ರಾಜ್ಯಾದ್ಯಂತ ಇಂದಿನಿಂದ (ಜೂನ್ 30, 2026) ಅತ್ಯಂತ ಕಟ್ಟುನಿಟ್ಟಿನ ‘ವಿಶೇಷ ತೀವ್ರ ಪರಿಷ್ಕರಣೆ’ (Special Intensive Revision – SIR) ಪ್ರಕ್ರಿಯೆ ಆರಂಭವಾಗಿದೆ. ಇದು ಕೇವಲ ಹೊಸಬರ ಹೆಸರು ಸೇರಿಸುವ ಸಾಮಾನ್ಯ ಪ್ರಕ್ರಿಯೆಯಲ್ಲ; ಈಗಾಗಲೇ ವೋಟರ್ ಐಡಿ ಹೊಂದಿರುವವರೂ ಸಹ ತಮ್ಮ ಹೆಸರು ಪಟ್ಟಿಯಲ್ಲಿ ಉಳಿದಿದೆಯೇ ಎಂದು ಖಚಿತಪಡಿಸಿಕೊಳ್ಳಬೇಕಾದ ಅನಿವಾರ್ಯತೆ ಈ ಬಾರಿ ಇದೆ.

ಸ್ಥಳೀಯ ಮತದಾರರ ಅನುಕೂಲಕ್ಕಾಗಿ ಈ ಪ್ರಕ್ರಿಯೆಯ ಸಂಪೂರ್ಣ ವಿವರ ಇಲ್ಲಿದೆ:ಓದಿ ಅಗತ್ಯವಿರುವವರಿಗೆ ಕಳುಹಿಸಿ..

ಮನೆ ಬಾಗಿಲಿಗೆ ಬರಲಿದ್ದಾರೆ ಅಧಿಕಾರಿಗಳು (ಜೂನ್ 30 – ಜುಲೈ 29)

ರಾಜ್ಯದಾದ್ಯಂತ ಸುಮಾರು 59,050 ಕ್ಕೂ ಹೆಚ್ಚು ಬಿಎಲ್‌ಒ (Booth Level Officers) ಅಧಿಕಾರಿಗಳು ನಿಮ್ಮ ಮನೆ ಬಾಗಿಲಿಗೆ ಭೇಟಿ ನೀಡಲಿದ್ದಾರೆ. ಅವರು ಈಗಾಗಲೇ ಭಾಗಶಃ ಭರ್ತಿ ಮಾಡಲಾದ ವಿಶೇಷ ವೀಕ್ಷಣೆ ಫಾರ್ಮ್‌ಗಳನ್ನು (Enumeration Forms) ನಿಮಗೆ ನೀಡುತ್ತಾರೆ. ನಾಗರಿಕರು ತಮ್ಮ ಇತ್ತೀಚಿನ ಫೋಟೋ, ಸರಿಯಾದ ವಿಳಾಸ ಮತ್ತು ಸಹಿಯೊಂದಿಗೆ ಈ ಫಾರ್ಮ್ ಅನ್ನು ಭರ್ತಿ ಮಾಡಿ ಜುಲೈ 29 ರೊಳಗೆ ಅದೇ ಅಧಿಕಾರಿಗೆ ವಾಪಸ್ ನೀಡಬೇಕು.

Also Read ಬ್ಯಾಂಕುಗಳ ಮೇಲೆ ಭೀಕರ ದಾಳಿಯ ಮುನ್ಸೂಚನೆ ನೀಡಿದ ಇರಾನ್- ಮಿನಿಮಮ್ 1000 ಮೀಟರ್ ದೂರವಿರಿ

ಈ ಬಾರಿ ‘ಫ್ಯಾಮಿಲಿ ಮ್ಯಾಪಿಂಗ್’ ಅತ್ಯಂತ ಕಟ್ಟುನಿಟ್ಟು!

ಈ ಬಾರಿಯ ಇಲೆಕ್ಷನ್ ಕಮಿಷನ್ ಪರಿಶೀಲನೆಯಲ್ಲಿ ‘ಪ್ರೊಜೆನಿ ಮ್ಯಾಪಿಂಗ್’ (Progeny/Family Mapping) ಅಂದರೆ ಕೌಟುಂಬಿಕ ಲಿಂಕ್ ಪ್ರಕ್ರಿಯೆಯನ್ನು ಕಡ್ಡಾಯಗೊಳಿಸಲಾಗಿದೆ. ನಿಮ್ಮ ಕುಟುಂಬದ ಎಲ್ಲ ಸದಸ್ಯರ ವೋಟರ್ ಐಡಿಗಳನ್ನು ತಂದೆ, ತಾಯಿ ಅಥವಾ ಸಂಗಾತಿಯ ಹೆಸರಿನೊಂದಿಗೆ ಡಿಜಿಟಲ್ ಆಗಿ ಲಿಂಕ್ ಮಾಡಲಾಗುತ್ತದೆ. ನಕಲಿ ವೋಟರ್‌ಗಳನ್ನು ಪಟ್ಟಿಯಿಂದ ತೆಗೆದುಹಾಕಲು ಈ ಕ್ರಮ ಕೈಗೊಳ್ಳಲಾಗಿದೆ. ಆಧಾರ್ ಕಾರ್ಡ್‌ನಲ್ಲಿರುವ ಹೆಸರು ಮತ್ತು ವೋಟರ್ ಐಡಿಯಲ್ಲಿರುವ ಹೆಸರಿನ ನಡುವೆ ಕಾಗುಣಿತ (Spelling) ವ್ಯತ್ಯಾಸವಿದ್ದರೆ ಅಂತಹ ಕಾರ್ಡ್‌ಗಳು ರದ್ದಾಗುವ ಭೀತಿ ಹೆಚ್ಚಿರುತ್ತದೆ.

ಯಾರಿಗೆ ಹೆಚ್ಚು ರಿಸ್ಕ್ ಇದೆ?: ಬಾಡಿಗೆ ಮನೆಯಲ್ಲಿದ್ದು ಇತ್ತೀಚೆಗೆ ಮನೆ ಬದಲಾಯಿಸಿದವರು, ಆಧಾರ್-ವೋಟರ್ ಐಡಿ ಹೆಸರು ಮ್ಯಾಚ್ ಆಗದವರು ಮತ್ತು ಅಧಿಕಾರಿಗಳು ಮನೆಗೆ ಬಂದಾಗ ಸಿಗದ ಉದ್ಯೋಗಸ್ಥರ ಹೆಸರುಗಳು ಪಟ್ಟಿಯಿಂದ ‘ಡಿಲೀಟ್’ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಪ್ರಮುಖ ದಿನಾಂಕಗಳು ಮತ್ತು ವೇಳಾಪಟ್ಟಿ

ರಾಜ್ಯದಲ್ಲಿ ಇಂದಿನಿಂದ (ಜೂನ್ 30) ಆರಂಭವಾಗಿರುವ ಈ ಪ್ರಕ್ರಿಯೆಯು ಪ್ರಮುಖವಾಗಿ ನಾಲ್ಕು ಹಂತಗಳಲ್ಲಿ ನಡೆಯಲಿದೆ. ಮೊದಲು, ಜುಲೈ 29 ರವರೆಗೆ ಬಿಎಲ್‌ಒ ಅಧಿಕಾರಿಗಳು ಮನೆ ಮನೆಗೆ ಭೇಟಿ ನೀಡಿ ಮಾಹಿತಿ ಕಲೆಹಾಕಲಿದ್ದಾರೆ. ಇದರ ಆಧಾರದ ಮೇಲೆ ಆಗಸ್ಟ್ 5 ರಂದು ಕರಡು (ತಾತ್ಕಾಲಿಕ) ಮತದಾರರ ಪಟ್ಟಿಯನ್ನು ಪ್ರಕಟಿಸಲಾಗುತ್ತದೆ. ಒಂದು ವೇಳೆ ಈ ಪಟ್ಟಿಯಲ್ಲಿ ನಿಮ್ಮ ಹೆಸರಿಲ್ಲದಿದ್ದರೆ ಅಥವಾ ತಿದ್ದುಪಡಿಗಳಿದ್ದರೆ, ಸಾರ್ವಜನಿಕರು ಆಗಸ್ಟ್ 5 ರಿಂದ ಸೆಪ್ಟೆಂಬರ್ 4 ರವರೆಗೆ ಆಕ್ಷೇಪಣೆ ಹಾಗೂ ಹೊಸ ಹಕ್ಕುಗಳನ್ನು ಸಲ್ಲಿಸಲು ಅವಕಾಶವಿರುತ್ತದೆ. ಈ ಎಲ್ಲ ಪ್ರಕ್ರಿಯೆಗಳು ಮುಗಿದ ಬಳಿಕ, ಎಲ್ಲಾ ಗೊಂದಲಗಳಿಗೂ ತೆರೆ ಎಳೆದು ಅಕ್ಟೋಬರ್ 7, 2026 ರಂದು ಅಧಿಕೃತವಾಗಿ ‘ಅಂತಿಮ ಮತದಾರರ ಪಟ್ಟಿ’ಯನ್ನು ಬಿಡುಗಡೆ ಮಾಡಲಾಗುತ್ತದೆ.

Also Read ಬೆಳ್ಳಂಬೆಳಗ್ಗೆ ಸಿದ್ದರಾಮಯ್ಯ ಮನೆಗೆ ಡಿ.ಕೆ. ಶಿವಕುಮಾರ್ ಸರ್ಪ್ರೈಸ್ ವಿಸಿಟ್!

ಸಾರ್ವಜನಿಕರು ಏನು ಮಾಡಬೇಕು?

ನಿಮ್ಮ ಮನೆಗೆ ಬಿಎಲ್‌ಒ ಅಧಿಕಾರಿ ಬಂದಾಗ ಒಂದು ವೇಳೆ ನೀವು ಸಿಗದಿದ್ದರೆ, ಅವರು ನಿಮ್ಮ ಬಾಗಿಲಿಗೆ ಕೆಂಪು ಬಣ್ಣದ ಸ್ಟಿಕ್ಕರ್ ಹಚ್ಚಿ, ತಮ್ಮ ಮೊಬೈಲ್ ನಂಬರ್ ಬರೆದಿಟ್ಟು ಹೋಗುತ್ತಾರೆ. ನೀವು ತಕ್ಷಣ ಅವರನ್ನು ಸಂಪರ್ಕಿಸಿ ಫಾರ್ಮ್ ಪಡೆದುಕೊಳ್ಳಬೇಕು. ಆನ್‌ಲೈನ್ ಮೂಲಕ ಮಾಡಿಕೊಳ್ಳಬಯಸುವವರು ಇಲಾಖೆಯ ಅಧಿಕೃತ ವೆಬ್‌ಸೈಟ್ (voters.eci.gov.in) ಅಥವಾ ‘Voter Helpline’ ಆಪ್ ಮೂಲಕವೂ ಮಾಹಿತಿ ಅಪ್‌ಡೇಟ್ ಮಾಡಬಹುದು.

#1. #VoterIDUpdate 2. #KarnatakaSIR2026 3. #ElectoralRolls 4. #BLOhouseVisit 5. #ElectionCommission