ಹೋಳಿ ಮತ್ತು Ramdan ಹಬ್ಬಗಳ ನಡುವೆ ನಡೆಯಬಾರದ್ದು ನಡೆದು ಒಂದು ಜೀವವೇ ಹೋಯಿತು ……..!
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಹೋಳಿ ಹಬ್ಬದ ಸಂದರ್ಭದಲ್ಲಿ ಸಂಭವಿಸಿದ ದುರ್ಘಟನೆ ಒಂದು ಸಣ್ಣ ತಪ್ಪಲ್ಲದ ತಪ್ಪು ಹೇಗೆ ಭೀಕರ ಹಿಂಸೆಗೆ ಕಾರಣವಾಯಿತು ನೋಡಿ …

ಒಂದು ಸಣ್ಣ ತಪ್ಪಿನಿಂದ ಆರಂಭವಾದ ಘಟನೆಯು ಸಹನೆ, ಸಮಜಾಯಿಷಿ ಮತ್ತು ಮಾನವೀಯತೆ ಕೊರತೆಯಿಂದ ಹೇಗೆ ದೊಡ್ಡ ದುರಂತವಾಗಿ ಮಾರ್ಪಟ್ಟಿತು ಎಂಬುದು ಈ ಘಟನೆ ಮತ್ತೆ ಸಾಕ್ಷೀಕರಿಸುತ್ತದೆ . ಹಬ್ಬಗಳ ಮೂಲ, ಸಂಭ್ರಮ ಮತ್ತು ಸೌಹಾರ್ದತೆಯನ್ನು ಸಾರುವುದಾದರೂ, ಕ್ಷಣಿಕ ಕೋಪ ಮತ್ತು ಅಸಹನೆಯಿಂದ ಒಂದು ಅಮೂಲ್ಯ ಜೀವ ಕಳೆದುಹೋಗಿರುವುದು ದುಃಖಕರ ಸಂಗತಿಯಾಗಿದೆ.

ಹೋಳಿ ಹಬ್ಬದಂದು ಕೆಲವು ಚಿಕ್ಕ ಮಕ್ಕಳು ಆಟವಾಡುತ್ತಾ ಬಣ್ಣಗಳಿಂದ ಸಂಭ್ರಮಿಸುತ್ತಿದ್ದರು. ಆ ವೇಳೆ ಅಜಾಗರೂಕತೆಯಿಂದ ಹೋಳಿ ಬಣ್ಣದ ಪುಡಿ ಅಲ್ಲಿ ಹಾದು ಹೋಗುತ್ತಿದ್ದ ಒಬ್ಬ ಮುಸ್ಲಿಂ ಮಹಿಳೆಯ ಕಾಲಿನ ಮೇಲೆ ಬಿದ್ದಿದೆ ಎನ್ನಲಾಗಿದೆ. ಇದರಿಂದ ಆಕೆ ಕೋಪಗೊಂಡು ಕೂಗಿದ ನಂತರ, ಆಕೆಯ ಸಮುದಾಯದ ಕೆಲವರು ಅಲ್ಲಿಗೆ ಕೂಡಿಕೊಂಡರು. ಆರಂಭದಲ್ಲಿ ಸಣ್ಣ ಮಾತಿನ ಚಕಮಕಿಯಾಗಿ ಆರಂಭವಾದ ಘಟನೆ, ಸಹನೆ ಮತ್ತು ಮಾನವೀಯತೆ ಕೊರತೆಯಿಂದ ಬೇಗನೆ ಉದ್ವಿಗ್ನತೆಯಾಗಿ ತಿರುಗಿತು.

Also Read ಮಹಿಳಾ ಟಿ20 ವಿಶ್ವಕಪ್‌ಗೂ ಮುನ್ನ ಭಾರತ-ಪಾಕ್ ಹೈಪ್ ನಡುವೆ ಮಂಧಾನಾ ಮಾತು ವೈರಲ್…

ಸ್ಥಳೀಯರ ಹೇಳಿಕೆಗೆ ಅನುಸಾರ, ಆ ಸಂದರ್ಭದಲ್ಲಿ ಕೆಲವರು ಆಕ್ರೋಶಗೊಂಡು ಹೋಲಿ ಪೌಡರ್ ಎರಚಿದ ಮನೆಗೆ ಒಳಗಡೆ ನುಗ್ಗಿ ಹಲ್ಲೆ ಮಾಡಲೇತನ್ಸಿದಾಗ ಅವರು ಹೆದರಿ ಓಡಿ ಬಾಗಿಲು ಲಾಕ್ ಮಾಡಿ ಒಳಗಡೆ ಇರುವಾಗಲೇ ಏನು ನಡಿತಾ ಇದೆ ಅಂತಾನೇ ಗೊತ್ತಿಲ್ಲದ ಹೊರಗಿನಿಂದ ಬಂದ ಆ ಮನೆಯ ಯುವಕ ವಿಚಾರಿಸಲು ಮುಂದಾದಾಗ ಉದ್ರಿಕ್ತ ಗುಂಪು ತರುಣ್ ಎಂಬ ಯುವಕನ ಮೇಲೆ ಭೀಕರವಾಗಿ ಹಲ್ಲೆ ನಡೆಸಿದರು. ಗಂಭೀರವಾಗಿ ಗಾಯಗೊಂಡ ತರುಣ್ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಅವರು ಮೃತಪಟ್ಟರು.

ರಮಝಾನ್ ಪವಿತ್ರ ತಿಂಗಳಲ್ಲಿಯೇ ಈ ರೀತಿಯ ಹಿಂಸಾಚಾರ ನಡೆದಿರುವುದು ಹಲವರಲ್ಲಿ ಬೇಸರ ಮತ್ತು ಆಘಾತಕ್ಕೆ ಕಾರಣವಾಗಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಇನ್ನೂ ಇಬ್ಬರನ್ನು ಬಂಧಿಸಿದ್ದಾರೆ. ಇದುವರೆಗೆ ಒಬ್ಬ ಅಪ್ರಾಪ್ತ ಸೇರಿದಂತೆ ಒಟ್ಟು ಏಳು ಮಂದಿಯನ್ನು ವಿಚಾರಣೆ ನಡೆಸಲಾಗಿದೆ ಎಂದು ತಿಳಿದುಬಂದಿದೆ. ಬಂಧಿತ ಆರೋಪಿಗಳಲ್ಲಿ ಉಮರುದ್ದೀನ್, ಆತನ ಸಹೋದರ ಕಮ್ರುದ್ದೀನ್ ಮತ್ತು ಮಗ ಮುಜಾಫರ್ ಒಂದೇ ಕುಟುಂಬದವರು ಎಂದು ವರದಿಯಾಗಿದೆ.

Also Read "ಆ್ಯಕ್ಷನ್ ಸಿಎಂ" ಡಿಕೆ ಶಿವಕುಮಾರ್ ತಾಳ್ಮೆಯಿಂದ ತಾಕತ್ತಿನವರೆಗೆ...ಆಡಳಿತದ ಅಬ್ಬರ ಶುರು!ಏನೇನ್ ಹೇಳಿದ್ರು ?ಕರ್ನಾಟಕದಲ್ಲಿ ಹೊಸ ಆಡಳಿತ ಶೈಲಿಯ ಆರಂಭವೇ?

ಘಟನೆಯ ನಂತರ ಪರಿಸ್ಥಿತಿ ಉದ್ವಿಗ್ನವಾಗಿದ್ದು, ಆಕ್ರೋಶಗೊಂಡ ಕೆಲವರು ಆರೋಪಿಗಳ ಮನೆಗಳಿಗೆ ನುಗ್ಗಿ ಬೆಂಕಿ ಹಚ್ಚಿದ ಘಟನೆ ಕೂಡ ನಡೆದಿದೆ. ನಂತರ ದೆಹಲಿ ಮುನ್ಸಿಪಲ್ ಕಾರ್ಪೊರೇಷನ್ ಬುಲ್ಡೋಜರ್ ಕಾರ್ಯಾಚರಣೆ ನಡೆಸಿ, ಪ್ರಮುಖ ಆರೋಪಿ ನಿಜಾಮುದ್ದೀನ್‌ಗೆ ಸೇರಿದ ಆಸ್ತಿಯನ್ನು ಧ್ವಂಸಗೊಳಿಸಿದೆ. ಈ ಕಾರ್ಯಾಚರಣೆಯ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.