ಚಿಕ್ಕಮಗಳೂರು ಜಿಲ್ಲೆಯ ಕೊಪ್ಪ ತಾಲೂಕಿನ ತಹಸಿಲ್ದಾರ್ ಇದೀಗ ಅಧಿಕಾರ ದುರುಪಯೋಗ ಮಾಡಿಕೊಂಡಿದ್ದಾರೆ ಎಂಬ ಕಾರಣಕ್ಕೆ, ವೈಯಕ್ತಿಕ ದ್ವೇಷಕ್ಕೆ ತಮ್ಮ ಹುದ್ದೆಯನ್ನು ಬಳಸಿಕೊಳ್ಳುತ್ತಿದ್ದಾರೆ ಎಂಬ ವಿಚಾರವಾಗಿ, ಪ್ರತಿಭಟನೆಯನ್ನು ಎದುರಿಸುತ್ತಿದ್ದಾರೆ.

ಸ್ಥಳೀಯ ಬಿಜೆಪಿಯ ಕಾರ್ಯಕರ್ತ ಮಂಜುನಾಥ್ ಗೌಡ ,ತಹಶೀಲ್ದಾರ್ ಅವರ ಕೆಂಗಣ್ಣಿಗೆ ಗುರಿಯಾಗಿ ಇದೀಗ ಜೈಲಿಗೆ ಸೇರುವಂತಾಗಿದೆ ಅನ್ನುವುದು ಇಲ್ಲಿನ ರೈತ ಸಂಘದವರ ಆರೋಪ ಹಾಗೂ ಇದೇ ಕಾರಣಕ್ಕೆ ಅವರು ತಹಸಿಲ್ದಾರ್ ವಿರುದ್ಧ ಪ್ರತಿಭಟನೆಯನ್ನೂ ಮಾಡುತ್ತಿದ್ದಾರೆ.

ತಹಸಿಲ್ದಾರ್ ಲಿಖಿತ ಮೋಹನ್ ಎಂಬುವರು ಹಾಗೂ ಸ್ಥಳೀಯ ಬಿಜೆಪಿ ಕಾರ್ಯಕರ್ತ ಮಂಜುನಾಥ್ ಗೌಡ ಎಂಬವರ ನಡುವೆ ಕಳೆದ ಕೆಲವು ಸಮಯಗಳಿಂದ ಒಂದಷ್ಟು ಇಂಟರ್ನಲ್ ಗುದ್ದಾಟಗಳು ನಡೆದದ್ದು ಸುಳ್ಳಲ್ಲ. ಈ ಇಂಟರ್ನಲ್ ಗುದ್ದಾಟಗಳ ವಿಚಾರವನ್ನು ಸೀರಿಯಸ್ಸಾಗಿ ತೆಗೆದುಕೊಂಡ ತಹಸಿಲ್ದಾರ್ ಲಿಖಿತ ಮೋಹನ್, ಮಂಜುನಾಥ್ ಗೌಡರ ವಿರುದ್ಧ ದೂರು ದಾಖಲಿಸುವ ಮೂಲಕ ಬಿಸಿ ಮುಟ್ಟಿಸಿದ್ದಾರೆ. ಆ ದೂರಿನ ಆಧಾರದಲ್ಲಿ ಪ್ರಕರಣ ದಾಖಲಾದ ಕಾರಣ, ಮಂಜುನಾಥಗೌಡ ನ್ಯಾಯಾಲಯದಲ್ಲಿ ಜಾಮೀನಿಗೆ ಅರ್ಜಿ ಹಾಕುತ್ತಾರೆ. ಕೇಳ ನ್ಯಾಯಾಲಯದಲ್ಲಿ ಅದು ತಿರಸ್ಕೃತವಾದ ಕಾರಣ, ಮೇಲಿನ ನ್ಯಾಯಾಲಯದಕ್ಕೆ ಮಂಜುನಾಥ್ ಗೌಡ ಅಪಿಲ್ ಹೋಗುತ್ತಾರೆ. ಅಲ್ಲಿ ಮಂಜುನಾಥ್ ಗೌಡನ ಅರ್ಜಿಯನ್ನು ಸ್ವೀಕರಿಸಿದ ನ್ಯಾಯಾಲಯ, ಜಾಮೀನು ಮಂಜೂರಿ ಮಾಡುತ್ತದೆ. ಹಾಗೆಯೇ ತಹಸಿಲ್ದಾರ್ ಸಮ್ಮುಖದಲ್ಲಿ ಶೂರಿಟಿ ನೀಡುವಂತೆ ಹೇಳಿರುತ್ತದೆ.

ಅದರಂತೆಯೇ ಮಂಜುನಾಥ್ ಗೌಡ ತಹಸಿಲ್ದಾರ್ ಮುಂದೆ ಮೂರು ಲಕ್ಷದ ಶೂರಿಟಿ ನೀಡುತ್ತಾರೆ. ಇಬ್ಬರು ಸರ್ಕಾರಿ ನೌಕರರಿಂದ ಶುರಿಟಿ ಕೇಳಲಾಗುತ್ತದೆ. ಅದಕ್ಕೂ ಸಹ ಮಂಜುನಾಥ್ ಗೌಡ, ಇಬ್ಬರು ಸರ್ಕಾರಿ ನೌಕರರನ್ನು ಕರೆದೊಯ್ಯುತ್ತಾರೆ. ಅದನ್ನು ಒಪ್ಪಿಕೊಳ್ಳದ ತಹಶೀಲ್ದಾರ್ ಲಿಖಿತ ಮೋಹನ್, A ಗ್ರೇಡ್ ಅಧಿಕಾರಿಗಳ ಶೂರೀಟಿಯೇ ಬೇಕು ಅಂತ ಪಟ್ಟು ಹಿಡಿದ ಕಾರಣ, ಮಂಜುನಾಥ್ ಗೌಡಗೆ ಅದನ್ನು ಪೂರೈಸಲು ಆಗಿಲ್ಲ. ಹಾಗಾಗಿ ಮಂಜುನಾಥ್ ಗೌಡ ಸೀದಾ ಜೈಲಿಗೆ ಹೋಗಿದ್ದಾರೆ. ಇದರಿಂದ ಕೆರಳಿದ ಸ್ಥಳೀಯ ರೈತ ಸಂಘ ಮತ್ತು ಬಿಜೆಪಿ ಕಾರ್ಯಕರ್ತರು, ಪ್ರತಿಭಟನೆಗೆ ಮುಂದಾಗಿದ್ದಾರೆ. ತಹಸಿಲ್ದಾರ್ ತಮ್ಮ ಇತಿಮಿತಿಯನ್ನು ಮೀರಿ ಮತ್ತು ತಮ್ಮ ಹುದ್ದೆಯನ್ನೂ ದುರುಪಯೋಗ ಪಡೆಸಿಕೊಳ್ಳುತ್ತಿದ್ದಾರೆ ಎಂದು ಆರೋಪಿಸುವ ಮೂಲಕ ಈ ಪ್ರಕರಣವು ಮತ್ತೊಂದು ಮಗ್ಗಲಿಗೆ ಟರ್ನ್ ಆಗುವಂತೆ ಮಾಡುತ್ತಿದ್ದಾರೆ.

ಕೊಪ್ಪ ತಾಲೂಕಿನ ವ್ಯಾಪ್ತಿಯಲ್ಲಿ ಬರುವ ಸರ್ಕಾರಿ ಜಾಗ ಒಂದರಲ್ಲಿ ನಿರ್ಮಿತವಾಗಿರುವ ಕಟ್ಟಡ ಒಂದನ್ನು ಡೆಮಾಲಿಷ್ ಮಾಡಲು ಹೋದ ಸಂದರ್ಭದಲ್ಲಿ, ಸ್ಥಳೀಯ ಬಿಜೆಪಿ ಕಾರ್ಯಕರ್ತ ಮಂಜುನಾಥ್ ಗೌಡ ಹಾಗೂ ತಹಸಿಲ್ದಾರ್ ಲಿಖಿತ ಮೋಹನ್ ಮಧ್ಯೆ ವಾಕ್ ಸಮರ ನಡೆದಿತ್ತು. ಇದಾದ ನಂತರ ತಹಶೀಲ್ದಾರ್ ತಮ್ಮ ಸರ್ಕಾರಿ ವಾಹನವನ್ನು ವೈಯಕ್ತಿಕ ಉಪಯೋಗಗಳಿಗೆ ಬಳಸಿಕೊಳ್ಳುತ್ತಿದ್ದಾರೆಂದು ಮಂಜುನಾಥ್ ಗೌಡ ಆರೋಪಿಸಿದಾಗ, ಅವರ ನಡುವಿನ ಕಂದಕ ಇನ್ನಷ್ಟು ಹೆಚ್ಚಿತ್ತು. ಇದೆಲ್ಲವುದರ ಪರಿಣಾಮ, ತಹಸಿಲ್ದಾರ್ ಲಿಖಿತ ಮೋಹನ್ ಖುದ್ದಾಗಿ ಮಂಜುನಾಥ್ ಗೌಡ ಮೇಲೆ ಪ್ರಕರಣ ದಾಖಲಿಸಿದ್ದರು. ಆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯ ಜಾಮೀನು ಮಂಜೂರಿ ಮಾಡಿದ್ದರು, ತಹಸಿಲ್ದಾರ್ ಲಿಖಿತಮೋಹನ್ ತಮ್ಮ ಹುದ್ದೆಯನ್ನು ದುರುಪಯೋಗ ಪಡಿಸಿಕೊಳ್ಳುವ ಮೂಲಕ ಮಂಜುನಾಥ್ ಗೌಡಗೆ ಜಾಮೀನು ಸಿಗದಂತೆ ಮಾಡಿದ್ದಾರೆ ಅನ್ನುವುದು ಸ್ಥಳೀಯರ ಆರೋಪ. ಬಹುಶಹ ಇದು ರಾಜಕೀಯ ತಿರುವನ್ನು ತೆಗೆದುಕೊಳ್ಳುವ ಸಂಭವ ಜಾಸ್ತಿ ಇದೆ. ತಾಸಿಲ್ದಾರ್ ಲಿಖಿತ ಮೋಹನ್ ಒಂದಿಷ್ಟು ಬುದ್ಧಿವಂತಿಕೆ ಉಪಯೋಗಿಸಬಹುದಿತ್ತು . ಬದಲಿಗೆ ಅವರು ದೊಡ್ಡತನವನ್ನು ಮೆರೆದಿದ್ದಾರೆ ಮೇಲ್ನೋಟಕ್ಕೆ ತಹಸಿಲ್ದಾರ್ ತಮ್ಮ ಹುದ್ದೆಯನ್ನು ದುರ್ಬಳಕೆ ಮಾಡಿಕೊಂಡಂತೆ ಕಾಣುತ್ತಿದೆ ಎನ್ನುವುದು ಸ್ಥಳೀಯರ ಹೇಳಿಕೆ.