ಉಡುಪಿ ಜಿಲ್ಲೆಯ ವ್ಯಾಪ್ತಿಯಲ್ಲಿನ ಹೈವೇಯಲ್ಲಿ ಇನ್ನು ಮುಂದೆ ಮನಸ್ಸಿಗೆ ಬಂದಷ್ಟು ವೇಗವಾಗಿ ಚಲಿಸುವ ಹಾಗಿಲ್ಲ. ಒಂದೊಮ್ಮೆ ಲಿಮಿಟ್ ಗಿಂತ ಹೆಚ್ಚು ವೇಗವಾಗಿ ಚಲಿಸಿದರೆ ನಿಮ್ಮ ಮನೆಗೆ ನೋಟಿಸ್ ಬರುವುದು ಪಕ್ಕ.

ಉಡುಪಿ ಜಿಲ್ಲೆಯ ವ್ಯಾಪ್ತಿಯಲ್ಲಿನ ಹೈವೇಯಲ್ಲಿ ಇನ್ನು ಮುಂದೆ 80 ಕಿಲೋಮೀಟರ್ಗಿಂತ ಹೆಚ್ಚು ವೇಗದಲ್ಲಿ ಚಲಿಸುವ ಹಾಗಿಲ್ಲ. ಹೈವೆಯ ಸುಮಾರು 10 ಕಡೆ ಹೈ ಕ್ವಾಲಿಟಿಯ ಸ್ಪೀಡ್ ರಾಡರ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇದನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿಯಲ್ಲಿಯೇ ಮಾನಿಟರಿಂಗ್ ಮಾಡಲಾಗುತ್ತದೆ. ಅಲ್ಲಿಂದಲೇ ಯಾರು, ಯಾವ ವಾಹನ, ಅತಿ ವೇಗವಾಗಿ ಚಲಿಸುತ್ತಿದೆ ಅನ್ನುವುದನ್ನು ಪಕ್ಕ ತಿಳಿಸಿಬಿಡುತ್ತದೆ.. 80 ಕಿಲೋಮೀಟರ್ಗಿಂತ ಜಾಸ್ತಿ ವೇಗದಲ್ಲಿ ಚಲಿಸಿದರೆ ಒಂದೇ ವಾರದಲ್ಲಿ ಮನೆ ಎಲ್ಲಿಯೇ ಇರಲಿ, ಪೊಲೀಸ್ ನೋಟಿಸ್ ಮನೆ ತಲುಪುತ್ತದೆ.

Also Read ಕಾಂಗ್ರೆಸ್ ಜನರ ವಿಶ್ವಾಸದಿಂದ ದಿನದಿಂದ ದಿನಕ್ಕೂ ದೂರ ಹೋಗುತ್ತಿರುವುದಕ್ಕೆ ಸಾಕ್ಷಿನೇ ಇದು

ಕೇವಲ ಇಷ್ಟೇ ಅಲ್ಲ, ಆ ಸ್ಪೀಡ್ ರಾಡರ್ ಕ್ಯಾಮೆರಾ, ಕೇವಲ ವೇಗವನ್ನು ಮಾತ್ರ ಅಳೆಯುವುದಿಲ್ಲ. ಸೀಟ್ ಬೆಲ್ಟ್ ಹಾಕಿದ್ದಾರಾ ಇಲ್ವಾ ಅನ್ನುವುದನ್ನು ಪಕ್ಕಾ ವಿಡಿಯೋ ಸಹಿತ ಹೇಳುತ್ತದೆ. ಡ್ರೈವಿಂಗ್ ಮಾಡುವಾಗ ಮೊಬೈಲ್ ಯೂಸ್ ಮಾಡುತ್ತಿದ್ದರೆ ಅದನ್ನೂ ಆ ಕ್ಯಾಮರಾ ಕ್ಯಾಪ್ಚರ್ ಮಾಡದೇ ಬಿಡುವುದಿಲ್ಲ. ದ್ವಿಚಕ್ರವಾಹನದ ಸವಾರರು ಹೆಲ್ಮೆಟ್ ಇಲ್ಲದೆ ಹೋದರೆ ಅದಕ್ಕೂ ನೋಟಿಸ್ ಪಕ್ಕಾ ಬರುತ್ತದೆ.

ಕೇವಲ ಈ ಹೈವೇಗೆ ಮಾತ್ರ ಸೀಮಿತವಾಗಿಲ್ಲ, ಕಾರ್ಕಳ ಟು ಉಡುಪಿ ರಸ್ತೆಗೂ ಸಹಿತ ಸ್ಪೀಡ್ ಲಿಮಿಟ್ 60 ಕಿಲೋ ಮೀಟರ್ ಅಂತ ನಿರ್ಧರಿಸಲಾಗಿದೆ. ಅದಕ್ಕೂ ಜಾಸ್ತಿ ವೇಗದಲ್ಲಿ ಹೋಗಲು ನಿರ್ಬಂಧಿಸಲಾಗಿದೆ. ಹೀಗಾಗಿ ಇನ್ನು ಈ ರಸ್ತೆಯಲ್ಲಿ ಓಡಾಡುವವರು ರಸ್ತೆ ನಿಯಮವನ್ನು ಪಾಲನೆ ಮಾಡಲೇಬೇಕಾಗುತ್ತದೆ ಮಾಡದಿದ್ದರೆ ದಂಡವನ್ನು ತೆತ್ತಲೇ ಬೇಕು.

Also Read ಕರಾವಳಿಯ ಭವಿಷ್ಯ ರೂಪಿಸಲು ಸಿಎಂನ ಮಾಸ್ಟರ್ ಪ್ಲಾನ್! ಹೆಲಿ ಟೂರಿಸಂನಿಂದ ಹಿಡಿದು ಸಾವಿರಾರು ಉದ್ಯೋಗಗಳವರೆಗೆ...ಕ್ಯಾಬಿನೆಟ್ ಸಭೆ ಮೇಲೆ ಎಲ್ಲರ ಕಣ್ಣು.

ಒಟ್ಟಿನಲ್ಲಿ ಉಡುಪಿಯ ಪೊಲೀಸರು ಡಿಜಿಟಲ್ ವ್ಯವಸ್ಥೆಯನ್ನು ಸರಿಯಾಗಿ ಬಳಸಿಕೊಳ್ಳಲು ತೀರ್ಮಾನಿಸಿದ್ದಾರೆ ಅನ್ನುವುದು ಸಂತೋಷಕರ ವಿಚಾರ. ಈ ಬಗ್ಗೆ ಲಾಂಗ್ ರೂಟ್ ಹೋಗುವವರು 80 ಕಿಲೋಮೀಟರ್ ಮಿತಿ ಹಾಕಿರುವುದನ್ನು ನೂರು ಕಿಲೋಮೀಟರ್ಗೆ ಹೆಚ್ಚಿಸಬೇಕಿತ್ತು ಅಂತ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಅದೆಲ್ಲ ಏನೇ ಇರಲಿ, ಸಮಾಜಕ್ಕೆ ಒಳಿತಾಗಲಿ ಎಂಬ ಕಾರಣಕ್ಕೆ ಈ ವ್ಯವಸ್ಥೆಯನ್ನು ಜಾರಿಗೆ ತರಲಾಗುತ್ತದೆ. ಅದನ್ನು ಪಾಲಿಸಬೇಕಾದದ್ದು ನಮ್ಮೆಲ್ಲರ ಕರ್ತವ್ಯವೂ ಆಗಿದೆ.