿ ವಂಚನೆ ಮಾಡಿ ಆರೋಪಿ ಪರಾರಿ! ರಿಯಲ್ ಎಸ್ಟೇಟ್ ಶಾಕ್….

ಆದರೆ, ತಮಿಳುನಾಡಿನ ಸದ್ಯದ ರಾಜಕೀಯ ರಂಗದಲ್ಲಿ ಅಣ್ಣಾಮಲೈ ಅವರಿಗೆ ಎದುರಾಗಿರುವ ಅತಿ ದೊಡ್ಡ ಪ್ರತಿಸ್ಪರ್ಧಿ ಎಂದರೆ ನಟ ದಳಪತಿ ವಿಜಯ್ ಅವರ ‘ತಮಿಳಗ ವೆಟ್ರಿ ಕಳಗಂ’ (TVK) ಪಕ್ಷ. ಇವರಿಬ್ಬರ ಬಲ ಮತ್ತು ದೌರ್ಬಲ್ಯಗಳನ್ನು ಗಮನಿಸಿದರೆ ತಮಿಳುನಾಡು ರಾಜಕೀಯದ ಹೊಸ ಆಯಾಮ ನಮಗೆ ಅರ್ಥವಾಗುತ್ತದೆ. ಅಣ್ಣಾಮಲೈ ಅವರ ಅತಿ ದೊಡ್ಡ ಬಲ ಎಂದರೆ ಅವರ ಆಡಳಿತಾತ್ಮಕ ಅನುಭವ, ಭ್ರಷ್ಟಾಚಾರ ರಹಿತ ಇಮೇಜ್ ಮತ್ತು ಯುವ ಪೀಳಿಗೆಯನ್ನು (Gen Z & Alpha) ಸೆಳೆಯುವ ಬೌದ್ಧಿಕ ರಾಜಕೀಯ ಶೈಲಿ. ಆದರೆ, ತಳಮಟ್ಟದಲ್ಲಿ ಸ್ವಂತ ಪಕ್ಷದ ಸಾಂಘಿಕ ನೆಟ್‌ವರ್ಕ್ ಅನ್ನು ಶೂನ್ಯದಿಂದ ಕಟ್ಟುವುದು ಅವರಿಗೆ ದೊಡ್ಡ ಸವಾಲಾಗಿದೆ. ಮತ್ತೊಂದೆಡೆ, ನಟ ವಿಜಯ್ ಅವರ ಬಲ ಏನೆಂದರೆ ತಮಿಳುನಾಡಿನಾದ್ಯಂತ ಇರುವ ಅವರ ಕೋಟ್ಯಂತರ ಅಭಿಮಾನಿಗಳ ಸಾಗರ ಮತ್ತು ತಳಮಟ್ಟದವರೆಗೂ ಈಗಾಗಲೇ ಹರಡಿಕೊಂಡಿರುವ ಬಲಿಷ್ಠ ಅಭಿಮಾನಿ ಸಂಘಗಳ ನೆಟ್‌ವರ್ಕ್. ಆದರೆ, ವಿಜಯ್ ಅವರಿಗೆ ರಾಜಕೀಯ ಮತ್ತು ಆಡಳಿತಾತ್ಮಕ ಅನುಭವದ ಕೊರತೆ ಇರುವುದು ಹಾಗೂ ಕೇವಲ ಸಿನಿಮಾ ಗ್ಲಾಮರ್ ನಂಬಿ ದೀರ್ಘಕಾಲ ರಾಜಕಾರಣ ಮಾಡುವುದು ಅವರ ದೌರ್ಬಲ್ಯವಾಗಿದೆ.

Also Read ಅಪ್ರಾಪ್ತನ ಕ್ರೌರ್ಯಕ್ಕೆ ಬಳ್ಳಾರಿ ವಸತಿ ಶಾಲೆಯ ದೌರ್ಜನ್ಯವೇ ಸಾಕ್ಷಿ... ಈ ಕ್ರೌರ್ಯದ ಹಿಂದೆ ಮನೋರೋಗ ಅಡಗಿದೆಯಾ?

ಈ ಇಬ್ಬರು ಹೊಸ ನಾಯಕರ ಸವಾಲುಗಳ ಮಧ್ಯೆ, ತಮಿಳುನಾಡಿನಲ್ಲಿ ದಶಕಗಳಿಂದ ಆಡಳಿತ ನಡೆಸುತ್ತಿರುವ ಡಿಎಂಕೆ (DMK) ಮತ್ತು ಎಐಎಡಿಎಂಕೆ (AIADMK) ನಂತಹ ದ್ರಾವಿಡ ಪಕ್ಷಗಳು ಈಗಾಗಲೇ ಬಲಿಷ್ಠ ಹಣಬಲ, ಜಾತಿ ಸಮೀಕರಣ ಮತ್ತು ಗಟ್ಟಿಯಾದ ಸಾಂಘಿಕ ನೆಟ್‌ವರ್ಕ್ ಅನ್ನು ಹೊಂದಿವೆ. ಈ ಸಾಂಪ್ರದಾಯಿಕ ದ್ರಾವಿಡ ರಾಜಕಾರಣದ ಭದ್ರಕೋಟೆಯನ್ನು ಭೇದಿಸುವುದು ಅಣ್ಣಾಮಲೈ ಮತ್ತು ವಿಜಯ್ ಇಬ್ಬರಿಗೂ ಅಷ್ಟು ಸುಲಭವಲ್ಲ. ಆದಾಗ್ಯೂ, ತಮಿಳುನಾಡಿನ ಇಂದಿನ ಯುವಜನತೆ ಹಳೇ ರಾಜಕಾರಣದಿಂದ ಬೇಸತ್ತು ಬದಲಾವಣೆಯನ್ನು ತೀವ್ರವಾಗಿ ಬಯಸುತ್ತಿದ್ದಾರೆ. ಸಿದ್ಧಾಂತಗಳ ಜಡತ್ವವನ್ನು ಮುರಿದು, ತಮಿಳು ಮತ್ತು ಭಾರತೀಯ ಎಂಬ ಎರಡೂ ಗುರುತುಗಳನ್ನು ಒಟ್ಟಿಗೆ ಕೊಂಡೊಯ್ಯುವ ಅಣ್ಣಾಮಲೈ ಅವರ ‘ವಿ ದಿ ಲೀಡರ್ಸ್’ ಚಳವಳಿಯು ಭವಿಷ್ಯದಲ್ಲಿ ತಮಿಳುನಾಡು ರಾಜಕೀಯದ ಒಟ್ಟಾರೆ ಭಾಷೆ ಮತ್ತು ವ್ಯಾಕರಣವನ್ನೇ ಬದಲಾಯಿಸುವ ಎಲ್ಲಾ ಲಕ್ಷಣಗಳನ್ನು ಹೊಂದಿದೆ.

Also Read ಇಂಧನ ಬೆಲೆ ಏರಿಕೆ ಹೊಡೆತ Air India ಹೊಸ ತೀರ್ಮಾನ ಶಾಕಿಂಗ್ …!

ಒಟ್ಟಾರೆಯಾಗಿ,”ಕೇವಲ ಸಿನಿಮಾ ಗ್ಲಾಮರ್ ಮತ್ತು ಅಭಿಮಾನಿ ಸಂಘಗಳನ್ನೇ ನಂಬಿ ಬಂದಿರುವ ಟಿವಿವಿ (TVk) ನಂತಹ ಪಕ್ಷಗಳ ಅಬ್ಬರದೆದುರು,. ವ್ಯವಸ್ಥೆಯನ್ನು ಕೊಳೆಸಿರುವ ಹಳೇ ರಾಜಕೀಯ ಜಿರಳೆಗಳನ್ನು ದೇಶದಿಂದಲೇ ಓಡಿಸಿ, ಹೊಸ ಜಿರಳೆಗಳ ಹಂಗಾಮದ ನಡುವೆ ಯುವ ನಾಯಕತ್ವದ ಹೊಸ ಇತಿಹಾಸ ಸೃಷ್ಟಿಸಲಿದೆಯಾ’ವಿ ದಿ ಲೀಡರ್ಸ್’ ಚಳವಳಿ!” ಕಾದ್ ನೋಡಬೇಕಿದೆ.

ರಾಜಾಜರಣದಲ್ಲಿ ಯಾವಾಗ ಬೇಕಾದರೂ ಏನು ಬೇಕಾದರೂ ಆಗ್ಬಹುದು ಅಲ್ವೇ..

##WeTheLeaders #ZenZeeRevolution #GenAlphaPolitics #AnnamalaiNewWave #TVkVsWeTheLeaders