ಪೂಣೆ ಜಿಲ್ಲೆಯ ನಾಸ್ರಾಪುರ ಗ್ರಾಮದಲ್ಲಿ ನಡೆದ ಈ ಘಟನೆ ಮಾನವೀಯತೆಯನ್ನೇ ನಡುಗಿಸುವಂತಿದೆ.

ಮೂರುವರೆ ವರ್ಷದ ಪುಟ್ಟ ಬಾಲಕಿ ಕಾಣೆಯಾಗಿದ್ದಾಗ, ಆತಂಕಗೊಂಡ ಅಜ್ಜ-ಅಜ್ಜಿ ಮತ್ತು ಗ್ರಾಮಸ್ಥರು ಹುಡುಕಾಟ ಆರಂಭಿಸಿದರು. ಸಿಸಿಟಿವಿ ದೃಶ್ಯಗಳಲ್ಲಿ 65 ವರ್ಷದ ವ್ಯಕ್ತಿ ಆಕೆಯನ್ನು ಗೋಶಾಳೆಗೆ ಕರೆದೊಯ್ಯುತ್ತಿರುವುದು ಕಾಣಿಸಿಕೊಂಡಿತು. ನಂತರ ಗ್ರಾಮಸ್ಥರು ಆತನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದರು.

ಪೊಲೀಸರ ತನಿಖೆಯಲ್ಲಿ ಭಯಾನಕ ಸತ್ಯ ಹೊರಬಂದಿತು — ಆತನಿಂದ ಬಾಲಕಿಗೆ ಲೈಂಗಿಕ ದೌರ್ಜನ್ಯ ನಡೆಸಿ, ನಂತರ ಕಲ್ಲಿನಿಂದ ತಲೆಗೆ ಹೊಡೆದು ಕ್ರೂರವಾಗಿ ಕೊಲೆ ಮಾಡಲಾಗಿದೆ. ಸಾಕ್ಷ್ಯ ಮರೆಮಾಚಲು ಆಕೆಯ ದೇಹವನ್ನು ಗೋಮಯದಡಿ ಮುಚ್ಚಿದ್ದನು.

ಈ ದುರ್ಘಟನೆ ಗ್ರಾಮದಲ್ಲಿ ಆಕ್ರೋಶದ ಜ್ವಾಲೆಯನ್ನು ಹೊತ್ತಿಸಿ, ಪ್ರತಿಭಟನೆಗಳು ತೀವ್ರಗೊಂಡು ಪುಣೆ–ಸಾತಾರಾ ಹೆದ್ದಾರಿ ತಡೆಹಿಡಿಯುವ ಮಟ್ಟಕ್ಕೆ ಏರಿದವು.

Also Read ಬುಡಕಟ್ಟು ಹೆಣ್ಣುಮಕ್ಕಳ ಬದುಕು ಬದಲಿಸಿದ ಗಾರ್ಗಿ ಜೈನ್ ‘ಮೇಡಂ ಕಲೆಕ್ಟರ್’ನಿಂದ ‘ಕಲೆಕ್ಟರ್ ದೀದಿ’ವರೆಗೆ…

ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ, ತ್ವರಿತ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸಿ, ಅಪರಾಧಿಗೆ ಗರಿಷ್ಠ ಶಿಕ್ಷೆ (ಮರಣದಂಡನೆ) ಕೋರುವುದಾಗಿ ತಿಳಿಸಿದ್ದಾರೆ.

ಈ ಘಟನೆ ಕೇವಲ ಒಂದು ಅಪರಾಧವಲ್ಲ — ಇದು ಸಮಾಜದ ಮನಸ್ಸನ್ನು ಕಲುಕಿದ ದಾರುಣ ದುರಂತ.

ಆರೋಪಿಯು ಹಿಂದೆ ಸಹ ಇದೇ ರೀತಿಯ ಪ್ರಕರಣಗಳಲ್ಲಿ ಅವನ ಹೆಸರು ಬಂದಿರುವುದು, ಅವನಲ್ಲಿದ್ದ ಪುನರಾವರ್ತಿತ ಅಪರಾಧ ಪ್ರವೃತ್ತಿ (repeat behavior) ಬಗ್ಗೆ ಸೂಚಿಸುತ್ತದೆ.ವಿಕೃತಿಯ ನಂತರ ಕಲ್ಲಿನಿಂದ ಹೊಡೆದು ಕೊಲೆ ಮಾಡಿರುವುದು,ಅಪರಾಧವನ್ನು ಮರೆಮಾಚಲು ದೇಹವನ್ನು ಮುಚ್ಚಲು ಯತ್ನಿಸಿರುವುದು, ಅವನು ತನ್ನ ಕೃತ್ಯದ ಪರಿಣಾಮಗಳನ್ನು ಅರಿತುಕೊಂಡಿದ್ದರೂ ಆತನ ಅಮಾನವೀಯ ಪ್ರವೃತ್ತಿಯನ್ನು ಸ್ಪಷ್ಟಪಡಿಸುತ್ತದೆ.

##ನ್ಯಾಯ #ಮಕ್ಕಳಸುರಕ್ಷತೆ #POCSO #ಅಮಾನವೀಯತೆ #ಕಠಿಣಶಿಕ್ಷೆ #ಸಮಾಜಜಾಗೃತಿ