ಒಂದು ಕಾಲದಲ್ಲಿ 20-30 ಸಾವಿರ ರೂ.ಗೆ ಸಿಗುತ್ತಿದ್ದ 10 ಗ್ರಾಂ ಚಿನ್ನ ಇಂದು ಕೆಲವೆಡೆ ಒಂದೂವರೆ ಲಕ್ಷ ರೂಪಾಯಿ ಗಡಿ ದಾಟಿದೆ. ಬೆಲೆ ಕೇಳಿದರೆ ಸಾಮಾನ್ಯ ಜನರಿಗೆ ಶಾಕ್ ಆಗುತ್ತಿದೆ. ಆದರೆ ಭಾರತೀಯರ ಚಿನ್ನದ ಮೇಲಿನ ಪ್ರೀತಿ ಮಾತ್ರ ಕಡಿಮೆಯಾಗಿಲ್ಲ…ಚಿಕ್ಕದಾದ್ರೂ ಸರಿ ಅಗತ್ಯ ಬಂದ್ರೆ ಖರೀದಿಸಲೇ ಬೇಕು, ಕೆಲವ್ ಸಂದರ್ಭ ಅನಿವಾರ್ಯ ಕೂಡ ..

ಚಿನ್ನದ ಬೆಲೆ ಗಗನಕ್ಕೇರಿತು! ಮಹಿಳೆಯರ ನೆಚ್ಚಿನ ಆಭರಣ ಈಗ ಮತ್ತಷ್ಟು ಅಮೂಲ್ಯ.

ಗೋಲ್ಡ್ ದರ ಏರು ಮುಖದಲ್ಲಿ.. ಬೆಳ್ಳಿಯ ದರ ಎರಡೇ ದಿನದಲ್ಲಿ ಆರು ಸಾವಿರ ಏರಿಕೆ

ಇಡೀ ಜಗತ್ತಿನ ಆರ್ಥಿಕತೆ ನಿಂತಿರುವುದೇ ಚಿನ್ನ ಬೆಳ್ಳಿಯಂತಹ ಭೂಮಿಯ ಒಡಲಿನಿಂದ ಸಿಗುವಂತಹ ಖನಿಜ ಸಂಪತ್ತಿನಿಂದ. ಡಾಲರ್ ದರ ಕೂಡ ಇದಕ್ಕೆ ಹೊರತಾಗಿಲ್ಲ. ಒಂದೇ ಸಮನೆ ಚಿನ್ನ ಬೆಳ್ಳಿಯ ದರ ಏರುತ್ತಾ ಸಾಗುತ್ತಿದೆ. ಯಾವುದೇ ಬಲಾಡ್ಯರ ಹಿಡಿತಕ್ಕೂ ಆ ದರ ಏರಿಕೆ ಕಡಿವಾಣ ಸಿಗುತ್ತಿಲ್ಲ.

ಶನಿವಾರ ಒಂದು ಗ್ರಾಂ ಗೆ13, 300ರಷ್ಟಿದ್ದ 22 ಕ್ಯಾರೆಟ್ ಚಿನ್ನದ ದರ ಇಂದು ಬರೋಬ್ಬರಿ 220 ನಷ್ಟು ಏರಿಕೆ ಕಂಡಿದೆ. ಅದೇ ರೀತಿ ಬೆಳ್ಳಿ ೧ ಕೆ.ಜಿಗೆ ಎರಡು ಲಕ್ಷದ 52 ಸಾವಿರ ದರ ಶನಿವಾರದ ಸಂಜೆಯ ಹೊತ್ತಿಗೆ ಇತ್ತು. ಅದೇ ಒಂದು ಕೆಜಿ ಬೆಳ್ಳಿಗೆ ಸೋಮವಾರ ಮುಂಜಾನೆಯ ಹೊತ್ತಿಗೆ ಎರಡು ಲಕ್ಷದ 58000 ಆಗಿದೆ. ಬರೋಬ್ಬರಿ 6000 ನೆಗೆತ ಕಂಡಿದೆ.
ಚಿನ್ನವೂ ಸಹ 10 ಗ್ರಾಂ ಗೆ ಎರಡು ಸಾವಿರದ ಇನ್ನೂರು ರೂಪಾಯಿ ನೆಗೆತ ಕಂಡಿದೆ.
ಇದೇ ರೀತಿಯ ದರ ಏರಿಕೆಯು, ಅರಾಜಕತೆ ಹಾಗೂ ಹಲವು ಸಮಸ್ಯೆಗಳಿಗೆ ಕಾರಣವಾಗಬಹುದು. ಯಾರ ನಿಯಂತ್ರಣಕ್ಕೂ ಸಿಗದಂತೆ ಏರುತ್ತಿರುವ ಈ ದರವನ್ನು ಕಂಟ್ರೋಲಿಗೆ ತೆಗೆದುಕೊಳ್ಳುವ ಅವಶ್ಯಕತೆ ಇದೆ. ಅನಾರೋಗ್ಯಕರ ಪ್ರೀತಿಯಲ್ಲಿ ದರ ಏರಿಕೆಯಾಗುತ್ತಿದೆ.

ಒಟ್ಟಾರೆಯಾಗಿ ಜನರ ಆದಾಯದಲ್ಲಿ ಯಾವುದೇ ಏರಿಕೆ ಕಾಣಿಸದಿದ್ದರೂ, ಚಿನ್ನ ಬೆಳ್ಳಿಯಂತಹ ಪ್ರಮುಖ ಆರ್ಥಿಕ ಮೂಲದ ದರವು ಏರಿಕೆಯಾಗುತ್ತಿರುವುದು ಸಾಮಾನ್ಯ ಜನರ ಮನೆಯ ಮೇಲು ಅದರ ಪರಿಣಾಮ ಬೀರುವುದು ಖಚಿತ ಅಂತಲೆ ಆರ್ಥಿಕ ತಜ್ಞರು ಅಭಿಪ್ರಾಯ ಪಡುತ್ತಿದ್ದಾರೆ.

ಯಾವುದೇ ವಸ್ತುವಿನ ಬೆಲೆ ಆರೋಗ್ಯಕರವಾದ ರೀತಿಯಲ್ಲಿ ಇರಬೇಕು ಆ ರೀತಿಯಲ್ಲಿ ಇರುವಂತೆ ನೋಡಿಕೊಳ್ಳುವುದು ದೇಶ ಹಾಗೂ ಜಗತ್ತಿನ ಎಲ್ಲಾ ದೇಶಗಳ ಆಡಳಿತದ ಕರ್ತವ್ಯವಾಗಿರಬೇಕಿತ್ತು. ಆದರೆ ಈಗ, ಜಗತ್ತಿನ ಯಾವ ದೇಶದ ಆಡಳಿತಕ್ಕೂ ಸೊಪ್ಪು ಹಾಕದ ರೀತಿಯಲ್ಲಿ ನೆಗೆತ ಕಾಣುತ್ತಿರುವುದು ಭವಿಷ್ಯಕ್ಕೆ ಮಾರಕವಾಗಬಹುದು ಎನ್ನಲಾಗುತ್ತಿದೆ

ಭಾರತೀಯರ ಬದುಕಿನಲ್ಲಿ ಚಿನ್ನಕ್ಕೆ ವಿಶೇಷ ಸ್ಥಾನವಿದೆ. ಅದರಲ್ಲೂ ಮಹಿಳೆಯರಿಗೆ ಚಿನ್ನ ಎಂದರೆ ಕೇವಲ ಆಭರಣವಲ್ಲ, ಅದು ಭಾವನೆ, ಸಂಪ್ರದಾಯ ಮತ್ತು ಭದ್ರತೆಯ ಸಂಕೇತ. ಮದುವೆ, ನಾಮಕರಣ, ಹಬ್ಬ-ಹರಿದಿನ, ಶುಭ ಸಮಾರಂಭ ಹೀಗೆ ಯಾವುದೇ ವಿಶೇಷ ಸಂದರ್ಭ ಚಿನ್ನವಿಲ್ಲದೆ ಪೂರ್ಣವಾಗುವುದಿಲ್ಲ.

ಈಗ ಚಿನ್ನದ ಬೆಲೆ ಐತಿಹಾಸಿಕ ಏರಿಕೆ ಕಂಡಿದ್ದು, 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ ಸುಮಾರು ₹1.00 ಲಕ್ಷದಿಂದ ₹1.10 ಲಕ್ಷ ಗಡಿ ದಾಟಿದೆ. ಇದರಿಂದ ಚಿನ್ನ ಖರೀದಿಸಲು ಯೋಜಿಸಿದ್ದ ಕುಟುಂಬಗಳು ಮತ್ತು ಮಹಿಳೆಯರಲ್ಲಿ ಚರ್ಚೆ ಜೋರಾಗಿದೆ. “ಇನ್ನೂ ಏರುತ್ತದೆಯೇ ಅಥವಾ ಇಳಿಯುತ್ತದೆಯೇ?” ಎಂಬ ಪ್ರಶ್ನೆ ಎಲ್ಲರಲ್ಲೂ ಮೂಡಿದೆ.

ಭಾರತೀಯ ಕುಟುಂಬಗಳಲ್ಲಿ ಚಿನ್ನವನ್ನು ಯಾವಾಗಲೂ ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸಲಾಗುತ್ತದೆ. ಷೇರು ಮಾರುಕಟ್ಟೆ ಏರಿಳಿತ ಕಂಡರೂ, ಆರ್ಥಿಕ ಅನಿಶ್ಚಿತತೆ ಎದುರಾದರೂ, ಚಿನ್ನ ತನ್ನ ಮೌಲ್ಯವನ್ನು ಉಳಿಸಿಕೊಳ್ಳುವ ಆಸ್ತಿಯಾಗಿದೆ ಎಂಬ ನಂಬಿಕೆ ಜನರಲ್ಲಿದೆ. ಅದಕ್ಕಾಗಿಯೇ ಅನೇಕ ಕುಟುಂಬಗಳು ತಮ್ಮ ಉಳಿತಾಯದ ಒಂದು ಭಾಗವನ್ನು ಚಿನ್ನದ ರೂಪದಲ್ಲಿ ಇಡುತ್ತಾರೆ.

ತಜ್ಞರ ಪ್ರಕಾರ ಜಾಗತಿಕ ಆರ್ಥಿಕ ಅನಿಶ್ಚಿತತೆ, ಯುದ್ಧದ ಆತಂಕ, ಡಾಲರ್ ಮೌಲ್ಯದ ಏರಿಳಿತ ಹಾಗೂ ಸುರಕ್ಷಿತ ಹೂಡಿಕೆಯತ್ತ ಜನರ ಒಲವು ಹೆಚ್ಚುತ್ತಿರುವುದು ಚಿನ್ನದ ಬೆಲೆ ಏರಿಕೆಗೆ ಪ್ರಮುಖ ಕಾರಣವಾಗಿದೆ. ಇದೇ ಪರಿಸ್ಥಿತಿ ಮುಂದುವರಿದರೆ ಮುಂದಿನ ದಿನಗಳಲ್ಲಿ ಚಿನ್ನದ ಬೆಲೆ ಮತ್ತಷ್ಟು ಏರಿಕೆಯಾಗುವ ಸಾಧ್ಯತೆಯನ್ನೂ ಕೆಲವರು ವ್ಯಕ್ತಪಡಿಸುತ್ತಿದ್ದಾರೆ.

ಒಂದು ಕಾಲದಲ್ಲಿ “ಚಿನ್ನ ಖರೀದಿಸೋಣ” ಎಂದು ಸುಲಭವಾಗಿ ನಿರ್ಧಾರ ಮಾಡುತ್ತಿದ್ದ ಕುಟುಂಬಗಳು ಇಂದು ಬೆಲೆ ಕೇಳಿ ಅಚ್ಚರಿ ಪಡುತ್ತಿವೆ. ಆದರೆ ಬೆಲೆ ಎಷ್ಟೇ ಏರಿದರೂ ಭಾರತೀಯರ ಚಿನ್ನದ ಮೇಲಿನ ಪ್ರೀತಿ ಮಾತ್ರ ಕಡಿಮೆಯಾಗಿಲ್ಲ. ಏಕೆಂದರೆ ಚಿನ್ನ ಕೇವಲ ಲೋಹವಲ್ಲ, ಅದು ಭಾರತೀಯ ಸಂಸ್ಕೃತಿ, ಕುಟುಂಬದ ಗೌರವ ಮತ್ತು ಭವಿಷ್ಯದ ಭದ್ರತೆಯ ಪ್ರತೀಕವಾಗಿದೆ.

ಹೀಗಾಗಿ ಈಗ ಎಲ್ಲರಲ್ಲೂ ಒಂದೇ ಪ್ರಶ್ನೆ – ಚಿನ್ನದ ಬೆಲೆ ಇನ್ನೂ ಎಷ್ಟು ಏರಲಿದೆ? ಅಥವಾ ಖರೀದಿಸಲು ಇದೇ ಸರಿಯಾದ ಸಮಯವೇ? ಉತ್ತರ ಮುಂದಿನ ದಿನಗಳ ಮಾರುಕಟ್ಟೆ ಬೆಳವಣಿಗೆಗಳ ಮೇಲೆ ನಿಂತಿದೆ..

##GoldRateToday #GoldPriceIndia #GoldNews #KannadaNews #GoldInvestment #GoldLovers