ದಕ್ಷಿಣ ಕನ್ನಡ ಜಿಲ್ಲೆಯ ಜನರು ಬುದ್ಧಿವಂತರು ವಿದ್ಯಾವಂತರು ಸುಸಂಸ್ಕೃತವಂತರು ಎಂಬ ಲೇಬಲ್ಲು ಅಂಟಿಕೊಂಡಿರುವುದನ್ನು ಕಿತ್ತೆಸೆದು, ಇಲ್ಲಿಯೂ ವಂಚಕರಿದ್ದಾರೆ, ಮೋಸಗಾರರಿದ್ದಾರೆ, ಫ್ರಾಡ್ ಗಳಿದ್ದಾರೆ ಅನ್ನುವುದನ್ನು ಸಾಬೀತು ಮಾಡಲು ಹೊರಟಿರುವ ಬೆರಳಿಣಿಕೆಯ ಜನರಿಂದಾಗಿ ಇಡೀ ಜಿಲ್ಲೆಗೆ ಕೆಟ್ಟ ಹೆಸರು ಬರುತ್ತಿದೆ ಅನ್ನುವುದಕ್ಕೆ ಮತ್ತೊಂದು ಹೊಸ ಉದಾಹರಣೆ ಈ ಪ್ರಕರಣ ಎನ್ನಲಾಗುತ್ತಿದೆ.

ಎಸ್… ಈ ಪ್ರಕರಣದ ರೂವಾರಿ ಸಾಮಾನ್ಯರಲ್ಲ. ಕಾನೂನು ಪಾಲಕ ವೃತ್ತಿಯಲ್ಲಿ ಇರುವಂತಹ ವಕೀಲರೊಬ್ಬರಿಂದಲೇ ಇಂತಹುದೊಂದು ಫ್ರಾಡ್ ಕೆಲಸ ನಡೆದಿದೆ ಎನ್ನುವ ವರ್ತಮಾನ ಕರಾವಳಿ ಮಾರುತದ ಕಚೇರಿಗೆ ಬಂದು ತಲುಪಿದೆ.

ಆ ವಕೀಲರು ಸರ್ಕಾರಿ ದಾಖಲೆಗಳನ್ನ ಸಂಪೂರ್ಣವಾಗಿ ನಕಲಿ ಮಾಡಿ, ಸರ್ಕಾರಿ ಇಲಾಖೆಗೆನೆ ಮುಂದಿನ ಕಾರ್ಯಕ್ಕಾಗಿ ಫೈಲ್ ಮಾಡಿ ನೀಡಿದ್ದಾರೆ. ಹಾಗೆ ನೀಡಲಾದ ಫೈಲ್ ನಲ್ಲಿರುವ ಆ ನಕಲಿ ದಾಖಲೆಗಳು ಅಸಲಿ ದಾಖಲೆಗೆ ಸರಿಸಮಾನವಾಗಿಯೇ ಇದೆ. ಸ್ವಲ್ಪವೂ ಅನುಮಾನ ಬಾರದ ಹಾಗೆ ಆ ದಾಖಲೆಯನ್ನು ಸೃಷ್ಟಿಸಲಾಗಿದೆ ಎನ್ನುವ ಮಾಹಿತಿಯು ಸರ್ಕಾರಿ ಕಚೇರಿ ಒಳಗಿನಿಂದಲೇ ತೂರಿ ಬಂದಿದೆ.

ಪತ್ರಿಕೆಗೆ ಬಂದ ಮಾಹಿತಿಯ ಪ್ರಕಾರ, ಈಗ ಆ ದಾಖಲೆಯ ವಿಚಾರವಾಗಿ ಪ್ರಕರಣ ದಾಖಲಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಹಾಗೆಯೇ ಈ ವಿಚಾರವಾಗಿ ಆಂತರಿಕ ತನಿಖೆಯು ನಡೆಯುವ ಸಾಧ್ಯತೆ ಬಗ್ಗೆ ಅಲ್ಲಗಳಲಾಗುತ್ತಿಲ್ಲ. ಸದ್ಯಕ್ಕೆ ಈ ವಿಚಾರ ಅಧಿಕಾರಿಗಳ ವಲಯದಲ್ಲಿ ಸಿಕ್ಕಾಪಟ್ಟೆ ಬಿಸಿ ಬಿಸಿ ಚರ್ಚೆಗೆ ಕಾರಣವಾಗಿದೆ. ಅದರಲ್ಲೂ ಕರಿ ಕೋಟು ಹಾಕಿರುವಂತಹ ವಕೀಲರೊಬ್ಬರ ಕಡೆಯಿಂದ ನಡೆದಿರುವ ಈ ಅನಾಹುತದ ಬಗ್ಗೆ ಬಿಸಿ ಬಿಸಿ ಚರ್ಚೆಯ ಜೊತೆಗೆ ಪರವಿರೋಧದ ಚರ್ಚೆಯು ಆಗುತ್ತಿದೆಯಂತೆ.